Helpric Sicking, buur te Schipborg ('Borck'), verkoopt en draagt bij stoklegging over aan de ministerse en de gemene zusters van het Olde Convent in Groningen een rente van drie mudden rogge uit al zijn goederen in de buurschap van Schipborg.

Ic Helprick Sicking buerman to Borck inden karspel van Anloe bekennen ende betughen
overmids den openen brieve voer my ende myne erffghenaem dat ic met goeden berade
verkoft hebbe stedes copes der ministersche ende gheneynen susteren vanden Olden Convent
in Groeninghe drie stede mudde rogghen jaerlix to boeren uyt ende over al myne goeden
huus ende hoff, acker ende landen, maeden waer ende schaer als dat ghelegen is inder boersschapp
van Borcke voerscreven om ene summe gheldes die se my vol ende al betaelt hebben. Ende desse drie
stede mud roggehen sal ic ende myn erfghenaem jaerlix den voerscreven susteren leveren to Groninghen
in hoer convent op die terminen als ghewoenlike is inden lande van Drenthe. Ende hier van
hebbe ic den voerscreven susteren den stocj gheleghet als ghewoenlicke is inden lande van Drenthe.
Daer over ende aen waren Henrick Korenpoert ende Johan Crum mede bueren van Borck
Yn orkunde der waerheit so hebbe ic ghebeden den eerbaren heren heren Aleff Lichtvoet
mynen kerckheer dessen brief voer my to beseghelen. Ende ic Aleff kercheer to Anloe om
beden wille Helprics Syckinghe voerscreven hebbe mijn seghel aen dessen brief ghehanghen in
een tuechnisse der waerheit. Ghegheven inden jaer ons heren dusent vierhondert vijf ende
veertich op sunte Bonifacius avont.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	401
Regestnr.	221
Olim	Arch. Klooster Essen, inv.nr. 1, reg. 37. Reg. Feith 1445.20.
Jaar	1445
Datumcode	vBonifa

x

x

Commentaar	Met het zegel van Aleff Lichtvoet, kerkheer te Anloe

x

Materiaal	perkament