Bernt van Schedlike, balijer van Westphalen, commandeur te Steinfurt en meester van Ostfriesland, Edzard en Roloff, commissarissen, en de gemene commandeurs in Friesland doen uitspraak in het geschil tussen Folkart, commandeur te Goldhoorn, en zijn conventualen enerzijds en heer Acken en de conventualen van Heseldehusen, een voorwerk van Goldhoorn, anderzijds, betreffende de onafhankelijkheid van Heseldehusen.

Wy broder Bernt van Schedlike balyer up Westphalen Commendur des huses to Stenvorde
unde mester in Ostvreeslant orden sunt Johans baptisten des hospitals van Iherusalem
broder Edzardi unde broder Roloff commissarius unde ghemene Commendurs in Vreeslant ordens
sunt Johans baptisten vorg. doen kundich unde apenbaer vor allen luden de dessen breeff
zeen eder horen lesen, dat wy de schelinge unde twigdracht, de ghewesen hevet tusschen
her Folkart Commendur tot Gholthorne unde de ghemenen conventes lude, des selven convents
lude by der ener ziit, unde her Acken unde de ghemene broders unde susters des huses to Hesel-
dehusen by der ander ziit, welker Heseldahusen een vorwerck in vortyden des conventes tot
Gholthorna plecht te wesene unde van den convente ghestichtet in unsen ghemenen capittel
to Groningen in een vast vrentscap unde zone hebben weder tusschen beyden parten ghemant
unde ordiniert in puncten hiir na bescreven int erste, dat Heseldahusen zall en hues ewich
by em selven wesen unde blyven alse ander convente unde huse under horsamheyt des borger-
mesters bij sollen alle yar gheven in dat hues to Stenvorde vor en respons dre
rynsche ghuldene, unde dat hues to Golthorna zall gheven vor en respons twe rynsche
ghuldene unde nicht meer, doch so sal men van beyden husen elk bysunder capittel denen
ghelick anderen husen, unde dar mede sollen ze beyde van malcanderen ghescheyden wesen mit
vrentscopen to ewighen tyden, hiir hebben an ghelyet beyde parten vorg. In orkunde der
waerheyt dat desse vrentscap unde puncte werden gheholden So hebbe wy mester unde
commissarii vorg. unse Ingheseghele an dessen breeff ghehangen Ghegeven in den yar
unses heren dusent vorhundert ses unde vertich up sunt Margareten avend.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	217
Regestnr.	233
Olim	Arch. Klooster Oosterwierum, inv.nr. 4, reg. 8. Reg. Feith 1446.21.
Jaar	1446
Datumcode	vMargar

x

x

Commentaar	Met de zegels van Bernt van Schedlike en Roloff; het zegel van Edzard is verloren

x

Materiaal	perkament