Bruen Kenema verklaart verkocht en bij stoklegging overgedragen te hebben aan de conventualen van Wijdwerd 1 5/6 roede veen en 1/6 deel van het huis en de hoeve daarbij behorende, gelegen in de marke van Zuutlaren, welke verklaring bezegeld wordt door Wilhelmus, kerkheer te Zuutlaren.

Ick Bruen Kenema Bekenne unde Betuge vor my unde my
nen erffgenamen mit desen openen brieve Dat ick heb vercofft oppgelaten
unde overgegeven eweliken und erffliken Den conventes luden van Wydwert
twe roede veens een sestendeel myn unde oeck myn sestendeel van den huus
unde hoeve al daer gelegen is bij der noerder zijd Den twaleff roede veens
des convents van Wijtwert vorscr. Inder marke van Zuutlaren vor eyn
summe geldes die mij wytlick unde wal betaelt is unde heb hem dat vrij ghe
loevet unde rechte warschap to doende vor alle die ghene die des to rechte
comen willen vor my unde mijnen erffgenamen Hijr om so heb ick hem den stock
geleghet unde vertichnisse gedaen als ghewoenlick landrecht is in Drente
Hijr weren an unde over Herman Henrickssoen in der tijt to Zuutlaren
schulte Herder Hemsynge, Johan Hoyting Johan unde Reinder Vordingen
gebroeders unde ander guder lude genoech In orconde der waerheit so
heb ick gebeden heren Wilhelmus in der tijt kercheer to Zuutlaren
vorscr. dessen breef vor mij to bezegelen Unde ick Wilhelmus preester
vorscr. heb myn zegel om bede wille Bruens vorscr. beneden an dessen breef doen han
ghen gegeven in den iaer ons heren Dusent vierhondert unde een unde vijftich
Opp den zoendach vor pinxteren.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 117r
Regestnr.	283
Olim	Arch. Klooster Selwerd, inv.nr. 1, reg. 113.
Jaar	1451
Datumcode	DaPentec

x

x

Materiaal	perkament