Egbert de Backer, Grote Berent van der Braeck, Albert de Smid bij de Oesterpoerte en Roloff Sentemaker bij de Ae, "verwaarders" en voogden van het Ghertrudegasthuis in de Peperstrate in Groningen, verklaren dat zij in hun gasthuis hebben opgenomen Henrick, zoon van Ludeken en weduwnaar van Ghebbe uit Dillicht; dat zij zo de vrije beschikking hebben gekregen over diens goed in de buurschap en buurmarke van Dillicht, zijnde een huis en hof en ongeveer negen grazen land dat zij dit hebben verkocht en bij stoklegging overgedragen aan de abdis en het gemene convent van Essen, uitgezonderd een half mud land.

Wy Egbert die backer, Grote Berent vander Braeck, Albert die smit bi Oesterpoerten ende Roloff scutemaker bider Ae
verwaerers ende voegheden inder tyt van sunte Ghertruden gasthuses in Peperstrate binnen Groningen bekennen ende tughen in dessen
openen breve voer ons ende onse navolghers dat wy om Goedes willen ende om vrende bede willen hebben ontfangen in dat vorscreven
gasthues Henrick Ludekens soen salighe Ghebben man van Dillicht myt huse, mit hove, mit lande, mit IX grase meer of myn
inder marke ende myt allen rechte dat Henrick ende Ghebbe vorscreven hadden ende pleghen toe bruken ende toe besitten in Dillichter buerscap
ende buermarke gheleghen. Alsoe dat wy dit vorscreven guet moeghen verbuten, vercopen, wenden ende kieren tot des huses vorscreven besten
oerber sunder Henricx vrenden ende maghen off yemant anders wederseggen ende hinder. Des soe hebben wy myt gueden voerberaden
moede al dat vorscreven guet ende land myt alle sinen rechte ende toebehoeringe witlike ende redelike, erfflike ende ewelike, verbutet
ende vercofft der abdissen ende ghemenen convente van Essen want dat in hoeren lande gheleghen was uutghesecht een half mud lands
bi Lutgart Johan Ludekens ende Clawes Knotte gheleghen dat wy an ons beholden hebben toe behoeff des huses vorscreven voer ene
summe gheldes ende voer een anwissel daer wy van vernoeghet sint tot onsen willen toe behoeff des huses vorscreven. Ende loven den convente ende
cloestere vorscreven dat vorscreven land vry toe waren van alre ansprake ende allen voerkummer of te doene voer al die ghene die des toe
rechte willen komen sunder des convents vorscreven hinder ende schaden. Ende hebben des verteghen mit hande ende mit munde ende mit stoclegginge
ende anders woe wy dat schuldich weren toe doene mit rechte. Alsoe dattet den convente ende cloestere vorscreven erflike stede ende vast sall
wesen ende bliven naden lantrechte ende na allen rechte sunder al arghelist. Daer desse vertichnisse ende stoclegginge gheschiede daer
weren an ende over gheburen van Dillicht Clawes Knotte, Helprick Hinkens, Henric Hinkens, Ludeken Hinkens, Berend des convents
meyger ende anders gueder lude ghenoech. In orkunde der waerheit soe hebben wy Egbert, Berent, Albert ende Roloff verwarers ende
voegheden des huses vorscreven des selven huses seghel an dessen brieff ghehangen inden jaer ons heren dusent vierhundert ende vierendevyftich
op sunte Remigius dach des hillighen bisscops.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	126
Regestnr.	318
Olim	Arch. Klooster Essen, inv.nr. 4, reg. 45. Reg. Feith 1454.17.
Jaar	1454
Datumcode	Remigi

x

x

Commentaar	Met het zegel van het Geertruidsgasthuis

x

Materiaal	perkament
Plica	geen plica.

x