| Nummer:kla0320 | Datum:16 okt. 1454 | Overlevering:Afschrift | Vindplaats:Kloosterarch., inv.nr. 20, fol. 008v, reg. 320 |
Focke Hebekensoen van de Nijenlande en zijn vrouw Liubbe, woonachtig te Bafflo, verklaren te hebben verkocht aan abt Henrick en het convent te Selwert hun heem met wierden te Bafflo, dat zij hebben geerfd van Tyaert Persona, begrensd aan de zuidzijde door de gemene weg en aan de noordzijde door de Ham, welke verklaring bezegeld wordt door Antonius, persona te Baftlo.
Wy Focke Hebeken soen van den Nyen lande ende Liubbe echte lude wo-
nende toe Bafftlo bekennen ende betughen in desen openen brieve dat wy hebben
vercoft op ghedraghen ende overghegheven voer ons ende onsen erfghenamen
den eersamen heer Henrick Abt ende convent van Selwert van Sunte Benedictus
orde ende oeren naecomelingen onsen heem mitten wijrden op Baffler dorp dat ons
angheervet is van salighe Tyaert Persone gheleghen op die wester zijd des Kupers-
heem dat salighe Tyaerd voerscr. den Abt ende den convente hevet gheboket ende
strecket westert an Lulef Tymermans heem dat Tyaert voerscr. den persoen ende
den kerchere toe Bafftlo hevet gheboket daer die ghemene wech doer Baftlo
licht up die zuudzijt ende die Ham tusschen op die noerd zijde licht ter zwette voer
een somme gheldes die ons vul ende al betaelt is to bruken toe besitten ende al ho-
ren vryen willen daer mede toe doen sonder alle argelist Hijr hebbe wy (sic) an ende
over ghewest Johannes Provest ende Heme Kocks wedmans toe Baftlo wedmans-
wijse daer toe gheropen ende ghebeden In orkunde der waerheit hebbe wy Focke
ende Liubbe voerscr. ghebeden den erberen heren Meyster Anthonius persoen toe Baftlo
onsen Cureet toe Bafftlo dessen brieff voer ons ende over ons toe beseghelen Ende
ick Anthonius persoen vorscr. heb mijn segel an desen ghehangen om Focke
ende Liubben bede wille voerscr. Ghegeven int iaer ons heren dusent vierhondert ende
vier ende vijftich op Sunte Gallendach.
nende toe Bafftlo bekennen ende betughen in desen openen brieve dat wy hebben
vercoft op ghedraghen ende overghegheven voer ons ende onsen erfghenamen
den eersamen heer Henrick Abt ende convent van Selwert van Sunte Benedictus
orde ende oeren naecomelingen onsen heem mitten wijrden op Baffler dorp dat ons
angheervet is van salighe Tyaert Persone gheleghen op die wester zijd des Kupers-
heem dat salighe Tyaerd voerscr. den Abt ende den convente hevet gheboket ende
strecket westert an Lulef Tymermans heem dat Tyaert voerscr. den persoen ende
den kerchere toe Bafftlo hevet gheboket daer die ghemene wech doer Baftlo
licht up die zuudzijt ende die Ham tusschen op die noerd zijde licht ter zwette voer
een somme gheldes die ons vul ende al betaelt is to bruken toe besitten ende al ho-
ren vryen willen daer mede toe doen sonder alle argelist Hijr hebbe wy (sic) an ende
over ghewest Johannes Provest ende Heme Kocks wedmans toe Baftlo wedmans-
wijse daer toe gheropen ende ghebeden In orkunde der waerheit hebbe wy Focke
ende Liubbe voerscr. ghebeden den erberen heren Meyster Anthonius persoen toe Baftlo
onsen Cureet toe Bafftlo dessen brieff voer ons ende over ons toe beseghelen Ende
ick Anthonius persoen vorscr. heb mijn segel an desen ghehangen om Focke
ende Liubben bede wille voerscr. Ghegeven int iaer ons heren dusent vierhondert ende
vier ende vijftich op Sunte Gallendach.
x
| Archief | Groninger Archieven |
|---|---|
| Fonds | Kloosterarch. |
| Toegangsnummer | 172 |
| Inventarisnr. | 20 |
| Fol.nr. | fol. 008v |
| Regestnr. | 320 |
| Olim | Arch. Klooster Selwerd, inv.nr. 1, reg. 136. |
| Jaar | 1454 |
| Datumcode | Galli |