Johan Lippinghe te Noertlaer verklaart geschonken en overgedragen te hebben aan de ministerse en de gemene zusters van het Olde Convent in Groninghen zijn hofstede met schuur te Noertlaren met de kooltuin en de halve Gronewech, lopende westwaarts tot aan de gemene weg, en drie stukken akkerland.

Ic Johan Lippinghe wonende inden kerspel van Noertlaer inden gherichte van Zelwarden bekenne
ende beughe met dessenopenen brieve voer my ende myne erffghenamen dt ic wytlike met gueden
berade verkofft hebben oppghedraghen ende over ghegheven draghe opp ende gheve over met handen
ende met monde ewelike ende erffliketo ghebruken in ene vry erffkope der Ministersche ende gheme-
ne susteren vander darde regule van sunte Franciscus des Olden Convents in Groninghen myne hoff
stede metter schure also als se nu te tijt gheleghen is toe Noertlaeren alre naest opp die noertzijde
vanden voers. convents erve dat se van Johan die Rotinghe ghecofft hebben metten koeltuyn ende
metten halven Gronen wech die daer opgaet westwert vanden voers. hoffstede int weste aen den
ghemene wech metten acker landes die daer by leghet int noerden onghemeten Ende noch twe acker
landes die voert noertwert gheleghen sijn die ene van twe amersaet landes daer der kosterie acker
landes by leghet int zuden Ende die ander acker is van vijff amersaet ende leghet voert noertwert
daer salighe Mense Gymmeringe lant by leghet int noerrden Ende tusschen desse twe ackeren voers.
leghet Lambert Naghel met een acker van twe amersaet voer ene summe van ghelde die my die
voers. susteren vol ende al wael betaelt hebben daer my aen ghenueghet Ende van desse voers. hoffstede
schure ende lande hebbe ic den voers sustern ende convent stocklegghinghe ghedaen als lantrechte is
inden gherichte van Zelwarden daer oec ende aen waren als boeren van Noertlaer her Henric kerc-
heer ende her Gheert kosterpaepp van Noerrtlaer, Ludeken Schultinge, Johan de Rotinghe, Johan de Ro-
tinghe schult toe Noertlaer, Herman Naghel, Lambert Naghel, Aelbert Lyllinghe Mensensoen, Johan
Woedinge ende voert die ghemene boeren van Noertlaer die mede to samen vande stoclegghinge
aten en dronken sonder alle arhelist. In oerkunde der waerheit hebbe ic ghebeden den eerbaren
man Johan Hornekinge schulte des gherichtes van Zelwarden dessen brieff over my ende myne erffgenamen
to beseghelen. Ende ick Johan schulte voergen. om bede wil Johan Lyppinghe voers. hebbe mijn seghel
aen des en brieff ghehanghen in een tuych der waerheit. Ghegeven inden jaer ons heren dusent
vierhondert vijff ende vijfftich op Mey avent

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	358
Regestnr.	334
Olim	Arch. Olde Convent, inv.nr. 43, reg. 22. Reg. Feith 1455.3.
Jaar	1455
Datumcode	vMei

x

x

Commentaar	Met het zegel van Johan Hornekinge, schout van Selwerd

x

Materiaal	perkament