| Nummer:kla0337 | Datum:9 mei 1455 | Overlevering:Afschrift | Vindplaats:Kloosterarch., inv.nr. 20, fol. 063v, reg. 337 |
Burgemeesters en raad te Groningen verklaren dat Coppijn Huyng heeft verhuurd aan Johan van Andels een erf, gelegen in het bolwerk, voor negen gouden rijnse guldens per jaar, welke rente te allen tijde kan worden afgekocht.
Wy Borgemestere ende Raed in Groningen betugen mit dessen openen
breve Dat vor ons is gecomen Coppyn Huyng ende becande vor em ende
synen erffgenamen Dat hie hevet verhuert ter eewiger hure Johan van Andels
Die baertscherer ende syn erffgenamen een Stucke erves van soeven ende dertich
roede lanck an dat oester ende wester ende mitten halven sloeten ende eenen
twintichsten halven roeden briet mitten halven sloete an die noerder zijd
gelegen int Bolwarck Daer Johan Marissing naest by gelandet is opp die
noerder sijt ende Herman Schroeders opp die zuuder zijd welck land vorscreven beiden
parten wal genoeget an der maten als vorscreven is Elkes iaers vor negen
golden rijnssche gulden rente Vor datum desses breves gemuntet offt pay-
ment dat daer guet vor is Jaerlix toe vrymarket toe betalen Hyr is toe
gesproken Dat Iohan vorscreven offt sijn erffgenamen moegen die vorscreven negen gul-
den rente aff ende quyt copen wanneer em des genoeget mit twintich pen-
nige eenen pennick (sic) rente Die helfte van den negen gulden rente vorscreven
effensche aff toe copen vorgen. payments mit vorwarden dat men die vorscreven
swette opp die zuuder zijdt salmen niet naer bepoten dan opp vier voete
nae Johans vorscreven land Weert oeck sake dat Johan vorscr. offt sijn erffgenamen
dit vorscreven land vercopen wolde eert dattet gevrijet waer van der renten vorscr.
Soe sullent Johan vorscreven off syn erffgenamen Coppyn vorscreven offt syn erffgenamen beden
ende weten laten vor soe dane geldt als hem dat gelden mach sonder argelist. Dat
orconde wy mit onser stad zegel Gegegeven in den iaer ons heren Dusent vier
hondert ende vyffende vyfftich Des vrydages vor sunte Pancracius ende Servatius
dage martirum Doe Henrick kater, Gosen ten Grave, Clawes van Banlo ende
Evert Hubbeldinge Borgemestere waren onser stad.
breve Dat vor ons is gecomen Coppyn Huyng ende becande vor em ende
synen erffgenamen Dat hie hevet verhuert ter eewiger hure Johan van Andels
Die baertscherer ende syn erffgenamen een Stucke erves van soeven ende dertich
roede lanck an dat oester ende wester ende mitten halven sloeten ende eenen
twintichsten halven roeden briet mitten halven sloete an die noerder zijd
gelegen int Bolwarck Daer Johan Marissing naest by gelandet is opp die
noerder sijt ende Herman Schroeders opp die zuuder zijd welck land vorscreven beiden
parten wal genoeget an der maten als vorscreven is Elkes iaers vor negen
golden rijnssche gulden rente Vor datum desses breves gemuntet offt pay-
ment dat daer guet vor is Jaerlix toe vrymarket toe betalen Hyr is toe
gesproken Dat Iohan vorscreven offt sijn erffgenamen moegen die vorscreven negen gul-
den rente aff ende quyt copen wanneer em des genoeget mit twintich pen-
nige eenen pennick (sic) rente Die helfte van den negen gulden rente vorscreven
effensche aff toe copen vorgen. payments mit vorwarden dat men die vorscreven
swette opp die zuuder zijdt salmen niet naer bepoten dan opp vier voete
nae Johans vorscreven land Weert oeck sake dat Johan vorscr. offt sijn erffgenamen
dit vorscreven land vercopen wolde eert dattet gevrijet waer van der renten vorscr.
Soe sullent Johan vorscreven off syn erffgenamen Coppyn vorscreven offt syn erffgenamen beden
ende weten laten vor soe dane geldt als hem dat gelden mach sonder argelist. Dat
orconde wy mit onser stad zegel Gegegeven in den iaer ons heren Dusent vier
hondert ende vyffende vyfftich Des vrydages vor sunte Pancracius ende Servatius
dage martirum Doe Henrick kater, Gosen ten Grave, Clawes van Banlo ende
Evert Hubbeldinge Borgemestere waren onser stad.
x
| Archief | Groninger Archieven |
|---|---|
| Fonds | Kloosterarch. |
| Toegangsnummer | 172 |
| Inventarisnr. | 20 |
| Fol.nr. | fol. 063v |
| Regestnr. | 337 |
| Olim | Arch. Klooster Selwerd, inv.nr. 1, reg. 146. |
| Jaar | 1455 |
| Datumcode | VaPancra |
x
| Aantekeningen | In cartularium ingedeeld onder G XXXIX, littera prima |
|---|---|
| Afbeelding 1 | |
| Negatief | 106-O4-53 |