Johan Hoerneken, ambtman van het gericht van Zelwert, oorkondt dat de weduwe Alijt Hinkens met haar beide zoons Helperic en Ludeken heeft verkocht en bij stoklegging overgedragen aan de abdis en het gemene convent van Essen een stuk grond van vier... vijf mudden in Dillichtermarke op de es, strekkende van de buurweg westwaarts tot de buurmark, bezwaard met twee spint "schultmolt", een precarie en een tiende.

Ick Johan Hoerneken amptman inder tyt des gherichtes van Zelwert bekenne ende tughe myt dessen openen breve
dat voer my sint ghekomen Alijt Hinkens wedue myt hoeren twee soens Helperic ende Ludeken ende bekanden
voer hem ende voer hoer erffgenamen dat sie hebben wytlike verkoft der abdissen ende ghemenen convente des cloesters
van Essen van sunte Bernards oerden in enen steden vasten erffkope een stucke lands inder mate tusschen vier
ende vyff mudde lands groet gheleghen in Dillichter marke tusschen des vorscreven convents land opten
essche streckende vanden buerweghe westwert an die buermarke kummer vry toe waren van alre
ansprake uutghesecht twie spint schultmolts ende praecarie daer nae ende tende vander helfte voer ene
summe gheldes die hem vul ende al wall betaelt were. Ende wes dat land beter were dat hadden sie den
convente vorscreven ghegheven, want sie lange jaren des convents meyyers hadden ghewest. Ende hebben dat vorscreven
land verteghen ende overghegheven mit hande ende myt munde ende myt stoclegginge woe sie myt rechte sculdich
weren toe doene toe behoef des selven convents daer desse vertichnisse ende stoclegginge gheschede daer weren
an ende over buren van Dillicht ende van Helptman Clawes Knotte, Johan Ludekens, Henric Bolens, Derick Kremer, Egbert Kremer, Ludeken Kremer, Galteke Sighers ende ander gueder
lude ghenoech. In oerkunde der waerheit soe heb ic Johan amptman vorscreven mynen seghel an dessen brieff ghehangen
om beden wille des convents ende Alijts ende ore kindere vorscreven inden Jaer ons Heren dusent vierhundert
ende sessendevijftich op sunte Matheus avent des hillighen apostels ende ewangelisten. Derick Kremer,
Egbert Kremer, Ludeken Kremer, Galteke Sighers.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	134
Regestnr.	351
Olim	Arch. Klooster Essen, inv.nr. 4, reg. 51. Reg. Feith 1456.24.
Jaar	1456
Datumcode	vMatthe

x

x

Commentaar	Met het zegel van Johan Hoerneken

x

Materiaal	perkament

x