| Nummer:kla0387+ | Datum:22 okt. 1458 | Overlevering:Vidimus | Vindplaats:Kloosterarch., inv.nr. 206, reg. 0387* |
Eggardus, proost van Schildwolde, verkoopt de stede Apel in Westerwolde aan Jacob Wiltinck, priester.
Wy broeder Eggardus provest, broeder Egbertus Procurator,
suster Thiaka priorissa und voert gemene conventualen
des cloester in gracia sancte Maria thoe Schiltwolde Pre-
monstreten orden, bekennen ende betuigen mit dessen openen
breve, dat wy toe samen mit enen vryen wal beradenen
willen, mit oirloff und soncente onser Erwerden Prelaten
Abten van Premonstreten und van Wittewirum, in der saeken
Commissarii van onses ordens wegen, hebben vercofft erst-
licken und ewelicken, und verkoept inn craft desses breves
voor ons ende alle onse nacomelingen den Ersamen her Jacob
Wiltingen, cureet to Gerleswere und vicaris toe Loppersum
off holder ddesses breves mit sinen willen, onse verwoestede
erve und goed geheten van oldes Apel mit siner toebehoere,
als dat gelegen is in lande, sande, holte, weide, torve, vene,
watere, und mit alle siner slachten nutte unde sinen a-
lingen toebehoer, nicht darvan uth bescheiden, soe dat
samentlicken beleget is an Westerwolde in dat Karspel
van Sellingh voer ene genoechlicke summe van gelde,
de ons daervoer toe onsen wille al vul betaelt is, und
wy vort gekort hebben an kentlick orber, und nutte on-
ses convente vors. und wy Provest Procurator Priorissa
und gemene Convente vors. sint desses vors. erves mit
all sinen toebehoren uutgegaen, und hebt darvan vertogen,
und verlijet darup alles rechten, aller ansprake, alles
vervulles?, und wes wy dar anne hebben gehad, wente up
data desses breves oft wy eder onse naecoemelingen hadden
off overwachtende mogen wesen in jenigen toecomenden
tyden, und hebben dat gestalt und gelaten in besitte
in macht, gewalt und willen heren Jacobs vors. und
siner medebescrevenen, darmede te doen und toe laten, toe
wenden, und toe keren na sinen willen, und lovet vor
uns und all onse naecoemelingen desses erves und
guedes Abell vors. toe waren voor een vry doorslachtich
guet, onbelastet, und onbete.set, mit jenighen bewyslicken
schulden voer alle de ghene die des toe rechte coemen willen,
und alle ansprake, die darop in toeomenen tyden ge-
schien mochten, oft gevordert werden, deger und al buten
jenigen schade heren Jacobs vors. und sinen medebescreven
oft te doen, und toe ledigen, wert dan saecke des nit en
geschede, und her Jacob vors. und sine medebescrevenen des
schaden und onwillen kregen, edder dar kost und arbeit
om deden, soe verwilkoeren wy Provest, Procurator, Prioris-
sa und convente vors. voer ons und al onse naecoeme-
lingen, dat he und sine medebescrevenen alle gebreck der
vrijheit mit allen schade daromme gedaen und geleden
van ons mogen manen, uth alle onsen guede und ver-
valle, reppelick oft onreppelick, mit gerichten beide
geistlick off wartlick, soe lange alle gebreck und schade
gevryet ende betaelt sy; dit sal al wesen buten ons oft
gemande van onsen wegen widderspraeck ofte ovelmoet,
sonder jenige behapinge jeniger privilegien vryheiden,
eder andere rechtes, und loven alle articulen und punten
vors. stedevast und onverbroecken thoe ewigen tyden tho
holden.In tuige der waerheit hebben wy verkoepers vors.
gebeden den Ersamen geestlicken heren Timannum Abt
thoe Wittewirum desen brief over ons toe besegelen, der ick
Timannus vors. bekenne und gerne gedaen hebbe omme
beveels wille der Erwerdigen Abten ende Capittels van
Premonstreten, und hebbe myn segel als een Commissa-
rius voer an dessen brieff gehangen, Und wy Provest
Procurator Priorisse und Convente vors. hebben ons ampts
und convents segel willelick vor uns alle onse naecoeme-
lingen mede an dessen breff gehangen. Datum anno Domini
millesimo quadringentesimo quinquagesimo octavo
in crastino undecimo milium Virginum.
suster Thiaka priorissa und voert gemene conventualen
des cloester in gracia sancte Maria thoe Schiltwolde Pre-
monstreten orden, bekennen ende betuigen mit dessen openen
breve, dat wy toe samen mit enen vryen wal beradenen
willen, mit oirloff und soncente onser Erwerden Prelaten
Abten van Premonstreten und van Wittewirum, in der saeken
Commissarii van onses ordens wegen, hebben vercofft erst-
licken und ewelicken, und verkoept inn craft desses breves
voor ons ende alle onse nacomelingen den Ersamen her Jacob
Wiltingen, cureet to Gerleswere und vicaris toe Loppersum
off holder ddesses breves mit sinen willen, onse verwoestede
erve und goed geheten van oldes Apel mit siner toebehoere,
als dat gelegen is in lande, sande, holte, weide, torve, vene,
watere, und mit alle siner slachten nutte unde sinen a-
lingen toebehoer, nicht darvan uth bescheiden, soe dat
samentlicken beleget is an Westerwolde in dat Karspel
van Sellingh voer ene genoechlicke summe van gelde,
de ons daervoer toe onsen wille al vul betaelt is, und
wy vort gekort hebben an kentlick orber, und nutte on-
ses convente vors. und wy Provest Procurator Priorissa
und gemene Convente vors. sint desses vors. erves mit
all sinen toebehoren uutgegaen, und hebt darvan vertogen,
und verlijet darup alles rechten, aller ansprake, alles
vervulles?, und wes wy dar anne hebben gehad, wente up
data desses breves oft wy eder onse naecoemelingen hadden
off overwachtende mogen wesen in jenigen toecomenden
tyden, und hebben dat gestalt und gelaten in besitte
in macht, gewalt und willen heren Jacobs vors. und
siner medebescrevenen, darmede te doen und toe laten, toe
wenden, und toe keren na sinen willen, und lovet vor
uns und all onse naecoemelingen desses erves und
guedes Abell vors. toe waren voor een vry doorslachtich
guet, onbelastet, und onbete.set, mit jenighen bewyslicken
schulden voer alle de ghene die des toe rechte coemen willen,
und alle ansprake, die darop in toeomenen tyden ge-
schien mochten, oft gevordert werden, deger und al buten
jenigen schade heren Jacobs vors. und sinen medebescreven
oft te doen, und toe ledigen, wert dan saecke des nit en
geschede, und her Jacob vors. und sine medebescrevenen des
schaden und onwillen kregen, edder dar kost und arbeit
om deden, soe verwilkoeren wy Provest, Procurator, Prioris-
sa und convente vors. voer ons und al onse naecoeme-
lingen, dat he und sine medebescrevenen alle gebreck der
vrijheit mit allen schade daromme gedaen und geleden
van ons mogen manen, uth alle onsen guede und ver-
valle, reppelick oft onreppelick, mit gerichten beide
geistlick off wartlick, soe lange alle gebreck und schade
gevryet ende betaelt sy; dit sal al wesen buten ons oft
gemande van onsen wegen widderspraeck ofte ovelmoet,
sonder jenige behapinge jeniger privilegien vryheiden,
eder andere rechtes, und loven alle articulen und punten
vors. stedevast und onverbroecken thoe ewigen tyden tho
holden.In tuige der waerheit hebben wy verkoepers vors.
gebeden den Ersamen geestlicken heren Timannum Abt
thoe Wittewirum desen brief over ons toe besegelen, der ick
Timannus vors. bekenne und gerne gedaen hebbe omme
beveels wille der Erwerdigen Abten ende Capittels van
Premonstreten, und hebbe myn segel als een Commissa-
rius voer an dessen brieff gehangen, Und wy Provest
Procurator Priorisse und Convente vors. hebben ons ampts
und convents segel willelick vor uns alle onse naecoeme-
lingen mede an dessen breff gehangen. Datum anno Domini
millesimo quadringentesimo quinquagesimo octavo
in crastino undecimo milium Virginum.
x
| Archief | Groninger Archieven |
|---|---|
| Fonds | Kloosterarch. |
| Toegangsnummer | 172 |
| Inventarisnr. | 206 |
| Regestnr. | 0387* |
| Olim | Reg. Feith 1458.20 . |
| Jaar | 1458 |
| Datumcode | cXImVir |