Abt Henricus en het convent te Syloe verklaren dat zij Johannes Wigering, decretorum doctor en proost te Hummerke, toestaan de helft in ontvangst te nemen van de opbrengst van de tienden in Bafflo, Halfampte, Redijck, Ubbega, Middelstum, Menekingawere, Undernawerum, Stiswert, Edingawere en Tornwert, die zij in pacht hebben van de abdis van Maria van Transaquae te Munster, waarbij bepaald wordt dat genoemde Johannes tegelijk met het convent de tienden zal innen en jaarlijks een kwart vat boter zal betalen aan het convent.

Nos Henricus dei patiencia Abbas totusque con-
ventus in Syloe ordinis sancti Benedicti monasteriensis dyocesis Notum facimus uni-
versis et singulis praesencia visuris et audituris Quod ex singulari favore
et amicicia nobis exhibitis per venerabilem et egregium virum magistrum Iohannem Wigering
decretorum doctorem Praepositum Hummersensem Ipsum eundem et suos veros et legitimos
heredes perpetuis temporibus et futuris admisimus et admittimus per praesentes ad percep-
cionem medietatis omnium et singulorum fructuum proventuum et obvencionem prove-
mentium ex collectione totalis decime Bafflo in Halfampte Inredijck Ub-
bega Middelstum Menekingawere Undernawerum Stiswert Edingawere
nec non in Tornwert Nobis perpetuis temporibus collate et locate Per venerabilem
Dominam Abbatissam Beate Marie transaquas monasteriensis Iuxta tenorem et formam
litterarum suarum de supra datarum et confectarum modis et formis infrascriptis inter nos
et magistrum Johannem Praepositum suos heredes prefatos concordatis et confectis Ita
videlicet quedam singulis annis Magister Johannes et sui heredes prefati per nuncium ydo-
neum una cum nuncio nostro omnibus expensis et laboribus debito tempore huiusmodi
fructus proventus et obventiones indivisibiliter congregavimus et colle-
gemus Quibus collectis idem Magister Johannes aut sui heredes pro tempore ad hoc insti-
tuendi medietatem fructuum proventuum et obvencionem absque omni nostra contra-
dictione suis usibus pro beneplacito suo applicabit seu applicabunt pro qua
medietate ut fertur prefatus magister Johannes praepositus et sui heredes ad hoc
instituendi pro tempore nobis et successoribus nostris singulis annis solvet
et solvent in vigilia sancti Iacobi Apostoli in nostro monasterio in Syloe quartale u-
nius totalis vasis buturi iusi ponderis boni coloris Tali adiecta condicione
quodsi magister Johannes vel sui heredes in solucione predicti quartalis vasis
butiri annue pensionis in aliquo termino negligentes inventi fuerit vel
fuerint Et nos aut nostri successores pro tempore et termino neglecte solucionis
exigere possumus duplicem censum videlicet dimidium vas butiri ab eodem magistro Johanne
aut ipsius heredibus et extorquere via iuris pro libitu nostro qui eundem
duplicem censum nobis pro tunc solvere et integre ministrare tenebuntur contradicti
onibus illius vel cuiuscumque alterius non obstantibus Nec nos aut nostri successores
ab eodem magistro Johanne vel eius heredibus plusquam exstat supra scriptum petere pos-
sumus aut postulare Infra prefato magistro Johanne Praeposito viam universe carnis
ingresso unus verus heredum illius ad hoc instituendus Infra tres menses
post obitum ipsius magistri Johannis aut heredum suorum si invicem post mortem succenden-
cium inmediate sequentes Nobis aut nostris successoribus dabit dimidium
vas butiri iusi ponderis et boni coloris pre recognicionem iuris nostri Necnon
desolucione et donacione predicte annue pensionis iustam et debitam praestabit waran-
diam Alioquin so talis heres negligens in hiis repertus fuerit cadat a iure suo
Sic quod iamdicta medietas fructuum praenarrate decime ad nos pleno iure revolvatur
In quorum omnium testimonium praemissorum Sigillum nostrum Abbaciale una cum sigillo
conventus nostri praesentibus duximus appendendum Datum Anno domini Millesimo
quadringentesimo Sexagesimo crastino sanctorum Bonifacii et sociorum eius.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 127r
Regestnr.	416
Olim	Arch. Klooster Selwerd, inv.nr. 1, reg. 205.
Jaar	1460
Datumcode	cBonifa

x

x

x

Materiaal	perkament