Wyllem Hyddinge, burger van Groningen, verklaart dat het convent van Essen met hem en met Clare, weduwe van Johan Mulner, gegraven en bekostigd heeft een sloot lopende van Vosseholl tot Borch en een sloot lopende van de weg te Colham tot de Ee, waarbij o.a. bepaald wordt dat men door elkaars landen mag varen met turf en hout en dat Egbert Hannekens vrij gebruik mag maken van eerstgenoemde sloot.

Ick Wyllem Hiddinge borger in Groningen bekenne ende tuge myt dessen openen breve dattet convent van Essen
hevet myt my ende myt Claren salige Johan Mulners wedewe samentlike bekostiget ende gegraven
den enen sloet uut Vossesholl streckende wend ande Borch mytter bruggen ende myt den hilligen lande
ende den anderen sloet buten den wege to Colham streckende ande Ee welke slote ende settinge up de
slote vorscreven wy samentlike sullen erffliken ende ewliken besitten, bruken ende staende holden ende dwarff [sic] over
malkanders land myt holte offte torve te varen onbesproken ende onbehindert behalven dat wy
malkanderens scade schutten sullen na onsen macht gene graven te dammen meer bruggen van vlaken
te maken ende weder up te nemene sunder vertreck. Ende wes bate ende scade van dessen sloten ende lande
vorscreven komen mach sullen wy gelike up staen ende deelen uutgesecht dat Egbert Hannekens ende sine erffgenamen
den sloet uut Vossesholl kummervry mede gebruken sullen. Ende daer nemant in to rumen tensy myt
sinen consente ende myt onsen wille sunder argelist. In orkonde hebbe ick Wyllem vorgenoemd myn zegell
an dessen breeff gehangen. Ghegeven inden jaer ons heren dusent vierhundert ende tsestich des donredages
voer sunte Margarieten dach virginis.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	158
Regestnr.	419
Olim	Arch. Klooster Essen, inv.nr. 17, reg. 53. Reg. Feith 1460.18.
Jaar	1460
Datumcode	JaMargar

x

x

Materiaal	perkament

x