Johannes, bisschop van Munster, paltsgraaf aan de Rijn en hertog van Beieren, oorkondt dat hij met instemming van de deken en het kapittel heeft verkocht aan Bernardus Mersman, priester van Stemvordia, de veertien marken rente die Anthonius, persona personatus te Bafftloe en Rodolphus Muesman, scholaris, en na hun dood de abt en het convent in Syloe gehouden zijn te betalen aan de officiaal van Frisia vanwege de hof te Baftloe, dat deze rente na de dood van Bernardus Mersman in het bezit gekomen is van het Her Schelenconvent te Keulen en dat zij op de gebruikelijke termijn aan dit convent betaald dient te worden.

Johnnes dei gratia Episcopus monasteriensis Comes palatinus Reni Bavarie dux
venerabili patri Abbati et conventui sacrimonialium in Syloe ordinis sancti Benedicti prope Groe-
nynghen Ac Antonio persone personatus in Bafftloe et Rodolpho Huesman Scolari
terre Frisie et nostre diocesis devotis nostre dilectis Nec non universis et singulis praesentia visu-
ris et audituris notum facimus per praesentes Quod nos unanimi consensu dilectorum nostrorum Decani
et Capituli ecclesie nostre Monasteriensis prefate accedente utilitate et necessitate ecclesie nostre id
causante vendidimus futuris perpetuis temporibus cum gratia tunc reemendi Bernardo Mersman
presbitero de Steinvordia et littere principales desuper confecte et sigillate cum suo consensu tento-
ri Redditus quatuordecim marcarum denariorum monasteriensium Quos nobis et successoribus nostris
Anthonius persona Ac Rodolphus Huesman Scolaris antedicti propter collacionem Curtis
sive Curie nostre in Baftloe cum suis pertinenciis et attinenciis et Juribus universis eisdem
ad vitam illorum dumtaxat factam quo ad vixerint vel alter eorum vixerit solvere
tenentur et promisserunt per officialem nostrum terre Frisie Nec non abbas et Conventus in Syloe
post vitam Anthonii et Rodolphi praefatorum nobis et successoribus nostris propter incorporacionem Curtis
sive Curie predicte eisdem perpetuo factam eciam per officialem terre Frisie tradere et solvere
obligantur et sponderunt Iuxta tenorem litterarum nostrarum Collacionis et incorporacionis huiusmodi praefa-
tarum desuper confectarum et Sigillatarum. Cum itaque praefatus Bernardus Mersman presbiter diem
clauserit extremum et praedictos Redditus quatuordecim marcarum denariorum Monasteriensium una
cum littera principali empcionis desuper confecta in Testamento suo aut eius ultima vo-
luntate dedit seu legavit domui seu conventui Sororum de regula beati Augustini In
Platea sancti Gereonis In civitate Coloniensi vulgariter Herschelen Convent nuncupato
prout fide digna ad nos relacione provenit Hinc est quod vobis Abbati et Conventui An-
thonio et Rodolpho praefatis ac omnibus et singulis committimus Ac in virtute sancte obedientie praecipi
mus et mandamus quatenus rectrici Domus sive conventus in Colonia antedicti aut eius pro-
curatori sive numero aut littere principalis desuper confecte et Sigillate cum earundem voluntate sororum
et consensu tentori perpetuis futuris temporibus in locis et terminis consuetis de redditibus ante
dictis respondeatis et realiter et cum effectu responderi faciatis Clausula illa non obstante qua in litteris
Collacionis et incorporacionis huiusmodi cavetur ut vos per officialem nostrum terre Frisie
nobis et successoribus nostris de redditibus quatuordecim marcarum supradictis respondere deberetis
Quam etiam clausulam per praesentes revocandam duximus et revocamus donec et quousque nos
aut successores nostros Redditus antedictos a dicta domo seu conventu Aut a littere
principalis huiusmodi cum sui consensu tentore reemamus aut reemi faciamus Atque per nos
et per successores nostros per litteras patentes Vos desuper fueritis certificati. In cuius rei
testimonium praesentes litteras nostra desuper fiere Sigillique nostri appensione fecimus communiri
Datum Anno domini Millesimo quadringentesimo sexagesimo Ipso die sanctorum Prothi et Iacincti
martirum.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 019r
Regestnr.	421
Olim	Arch. Klooster Selwerd, inv.nr. 1, reg. 209.
Jaar	1460
Datumcode	ProJac

x

x

Materiaal	perkament