Gerhardus Boldewini, pastoor te Suetlaren, en Johan Renghers van den Poste, hoofdeling te Schermer, doen uitspraak in het geschil tussen de buren van Mydlaren en Rotger van Hueswerden, rentmeester te Covorden, over een veen bij Wolversberge dat Rotger gekocht heeft van Egbert Hennekens, in dier voege dat Rotger gehandhaafd wordt in het bezit van het veen ten oosten van de weg en dat de precarie, gaande uit het veen, wordt opgeheven tegen betaling door de buren van tien oude vlaamse groten.

Wij Gerhardus Boldewini priester Cureit to Suetlaren Ende Johan Renghers vanden Poste hoeffdinck to Schermer Bekennen myt
dessen openen breve dat wy van all alsuken gebreken ende schelinge als die buer van Mydlaren hadden myt Rotger van Hueswerden
van enen vene dat hem Egbert Hennekens verkofft hadde wy by eenre penen van vyfftich olden schilden een mynlyck scheyt ende
uutsprake gedaen hebben byder selven penen elk to holden In aneren nabescreven Intierste so sal Rutger ende syn erffgenamen hebben ende
beholden erfflijc dat vene ende den gront daer dat vene op licht van oestersydt des weges die doer Wolvesberge gheit toeden vene so
veer dat licht So he dat van Egbert gecofft hefft Syn beste mytden gronde to doen te weyden off seyen hoe dat beste em dient
sonder enich bekroen der voirscr. bueren van Mydlaren off van yemande Ende die precarie als tyen olde vlemsce groten die de
buer van Mydlaren vanden vene voirscr. Inden scoltjaer to boeren plegen te hulpe van Egbert Hennekens off synen voirvaderen sullen
erfflyc quyt wesen Ende daer sullen die buer van Mydlaren ende oir nakomelingen Rutger voirsc. ende synen erffg. ewelyc ende erfflijc
aff schadeloes holden Ende vanden vene myt synen gronde ende toebehoer ghien precarie off onraet na desen dage van te gaen off toe
betalen Ende den sloet ten diepe ende wech totden slote sullen Rutger ende syn erffg. erfflyc hebben ende gebruken gelyck ander buren
tot oeren besten myt synen torve ende anders des hem noet is Ende des so sullen ende moegen die buer van Mydlaren die weyde ende vissche
rye die Egbert Rutger voirsc. verkofft hadde Rustelyc van Rutger off synen erffg. gebruken erfflyc ende besitten So sie die to desen
dage gebrueket hebben Ende onss heren meyer van Utrecht to Mydlaren sal syn jaren die hem die Rentemester verpacht hevet
bruken syn andeil vander weyden ende visscherye so he heer toe dat gebruket hevet sonder enich bekroen van yemande Ende
sonder all argelist In oirkonde ende in een tuech der waerhet want wy Gerhardus priester ende JOhan Renghers hoeffding
voirsc. hier an ende over geweest hebben als dedinges ende scheideslude van beiden partyen voirsc. So hebben wy omme bede willen
der bueren van Mydlaren ende Rutgers van Hueswerden Rentemester to Covorden inder tyt byder penen voirscr. dese puncten
eendrachtlyck uutgesproken ende onse segele beneden an desen brieff gehangen Ende desser breve synt twe al eens holdende Ende
die buer van Mydlaren hebben den enen ende Rutger van Hueswerden den anderen Gegeven inden jaer onss heren Dusent
vierhondert ende Een endetsestich des naesten manendages na sunte Wilbrordus dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	267
Regestnr.	437
Olim	Arch. Klooster Wijtwerd, inv.nr. 21, reg. 80.
Jaar	1461
Datumcode	LpWilleb

x

x

Commentaar	Met de zegels van Gerhardus Boldewini en Johan Renghers

x

Materiaal	perkament