Albertus, pastoor, en de kerkvoogden te Westernieland, verklaren te hebben verkocht aan de abt en het convent te Selwerd een juk land, In den Oerd geheten, in Batewert in Saaxumhuizerhamrik.

Wy Albertus cureet Jacob Nachtegael ende Hermen Smyt kerckvoegeden in
sunte Marien buren oppt Nygeland Bekennen ende tugen in dessen openen
brieve Dat wy hebben vercofft opgedragen ende overgegeven Den eersamen
heren meister Hinrick Abd ende syn convent toe Selwert van sunte Benedictus oer-
den ende oren nacomelingen vor ons ende onsen nacomelingen een iuck landes gelegen in
Batewert in Xaxamhuester hammerick gehieten inden Oerd dat onser kerken ende ons
geboket is van salige Rykel Heppama Daer des vorscreven convents land by licht in den
wester ende ende salige Theedeke Heppama iuck by licht op die noerder zijde ter
zwette dat oeck geboket had Heer Poppken Cureet toe Xaxumhusen eewelick
ende erfflick toe bruken toe besitten ende al horen vryen wille daer mede toe doen
Vor een summe geldes die ons vul ende al betaelt is sonder alle argelist In orcon-
de heb ick Albertus cureet vorscreven myn zegel vor my ende mynen voegeden vorscreven
om oer bede wille an dessen brief gehangen Gegeven in den iaer ons heren Dusent
vierhondert Dre endesestich Op elven dusent maegeden dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 135r
Regestnr.	453
Olim	Arch. Klooster Selwerd, inv.nr. 1, reg. 223.
Jaar	1463
Datumcode	XImVir

x

x

Materiaal	perkament