Sippo te Berum (Bierum) verklaart te hebben verkocht aan Ebbe Sluchtinge alle uiterdijkslanden behorende bij drie grazen land in Losdorperhamrik, alsmede hun uiterdijkslanden in Bierumerhamrik.

Ick Sippo toe Berum bekenne myt desen breve voer my ende mynen eerffgenamen
dat ic heb verkoeft Ebbe Sluchtingen ende syne eerffnamen alsoe voele
uterdyckes als daer vallet up dre grase landes ende up den dijck daer
up dat lant hoert ghelegen in Lesbuer hemmerick gelyck Spijcksters ende
Lesdorpers hebben uterdijck op hoer lant ende dijck ende oeck den uterdijck
in Berommer hemmerick daer wy hebben op onse lant ende dijck vrij ende quijt
ewelick ende eerfflick myt rechte ende eghendoem voer ene summe van
gelde dat Sippo vorscr. bekande dat hem vol ende al betaelt is van Ebbo
vorscr. In oerkunde der waerheit soe heb ic heer Dirick toe Berum myn
zegel hyr an gehangen omme Sippo bede willen daer Rebbe ende Bente
tegenwoerdich weren Int iaer ons heren dusent vierhundert ende vierensestich
des daeghes nae iaers dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	2
Fol.nr.	fol. 09r
Regestnr.	455
Olim	Losse kloosterstukken, inv.nr. 1, reg. 18.
Jaar	1464
Datumcode	cCirDom

x

x

Materiaal	perkament