Johan Eykinge en zijn vrouw Wobbe verklaren dat zij verkocht en bij stoklegging overgedragen hebben aan heer Sarys, kerkheer te Borgher, een stuk land aan de westzijde van de Oesterweghe, namelijk een akker groot drie schat rogge.

Ick Johan Eykinge ende Wobbe myn echte wyff bekennen mit desen openen breve dat wij hebben verkofft
stedes vastes erffkopes erfflike ende ewelike voer uns ende unsen erffgenamen her Sarijs kercheer toe Borgher
enen acker landes gheleghen upter westersyt vanden Oesterweghe daer bi upter noortsijt ghelandet
is Johan ende Wobbe Eykinge vorscreven alder naest ende welker acker vorscreven is van dreen schat roggen ende
ghepartet is in voertiden vanden stucke vorscreven dat Johan vorscreven daer bi hevet voer ene summe van ghelde
die uns Johan ende Wobben vorscreven vull ende all wall betaelt is den lesten penninck mit den iersten. Soelen
ende willen her Serijse kercher vorscreven dessen vorscreven acker vry waren voer uns ende unse erffgenamen ende voer al die
ghene die daer up spreken moeghen mit rechte behalven den tenden die die kercher offte wedeme daer
over hevet. Ende hebben her Serijs vorscreven den stock hyr van ghelecht voer buren toe Borgher voer uns ende
unse erffgenamen als voer Frederick Hilboldinge ende Willem Wanekinge ende meer gueder lude ghenoech.
Want dit aldus is gheschiet, soe hebbe wy Johan ende Wobbe vorscreven voer uns ende unse erffgenamen ghebeden
Alberde Prandinge dessen brieff voer uns toe beseghelen, want wy gheen en bruken. Soe heb ick
um bede willen Johans ende Wobben vorscreven myn zeghell hyr an ghehangen inden jaer uns heren dusent
vierhundert ende vyff ende tsestich. Ghescreven des zoendaechs na sunte Johannes inden zomer.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	106
Regestnr.	476
Olim	Arch. Klooster Essen, inv.nr. 2, reg. 60. Reg. Feith 1465.23.
Jaar	1465
Datumcode	DpNatJoh

x

x

Commentaar	Met zegel van Albert Prandinge

x

Materiaal	perkament

x