Wabodus, pastoor te Werphum, oorkondt dat hij heeft verkocht aan abt Henrick en het convent te Selwert twee jukken land in Raswerder hamrik in een venne ten westen van de Biscopsvenne, waarin de kerk van Werphum, het convent van Selwert en de Onstemans enig land bezitten, welke twee jukken hem zijn "geboket" door Abele van Xaxum, vicaris te Werphum.

Ick Wabodus cureet to Werphum Bekennen unde Betuge in dessen openen
breve Dat ick om mijnen orber unde nutticheit heb vercofft opp gedragen unde
overgegeven Den eersamen meister Henrick Abd unde sijnen convent to Selwert
unde oren nacomelingen vor my unde vor myne erffgenamen nacomelingen twe iucke
landes gelegen in Raswerder hammerick in ener vennen naest Biscopsvenne
opp die oester zijd Daer onse hilligen to Werphum naest to zwette liggen mit twe
Jucke landes unde dat convent to Selwert mede ingelandet is onverscheiden
mit twe iuck unde Onstemans daer en tuschen Dre iuck Vor ene summe geldes
Die my vul unde al betaelt is sonder alle argelist Welcke twe iucke landes my
heer Wabben to Werphum geboket was van saligen Her Abelen van Xaxum vica-
rius to Werphum Hyr hebben bij an unde over gewesen Jullo Bawckama unde Azigo Durdes
zoen weddemans to Werphum wedmans wijse daer toe geropen unde gebeden In
orconde der waerheit heb ick Wabadus cureet vorgen. myn zegel an dessen breeff
gehangen gegeven in den iaer ons heren Dusent veerhondert Ses unde sestich
Op sunte Valentinus dach martiris.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 100r
Regestnr.	480
Olim	Arch. Klooster Selwerd, inv.nr. 1, reg. 238.
Jaar	1466
Datumcode	Valent

x

x

Materiaal	perkament