Burgemeesters en raad te Groeninghen verklaren dat Menne Poppema, Albert Schomaker en diens vrouw Ghese de erfenis van hun moeder Deyken hebben verdeeld, in dier voege dat Albert en Ghese krijgen 4 1/2 grazen land onder Adorp en Menne krijgt drie delen van het heem te Harzense en 2 grazen land, de Langencamp genaamd, waarop Herman Potter evenwel aanspraak kan maken.

Wy borghemeystere ende raed in Groeninghen betughen myt desen openen
breve dat voer ons synt ghecomen Menne Foppema Albert Schomaker ende Ghese
sijn echte huusvrouve ende bekanden samentlike voer em ende voer eren erfgenamen
dat sie vruntliken ende liefliken myt malcanderen synt ghescheyden van alsoe-
dane lant ende Erve als hem angheervet sint van der moeder Deyken saligher
ghedachten alsoe dat Albert ende Ghese vorscr. sullen hebben erfliken ende eweliken
die vijfte half gras landes die gheleghen synt toe Adorp daer Eppe Allema ende
sijn kinderen die helfte teghen hebn in een stucke van neghen grasen gheleghen
daer Menne voerscreven veder en teghen hebn die drie dielen van dat heem
dat gheleghen is toe Harzense Ende daer toe twe grase landes ende een vierndiel
die Lange camp ghehieten vorscr. teghens Herman Potter toe wynnen ende toe
verliesen sonder argelist Dat orkunde wy myt onsen stad segel Ghescreven int
iaer ons heren dunsent vierhundert neghentsoeventich des maendaghes
voer Sunte Poncianus dach doe Evert Hubbeldinck, Sweder Kater, Jacob
Grovens ende Roelef Mepsche borghemeystere weren onser stad.
[in marge m.a.h.:] grasse

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 001r
Regestnr.	638
Olim	Arch. Klooster Selwerd, inv.nr. 1, reg. 323.
Jaar	1479
Datumcode	LaPontia

x

x

x

Materiaal	perkament