Johan, Henrick en Coenraet, zoons van Lambert Egbertss, verklaren dat zij onder stoklegging hebben verkocht aan de abdis en het gemene convent te Essen alle aanspraken die zij hebben op de erfenis van hun oom Johan Egberssoen.

Wij Johan, Henrick ende Coenraet gebruedere echte soens Lambert Egberssoen bekennen ende tugen myt desen openen breve
voir ons ende voir onse erffgenamen dat wy myt gueden vryen willen vercoft hebben stedes vastes erffkopes erfflick
ende ewelick der eirwerdigher Abdissen ende gemenen Convente des Cloesters tot Essen by Gronyngen ende oeren naeko-
melinghen alle alsodane erffnisse ende guet, ansprake ende recht als wy hebben opp Johan Egberssoens onss oems
erffnisse ende guet by synen leven ende daer wy toe vererft ende gerechtiget moighen werden nae des selven onss oems
doet ende alle alsodane loffnisse ende besegelde breve he ons daer opp gegeven ende besegelt hadde om ene summe geldes
die ons myt steden mudden ende reden gelde witliken ende wal betalt is. Ende wy Johan, Henrick ende Coenraet gebruedere
voirscreven draghen opp ende gheven over myt hande ende myt monde myt aller opplatinge ende vertichnisse die voirscreven
ansprake ende recht als wy hebben off kryghen moigen tot onss oems voirscreven guede so dat wy daer ghienrehande
recht noch ansprake beth toe hebben noch beholden en sullen ende die Abdissen mytden convente voirscreven oeren
vryen willen daer mede doen ende laten moighen. Des wy hem den stock gelacht hebben als lantrecht is inden
lande van Drenthe voir bueren van Borgher als Willem Westebrynge, Hermen Gibbekinge ende meer gueder lude genoech.
Oick loven wy onse susters hier van te bodelen tot der vrende seggen buten des convents voirscreven schaden in den
selven stockleggen sonder all argelist. In een tuech der waerheit so hebben wy Johan, Henrick ende Coenraet
gebruedere gebeden Johan van Schermbeck gehieten Visscher desen brieff voir ons to besegelen want wy selven
ghien segell en gebruyken ende ic Johan van Schermbeck gehieten Visscher voirscreven om bede willen Johans,
Henricks ende Coenraeds voirscreven so hebbe ic myn segell beneden an desen brieff gehanghen. Gegeven inden jaer
onss heren dusentvierhondertendetachtentich des naesten vrydages nae des hilligen Cruces dage gehieten
Inventionis sancte crucis.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	99
Regestnr.	656
Olim	Arch. Klooster Essen, inv.nr. 2, reg. 72. Reg. Feith 1480.27.
Jaar	1480
Datumcode	VpInvCru

x

x

x

x

Materiaal	perkament

x