Henrick Wiltynge, Herman Dillige, Johan Quants en Arent Campynge verklaren dat zij hebben bemiddeld tussen Grete Olde Huzynge en haar zoons Lambert en Johan enerzijds en haar zoon Bole Huzynge anderzijds, in dier voege dat Grete krijgt de helft van Nije Huzyngehues met het bijbehorende Olde Wiltynge deel en Hermynge hofstede, al wat bij haar dood zal vererven op haar zoons Lambert en Johan, en dat Bole krijgt de helft van Olde Huzyngehues, alles gelegen in Drenthe.

Wy Henrick Witlynge, Herman Dillinge, Johan Quants ende Arent Campynge bekennen eenparliken myt dessen openen breve dat wy hebben
gededynget tusschen Greten olde Huzynge ende Lambert ende Johan oere soens ande ene syt ende Bole Huzynge oer soene ande ander syt Also hebb
wy gedeynget dat Grete vorscreven sall hebben Nye Huzynge halve hues ende hoff ende tymmer so lange als se levet ende olde Wiltynge deel dat se daer
an heff als an hues ende hoff ende tymmer emde Hermynge hoffstede Ende in vorwarden als Grete vorscreven neet en is so sall se Nie Husynge halve hues
ende hoff ende tymmer ende oer deell van Wiltyngen guede als an hues ende hoff arven op Johan ende Lamberts erfgenamen ende neet op Boelen erfgenamen Mer Boele
sall hebben Olde Huzynge hues ende hoff so veer als dat bepaelt is an beyden syden ende de boeme vorden vaelde op der noertzyt van den
mennegate. Ende Grete ende Johan ende Lambert ende oer erfgenamen solen hebben to Nye Huzyngen guede de bome de vort staen vanden vaelde op der suetzyt
van den mennegate hen to den heemgate ende vort hen to den rozengaerden daer de beyde Wiltynge an roeren ende want Grete neet en is so sall
Boele daer oec neet an komen. Ende dat lant ende arve dat Boele ende Johan ende Lambert vorscreven hebben solden se scheyden myt malkanderen ende solen
wezen voer allike rike anden arve ende vort an all oeren anderen gode waer se dat hebbn in Drenthe. Ende als Grete neet en is so solen de bro-
ders vorscreven na dat guet scheyden broderlick. Men in vorwarden so dane lant ende arve als se kregen vor oeres saligen vader dode kregen
Johanne den God genade sallen Johan ende Lambert ende oer erfgenamen beholden ende daer en sall Boele neet van hebben, men all oer ander lant
solen se to geliken scheyden. Ende Grete, Johan ende Lam bert off oer erfgenamen solen gene ansprake meer hebben to genen tyden op Olde Huzynge hues ende
hoff. Ende Boele ende syne erfgenamen ende solen gene ansprake weder hebben op Nye Huzynge, Huzynge hues ende hoff ende op Wyltyngehues ende hoff ende
op Hermynge hofstede to genen tyden. Ende Olde Huzynge hues ende Nie huzynge hues soelen hebben to geliken enen vryen toganck totter putten
ende den oven solen se to geliken bruken so lange als he daer steet. Ende Boele sall syne ymen to voren beholden ende vort den achterstalligen roggen
ende renthe schult ende onschult de daer to meye verschenen wart na datum sbreves betalen to geliken uut den mande guede ellic na belope syns
guedes. Want dit aldus is gesciet so hebbe wy Henrick Wiltynge, Johan Quantes ende Arent Campynge gebeden Herman Dillinge dessen breeff vor ons to bezegelen
want wy selven geen en bruken. Ende so hebb ic om bede willen desser guder mans ende want my mede kundich is ende gededynget hebben hebbe myn
segell hyr an gehangen inden jaer ons heren duzent CCCCo ende tweendetachtentich des maendages na sunte Appollonien dach ener hilligen joncfrouwen
ende hebben malkander den styock daer van gelecht vor buren arfachtich als Henrick Wiltynge ende Arent Campynge, Albert Wiltynge ende ellic an beyden perten solen
se oer susters Bolen ende Johan sal syne ymme beholden.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	113
Regestnr.	673
Olim	Arch. Klooster Essen, inv.nr. 2, reg. 81. Reg. Feith 1482.30.
Jaar	1482
Datumcode	LpApollo

x

x

Commentaar	Met het zegel van Herman Dillinghe

x

Materiaal	perkament

x