Syardus Hilbrandi, kerkheer te Wulvesberghe, oorkondt dat Egbert Hannekens en diens vrouw Menne verkocht en bij stoklegging overgedragen hebben aan keldermeester Derick en het convent van Essen hun hooiland aan weerszijden van de Maetsloot voor de som van tachtig arnhemse guldens, voorts een jaarlijkse rente, groot vijf mudden rogge en twee guldens, waarbij rekening is gehouden met de renten die Wilte Aets en Ghermet hebben verkocht aan Egbert en vrouw voor zestig resp. veertig guldens, welk land teruggekocht en welke rente afgekocht kan worden binnen zestien jaar voor tachtig arnhemse guldens resp. twintig guldens de mud en gulden.

Ick Syardus Hilbrandi kerckher toe Wulvesberghe bekenne ende betughe mit dessen openen breve dat ic daer mede an ende overghewest hebbe dat
Egbert Hannekes ende Menne syn echte wyff hebben verkofft den convente van Essen oer maetlant dat gheleghen is tot oers weersende vanden Maetsloot
westwert an die Bese alsoe breet als syn lant is voer tachtentich arnemschen gulden up enen wederkoop binnen sesstyn jaren altoes des meys anghaende. Soe
sal dat convent vorscreven dat hoeylant ghebruken ghelijck oers selves lant. Ende Egbert vorscreven sall desen sloot hoeken, varen ende visschen ende dat lant be-
vreden vanden beesten dat den convent vorscreven gheen schade en gheschie an hoeren hoeye. Ende weert sake dat sie dat lant verhuren wolden, soe sal Egbert
vorscreven altoes die naeste daer toe wesen. Ende sie ghunnen hem oec die etgrode wanneer dat hoey vanden lande is. Voert soe hebben Egbert ende Menne
vorscreven den voergenoemde convente verkofft voer hem ende oeren erffgenamen vyff mudde roggen ende twe gulden jaerliker renten uut hoeren lande daer sie beide up
wonen. Ende in dese renthe is mede gherekent die sesstich gulden die Wilte Aets daer up hadde ende oec die viertich gulden die Ghermet daer up
hadde, want dat vorscreven convent die rente mit oers selves ghelt van desen tween vorscreven gheloest hevet. Voert sint vorwerden dat Egbert voergenoemd
off syn erffgenamen moeghen binnen sesstyn jaer naestkomende dese rente offloesen des meys mit vulre pacht ende achterstalligher rente ende mit
tachtentich arnemscher voer dat hoeylant ende voer een yeghelick mudde roggen ende voer elken gulden renthe twintich gulden tyn groninger stuver
voerden gulden off payment dat daer guet voer is. Ende en sullen dese underpande niet vermynren noch verargheren. Ende ist sake dat dese
loese vorscreven niet en gheschiet binnen den jaren vorscreven soe sullen sie verstaen wesen ten ewighen tiden. Hyr van soe hefft Egbert voerscreven voer hem
ende sinen erffgenamen den stock ghelecht naden lantrechte heren Derck inder tijt kelner toe Essen voerden buren van Crepeswolde als Alert
Oems, Egge Oems, Ate Jacobs, Henrick Brabander ende Junge Henrick syn soen, Evert te Berghe, Walike Lippes ende meer gueder
lude ghenoech. Sunder arghelist. In orkunde der waerheit soe heb ic Syardus vorscreven um bede wille beider parten myn zeghell
beneden an dessen brieff ghehangen inden jaer uns heren dusent vierhundert ende tweendetachtentich up Sunte Margareten dach virginis.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	145
Regestnr.	679
Olim	Arch. Klooster Essen, inv.nr. 9, reg. 82. Reg. Feith 1482.32.
Jaar	1482
Datumcode	Margar

x

x

x

x

Materiaal	perkament

x