De gemene buren van Borger verklaren verkocht en bij stoklegging overgedragen te hebben aan de keldermeester en het gemene convent van Esse al het land dat wijlen Johan Egbers heeft bebouwd en afgegraven in de buurmarke van Borger, namelijk het stuk land langs het burenkerkpad en de plaats waarop de "spiker" (korenschuur) staat.

Wy gemenen arfachtige buer in Borger bekennen eendrachtelijck myt dessen openen breve dat wij hebben vercoft
stades vastes arfcopes vor uns ende unze arfghenamen den kelre van Esse ende den gemenen convente van Esse
alzo dane lant als Iohan Egbers den God genedige toe gebouwet ende to gegraven heft heft [sic] van der buer mar-
ke van Borger als dat stucke landes an gaende an bueren kerckpat als dat nu begraven is ende dat he
soe gegraven heft tusschen den dike ende Nammyngen hove ende de stede daer de spiker uppe steet nae uut wysinge
der palen voir enen sum van gelde de uns witlick ende wal betaelt is to unzen willen ende danken den convente vor-
screven gueder betalinge ende wy gemenen buer bynnen ende buten hebben den kelre ende convente van Essen den stock daer van
gelecht van dessen vorscreven lande als lantrecht is ende myt vorwarden de sum van den gelde zolen de ses ma. heb-
ben ende de droste ende de kercheer en solen myt den vorscreven gelde geen doen hebben want ze em oir deel vanden
vorscreven lande toe gestaen hebben ende myt vorwerden so zolen dat convent van Esse den dijck holden ende bruken toe
oren besten ende de buer mogen den dijck mede bruken. Ende dat holt dat daer uppe steet up den vorscreven
dike dat zal staen tot behoeff des gemenen conventes van Esse ende der gemenen buren. Ende wy vorscreven buer solen
ende willen den gemenen convente van Esse dat vorscreven lant vry waren vor uns ende unze arfgenamen sunder arge-
list uut gesproken alle olde ende nye quade vonde de men dessen breve to hinder vinden of dichten mach.
So hebbe wy vorscreven gemenen arfachtigen buer eendrachtelick gebeden den erbaren Fredrick Alkinck dessen
breeff over uns to bezegelen want wy zelven geen zegele en bruken ende ic Fredrick vorscreven umme bede willen
desser vorscreven gemenen bueren hebbe ic mynen zegel (up) an dessen breeff gehangen int iaer uns heren
duzent vierhundert ende twe entachtentich des wondages voer sunte Nicolaus.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	100
Regestnr.	692
Olim	Arch. Klooster Essen, inv.nr. 2, reg. 84. Reg. Feith 1482.28.
Jaar	1482
Datumcode	EaNicola

x

x

x

Materiaal	perkament

x