Burgemeesters en raad te Groningen verklaren dat Johan Sickinge heeft verkocht aan Lambert Bebynghe zes jukken land in het kerspel Baftlo op de Kalemede en gebruikt door Grote Sybeke de meier, begrensd ten oosten door het Meer en ten westen door de Corden.

Wy Borghermeystere ende Raed in Groninghen betughen myt desen openen
breve dat voer ons is ghecomen Johan Sickinge ende bekende voer em ende sijnen erfgenamen
dat hie hevet vercofft, opghedragen ende overghegheven Lambert Bebynge ende sijnen
erfgenamen ses jucke landes in den karspel toe Bafttlo op die Kalemede gheleghen
soe als grote Sijbeke die meyer die brukende is daer dat convent van Adewert
naest by landet is ander zuder zijd ende henrick Hase an die noerder zijde streckende
oestwert an dat meer ende westwert an die Corden vry ende quyt erfliken ende eweliken
toe bruken ende toe besitten ende sijnen vrien willen daer mede toe doende voer ene sum-
me gheldes die Johan voerscreven becande dat em vul ende al is betaelt als ellick iucke
landes ellick voer enen dertich arnemsen gulden tijn onser stad vleghers voer
datum desses brieves ghemontet ofte apyment dat daer guet voer is voer elken gulden
gherekent welker land voerscreven meyster Clawes van Ballen ende Lamke syn huus-
vrouwe op ghedragen ende overghegeven hebbe Johan voerscreven in betalinge des hal-
ven heerdes Borgerd hieert gheheten die sie van Johannes vorscreven ghecoft hebn sonder
arghelist. Dat orkumde wy my [sic] onse stad zeghel. Ghegheven in den iaer ons heren
dusent vierhondert drie en tachtentich des saterdaghes voer Sunte Marien Magda-
lenen dach doe Zweder Kater, Herman Potter, Roleff Mepsche, Rolef Ulgher Borghemeystere
weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 011r
Regestnr.	706
Olim	Arch. Klooster Selwerd, inv.nr. 1, reg. 344.
Jaar	1483
Datumcode	SaMarMag

x

x

x

Materiaal	perkament