Roloff Banynge verklaart dat hij heeft verkocht en bij stoklegging overgedragen aan de keldermeester en het gemene convent van Esse een stuk land in de marke van Ees, grenzende aan de zuidzijde aan Nije Wiltynge en geheten "dat stucke bij den hues".

Ic Roloff Bavynge bekenne ende betuge myt dessen openen breve dat ic hebb verkoft stedes vastes erfkopes erflike ende ewelike vor my ende myne erfgenamen den keller ende den
gemenen convente van Esse een stuke lands gelegen inder marke van Ees ende op der suder syt naest an Nye Wiltyngen hove geheten dat stucke by den hues
voer ene summe van gelde de ons vull ende all wall betalt is ende onzen erfgenamen den lesten pennynck myt den eersten ende danken hem als den gemenen convente gueder
betalynge. Ende so hebb ic Roleff vor my ende myne erfgenamen den keller ende den gemenen convente den stock daer van gelecht voer buren to Ees hyr na bescreven.
So sal ic Roleff vor my ende myne erfgenamen den gemenen convente dessen vorscreven acker vrywaren vor my ende myne erfgenamen ende vort vor al de gene de daer op
spreken mogen to allen tyden sunder enygerhande argelist. Hyr weren an ende over voer buren to Ees arfachtich als Warmolt olde Bronynger
ende Albert Wiltynge to Ees ende Willem olde Eykyngen ende meer gueder wynkopes lude genoch. Hyr weren an ende over vor dedynges lude als mester
Lubbert van Gronynge ende mester Seyger van Gronynge want dit alldus is gesceet so hebb ic Roleff vor my ende myne erfgenamen gebeden den ersamen Fredrick
Aelkynge dessen breeff vor my to bezegelen want ic selven geen segell en gebruke. Ende so hebbb ic Fredrick vorscreven om bede willen Roleffs vorscreven myn
segell an dessen breeff gehangen inden jaer ons heren dusent veerhundert ende LXXXIIII op den sondach na sunte Johannes inden mydsomer etcetera.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	110
Regestnr.	717
Olim	Arch. Klooster Essen, inv.nr. 2, reg. 94. Reg. Feith 1484.18.
Jaar	1484
Datumcode	DpNatJoh

x

x

x

Materiaal	perkament

x