Burgemeesters en raad te Groningen verklaren dat Gheertrudt, weduwe van Herman Grijp, heeft geschonken en overgedragen aan de ministerse en de gemene zusters van het Olde Convent in Groningen een kwart van het land, de hofstede en het bos, op de Haere in het kerspel Marum in Vredewolt, voor memoriediensten voor het zieleheil van haar man en verwanten, en dat Johan Grijp heeft geschonken en overgedragen aan voornoemd convent een achtste deel van genoemd land voor memoriediensten voor het zeileheil van zijn vrouw Fije, hun dochter Dymeke en verwanten.

Wy Borgermeistere ende raet in Gronyngen betugen mit dessen openen breve dat voer ons is gekomen Gheertrudt zalige Herman
Grijpes nagelatene weduwe, ende bekande voer oer ende oeren erffgenamen dat se hevet gegeven puerliken omme godes willen
voer een ewich testament ende memorie dracht op ende ghijfft over der mynistersche ende gemene zusteren des oelden
convents in onsen Stadt tot behoff des convents vorscr., der vierendeel ende part van alle den lande mit alle synen
tobehoeren mit dat vierde part vanden heme hoffstede ende holte op den selven lande mit alle synen tobehoeren so als dat
op de Haere inden kerspel to Marum in Vredewolt up ende uut gelegen is ende Gertrude vorscr. van zalige Hermanne voirscr.
angestorven ende angeervet is vry ende quyt Erfflicken ende ewlicken to bruken ende to besitten voer oer ende voer zali-
ge Clawes Grijpp ende Ieggen synre huusvrouwen ende voer zaligen Hermens vorscr. zielensalicheit to bidden tot ewigen
dagen Voert bekande Johan Gryp dat he voer em ende synen erffgenamen oeck hevet gegeven omme godes willen
dracht op ende gyfft over den convente ende zusteren vorscr. dat achtendeel van alle den lande vorscr. op ende uut mit alle sy
nen tobehoeren so als dat aldaer gelegen is ende em van zalige Hermen synen broder angestorven ende angeervet is
uutgesecht syn achtede part vanden heme ende hoeffstede ende syn part vanden holte dat Johan vorscr. beholdet
Ghyfft oeck anders vry ende quyt Erfflicken ende ewlicken dat achteden part vanden vorscr. lande to bruken ende to besitten
voer een ewich testament ende memorie to bidden voer zalige Clawes ende Ieggen vorscr. ende voer zalige Fyen synre hues-
vrouwen ende zalige Dijmmijken oerer twijer dochter tot ewigen dagen to bidden dit vorscr. lant is gelegen een deel
indes vorscr. convents lant ende erve ende een deel by des vorscr. convents lande ende erve dat de susteren ende convent vorscr.
gekofft hebben op de Haer vorscr. van Creijnerclinge(?) sonder alle argelist dat Oerkonde wij mit onser Stadt Segel
Ghegeven inden jaere ons heren dusent vierhondert ende dreendetnegentich des saterdages na sunten Mycheels dage
archangeli do Henrick Reborch Roleff Mepsce Eppe Allema ende Johan Scaffer Borgermeistere waeren onser Stadt.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	378
Regestnr.	820
Olim	Arch. Olde Convent, inv.nr. 69, reg. 81. Reg. Feith 1493.11.
Jaar	1493
Datumcode	SpMichae

x

x

Commentaar	Met het stadszegel

x

Materiaal	perkament