Burgemeesters en raad te Groningen verklaren dat Clawes Verwer en diens vrouw Lysbeth hebben gehuurd van het convent van Selwert een hofstede met toebehoren, geheten den Ham, en zes grazen land voor zes overlandse keurvorster rijnse guldens per jaar.

Wy Borgemestere unde Haed in Groningen Betugen mit dessen openen
breve Dat vor ons synt gecomen Clawes Verwer unde Lijsbeth sijn echte huus-
vrouwe unde becanden dat sie hebn gehuert van den convente van Selwert een
hoffstede den Ham gehieten mitten syngel unde grafft unde anders syn to behoer
mit die ses graze landes daer naest gelegen an den syngel in dat westen
unde noerden oren vryen willen daer mede to doen horer beider leventlanck
iaerlix daervan to geven Ses overlandsche koervorster rynsch gulden
ghewichtich offte ander gelt dat daer guet vor is in der tyt der betalinge
to betalen to sunte Meertens in den winter Hyr is togesproken dat Claes
unde Lysbeth vorscr. soelen die vorscr. hoffstede unde syngel weder bepoeten mit
boemen unde ide graft in eren holden unde alle dat ghene dat nae Claes unde
Lydsebeths beider vorscr, doet gevonden wort staende op der vorscr, hofsteden
unde syngel het sy dan tymmer unde boemen sal dan to comen den vorscr, convente
sonder enich wederseggen Claes unde Lyszabeths vorscr, erffgenamen sonder argelist
Dat orconde wy mit onser stad zecreet gegeven in den iaer ons heren Dusent
vyfhundert unde Ses Des anderen dages nae sunte Thomas dach Apostel.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 091v
Regestnr.	939
Olim	Arch. Klooster Selwerd, inv.nr. 1, reg. 470.
Jaar	1506
Datumcode	cThome

x

x

Materiaal	perkament