Burgemeesters en raad te Groenynghen verklaren dat Jacob Gholdtsmydt van Swolle heeft verkocht aan Wolter Gerardi, commandeur van Wijtwardt, zijn aandeel in een rente van 7 1/2 emder guldens van een jaarlijkse rente van twaalf emder guldens van Harmen Muller, namelijk 2 1/2 emder guldens per jaar, van welke rente de commandeur 4 1/2 guldens per jaar heeft; en dat Jacob, als gevolmachtigde van zijn zwager Johan Mey, heeft verkocht aan Wolter 2 1/2 rijder guldens rente, zijnde Johans aandeel in een rente van 7 1/2 rijder guldens.

Wy Borghermestere ende Raedt yn Groenynghen, betueghen myt desen openen breve dat vor uns ys ghekoemen Jaccob gholdtsmydt
van Swolle ende bekande vor hen ende synen arffgenamen dat het hevet vorkofft upghedraghen ende overgegeven den religiosen heren
Wolter Gerardi commenduer tho wytwardt offt holder deses breves myt synene wyllen, synt anpart van de achtehalff
Embder ghulden renten als dardehalff Embder ghulden Jaerlixs van de twalff Embder ghulden Jaerliker rente van
Harmen Muller, van welcke twalff ghulden renten de vorg. commenduer vyfftehalff embder ghulden Jaerlixs hefft
ende boert tho synene lyve, vorder bekande Jacob vorg. als vulmachtich van weghen Johan meys syns wyves broe-
der, welcke vulmacht wy gheseen ende ghelesen hebben, dat he van weghen des selven Johans ende synen arffgenamen noch
hebbe vorkofft upghedraghen ende overgegeven her Wolter commenduer vorg. ende synen arffgenamen offt holder deses breves
myt synen willen dardehalff ryder ghulden renten van de achtehalff rider gulden renten als Johans vorscr. anpart
her Wolter vorscr. synen vryen willen daer mede tho doen, tho laten tho gheven waer hem des best belevet sunder enich
ynseggen van Jacob ende Johan vorscr. noch hoeren arffgenamen vor ene Summe ghledes de Jacob vorscr. bekande dat hem
vull ende all ys betaelt den laesten pennynck myt den eersten, loefft daer um vor sich ende van weghen Johans
vorg. ende hoeren arffgenamen um de vorge. rente ghene meer ansprake tho doen hebben noch beholden myt ghenen
rechten, dan her Wolter vorscr. offte holder deses breves myt synen willen de vorscr. renten tho manen ende boeren
na ynholdt des principael breves Sunder arghelist dat oirkunde wy myt unser Stadt Seghel Gegeven
Inden Jaer unses heren Dusent viffhundert ses ende viertich donredaghes na Gertrudid virginis do olde
Johan Hoernken Reyner Garmens Johan Sickynghe ende Bartoldt Coenrades Borghmester weren unser Stadt

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	311
Regestnr.	1058
Olim	Arch. Klooster Wijtwerd, inv.nr. 8, reg. 147. Reg. Feith 1546.33.
Jaar	1546
Datumcode	JpGertru

x

x

Commentaar	Met het stadszegel

x

Materiaal	perkament