Willem Ubbena, ambtman van het gericht van Selwart, en de acht gezworenen van dat gericht verklaren dat zij het geschil beslecht hebben tussen Reynolt Huynge enerzijds en heer Franciscus Gendringe, keldermeester van Essen, anderzijds, over een grenssloot bij Esernijelant waarop het klooster op grond van een akte d.d. 20 juli 1503 beweerde recht te hebben, in dier voege dat het klooster de vrije eigendom van de sloot zal hebben tegen betaling van vijftig emder guldens aan Huynge, terwijl het klooster veroordeeld wordt tot de betaling van de proceskosten.

Willem Ubbena amptman inder tydt des gherichtes van Selwart myt sampt den achte gesworenen des selven gherichtes vorscreven
bekennen ende betugen myt desen openen versegelden breve alsoe sekere schelinge is gewest ende geresen tuschen den erntfesten unde erbaren Reijnolt
Huynge ter eenre ende den weerdygen religiosen heren Ffranciscum Gendringe kelner tho Essen van wegen syns convents aldaer ter ander syden
belangende ene swette edder sloet int noerden naest an Esser Nyelandt gelegen, welcker sloet voermaels vanden convente onwetende
myt onrechte to graven was begindt ende was daernae den convente van salige Heijle Rengers ende Peter Ripperda gegunt ende toegestaen
dat sye den sloet voertan muchten graven int oesten so veer als hoer dyck wendet achte voeten wyth ende solden de eerde up horen dyck mogen
scheten ende solden na datum des selven breves niet meer graven an de noerdtsydt van den dyck, ten weer by consent Heijle Rengers ende
Peter Ripperda ofte horen arffgenamen allent na wyder inholdt des versegelden breves in dato dusent vyffhondert ende dre des donredages
voer sunte Maria Magdalenen dach. Soe dan nu de selve vorscreven sloet weder toegewassen ende to lande geworden versochte Reynolt Huynge
vorscreven dat de kelner ofte convent vorscreven tegens hem solden swetten ende graven nae lantrechte. In welcker saeke myt rechte so veer is
geprocedeert dat een ider part syn beste bescheedt in rechts handen over gelecht oeck dat de questiose plaetse van ons besich-
tiget ende betreden, doch ten laetsten soe wy partyen ter vruntschap vermaent ende sye oeck to voren vruntschap dagen up dese saeke
hadden versocht, hebben sye to beyden syden de vorscreven schelinge heell ende all stede ende vast onverbrecklicken myt hande ende monde an ons
ter vruntschap gecompromitteert begeven ende verbleven belovende voer hoer ende horen nacomelingen ende arffgenamen stede ende vast to
holden ende to achtervolgen wes wy daervan uutsprekende solden worden. Weshalven hebben wy amptman ende achte gesworenen
voerscreven nae gueder ryper deliberatie ende overweginge deser saeken ter vruntschap verclaert ende uutgesproken dat de kelner van
Essen vorscreven sall uprichten ende betalen alle de gerichtlicke onkosten van de vorscreven rechtes besichtinge heerkomende ende sall daertoe
den erntfesten Reijnolt Huynge vorscreven vry schadeloes in gelde vernoegen ende betalen de summa van vyftich embder gulden tot dartich
Groninger stuvers elcken gulden gerekent. Daervoer solen de kelner ende convent vorscreven nu voertan ten ewygen dagen hebben ende
genieten den egendoem des sloets int noerden naest an Esser Nyelandt gelegen nae de olde swette vry ende veerdich achte voeten wydt
to mogen graven, hoeken ende ruyden ende de eerde tot den dyck ofte anders tot horen willen to mogen gebruken so vaeken hen des
guetduncken ende beleven sall sonder Reijnolt Huynge vorscreven ofte syner arffgenamen wederseggen dan de vischenie ende enen schipvaert
inden selven sloet sall Huynge vorscreven ende synen arffgenamen an sick beholden also nochtans dat sye int vischen ende varen des convents
dyck solen onbeschadyget laten dat daer geen beclachten van gescheen. Ende hyer mede solen voergemelte partyen in de voerscreven
schelinge ten ewygen dagen gescheyden ende vereniget wesen ende blyven sonder alle argelist. Dat oerkunde ick Willem Ubbena
amptman voergemelt voer my ende mede van wegen den achte gesworenen des gherichtes vorscreven myt myn segell witlicken beneden
an desen breeff ghehangen. Ghegeven int jaer onses heren dusent vijffhondert dreundetsoventich den tweundetwintichsten
dach maij.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	163
Regestnr.	1111
Olim	Arch. Klooster Essen, inv.nr. 17, reg. 133. Reg. Feith 1573.77.
Jaar	1573
Datumcode	2205

x

x

x

Materiaal	perkament

x