Arnoldus Lants, abt te Aduard, en Cecilia Benninge, priorin en keldermeesterse van Trimunt, verklaren verhuurd te hebben aan Johan Cornellys en zijn vrouw de heerd te Lettelbert tegen een huur van veertig emder guldens per jaar en enige bijdragen in natura.

Wy Arnoldus Lantz Abt thoe Aedwert, Cecilia Ben-
ninghe priorinne unde keldersche thoe Trymunt
bekennen myt desen onser huyr tzedel dat wy
hebben verhuyrt Johan Cornellys unde syn huys-
frow onse heert landes tho Letterbort so groot ende
cleyn sy ijs ses yaren lanck angaende Ludgeri
anno sesundetsoeventich voer welcker landen
gebruyck Johan vorszegt den conventhe van Try-
munt yaerlycks sal geven viertich embder gulden
den ersten part op vrymarckt unde den ander
up Nyijaers dach betalen Unde yngevall Johan
up dese tyden den huyr net upbracht sullen
onse landen voert vry syn Oeck sal Johan vorscreven
omtrent Michaelis jaerlicks een guet vet swyn
naest het beste ynt convent leveren ende tegen
Martini vier guede gemeste gansen ende tegens
vastelavent een guede tunne bijrs ynt cloester be-
stellen oft XI embder gulden daer voer. Noch so
sall Johan dye tyn grasen laten meyen ende hoyen
tot rechter tydt als syn eghen den beschatten so
wal zyl schot als lantschattinghe. Thom lesten sal
Johan verscreven by verlies dessen landes verbunden syn yaer-
lycks onse hoey van Letterbort ende onse koren
vant Nylant helpen thuys brengen ende halen so
langhe alst mach duyren tottet alderleste fuer thoe
ende dar beneffen noch alle gewoentlycke dyensten
myt hoer peerden ende weigens tusschen onsen ende
Groningen woe het duss langhe ys gewest ende een
guetmeyerman synnen lantheer schuldich ys thoe doen
ende dienen. In oerkunde der waerheit bynten twe tze-
delen uuth den anderen gesniden alleens luydende met
ener hant gescreven doer desse vijff woerden Frangenti
fidem fides frangetur eidem. Datum in Trimunt anno
76 up avent Pontiani Martyris.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	84
Regestnr.	1118
Olim	Arch. Trimunt, inv.nr. 13, reg. 33. Reg. Feith 1576.79.
Jaar	1576
Datumcode	vPontia

x

x

Materiaal	papier

x