Burgemeesteren en Raad van Groningen oorkonden, dat Dodo Rytsens heeft verkocht aan het klooster ter Apel 4 ‘lutke hundert landes in Stedummerkarspell ghelegen’.

Wy borgermestere ende Raed in Groningen betugen myt dessen openen bre
ve dat voir uns is ghekomen Dode Eytsens ende bekande voir em
ende synen erffgenamen dat he hevet verkofft upgedraghen ende overghegeven
den Ersamen heren Jacob Wynckel prior ter Apele tot behoeff
syns Convents ende hoeren nakomelingen veer lutke hundert landes
in Stedummer karspel ghelegen de Dodo verscr. hevet ghewesselt
van Ebele Lyverts ende Tamme syn soene so dat ghelegen is in een
venne van teyn hundert landes daer Hemerter wech naest by
ter zwette licht up dye suetwester eynde Sunte Armen cloester
up die noertwester syd ende voert omme ende omme dat convent
vander Apell vry ende quyt erffliken ende eweliken tho brukende
ende tho besitten ende vry erffliken tho waren voir alle ansprake
daer Dode voirscr. hem voir to onderpande settet ende voer een
borge ende wysse leveringhe achte hundert landes gheheten de Aelingen
by dat voirscr. land ghelegen voir ene summe gheldes de Dodo
vorscr. bekande dat hem vull ende all ys betaelt sunder argelyst
Dat Orkunde wy myt onser Stad Segel Ghegeven Inden
jaer ons heren dusent vyffhundert ende twalff des vrydaghes
nae sunte Bartolomeus dach do Herman Leve, Johan Schaffer, Pe
ter Syckanghe ende Luloff Conrades borgermestere waren unsser Stad.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	1
Fol.nr.	fol. 075r
Regestnr.	159
Jaar	1512
Datumcode	VpBartho

x