Wy Borgermeystere ende Raed in Gronyngen bekennen ende betugen myt desen openen breve dat voir ons zynt ghe
comen Steven Tesens ende Fye zyn wyff ende bekanden dat sie hebben vercofft Johanne van Hervoerden ene helfte
van Otten Pollemans stede daer de brieff van inholt daer deze breiff doir ghetogen is voir ene summe van
ghelde de Steven ende Fye voirscr. bekanden dat em vul ende al betaelt is Dese voirscr. helfte vander hofstede
voirscr. mit alle zinen toebehoren als de ghelegen is inde oester zyt van Herdringhe strate na inholt des
voirscreven brieffs daer dese brieff doir ghetogen is droegen up ende gaven over Steven ende Fye voirscr. voir hem
ende voir oren erffgenamen Johanne voirscr. ende zinen erffgenamen vry ende quyt myt allen rechte ende egendoem
eweliken ende erffliken toe bruken ende toe besitten sonder argelist dyt Oirkunde wy myt onser Stad segele
Ghegeven inden Jaer onss heren dusent vierhundert vier ende twintich in sente Fabianus ende Sebastianus
daghe Doe Reynolt Hugingh, Bruyn Clinghe, Henrick ter Bruggen ende Dytmer Rengers Borgerm...
weren onser Stad.

x

x

Archief	Groninger Archieven
Toegangsnummer	2241
Inventarisnr.	0016
Register Feith	1403.010
Jaar	1424
Datumcode	FabSeb

x

x

Materiaal	perkament