| Nummer:mep1000 | Datum: | Overlevering:Origineel | Vindplaats:Arch. Meppel, inv.nr. 1000 |
Ick Everardus van Cralen pastoer ter Meppell deken Slants van Drenthe doe kont allen luden ende
bekenne myt dessen tegenwoirdigen breve dat ick gegeven hebbe toe testament omme salicheyt mynre zielen
voir my ende mynen nakomelinge voer mynen testamentoeren ende erffgenamen ther eeren Onser lieve vrouwen
den karckmeisteren ende vogeden der karcke toe Meppel tot behoeff profyt ende orber der karcke voirscr.
dat myn steene pannen huuyss dat staet byder wedumme toe Meppell den egendoem van dat huuyss
voirscr. tot een ewich besit dat Ick laten tymmeren hebbe van myn proper eygen guet sonder hulpe ende
scade der karcke ende des karspels van Meppel Ende istsake dat de pastoer inder tyt dat huuyss voir
scr. begeert toe gebruken dat sall he doen myt wille ende consent der karckmeisteren voirscr. Ende de pastoer
sall dat huuyss voirscr. dan holden in dake ende rake en de glasvensteren in weerden buten scaden der
karken ende des karspels voirscr. Ende istsake dat des niet en ghescheet soe mogen de karckmeisteren
voirscr. hoeren vryen wille darmede doen na mynen doet onbespeert van ymant Ende tot onderhol
dinge des huuyses voirscr. soe hebbe Ick dair toe gegeven enen golden guldende des jaers de sall ghaen jairlix
uut myn guet Ende des gelikes soe hebbe Ick Everardus pastoer ende deken voirscr. de muren laten leggen
ende tymmeren de omme der wedummen hoff gelacht is uut myn eygen guet buten scaden der karken
ende des karspels alsoe dat Ick ende myne nakomellingen pastoren schuldich synt de muren toe holden
in weerden buten scaden der karken ende des karspels voirscr. alsoe dat de karke ende dat karspel van
Meppell dair nyet mede sullen beswaert wesen nu offte hyr maels geschiet in tegenwoirdicheyt
Evert van Cralen Roloff Holle Laurens Allertssoen ende meer gueder manne in een tuuychnisse der
wairheyt soe hebbe Ick pastoer ende deken voirscr. voir my ende mynen nakomelingen voer myne testa
mentoeren ende erffgenamen myn eygen segell an dessen breeff gehangen gegeven int jaer ons heren dusent
vyffhondert ende sesstyne op onser liever vrouwen dach assumptionis Marie.
bekenne myt dessen tegenwoirdigen breve dat ick gegeven hebbe toe testament omme salicheyt mynre zielen
voir my ende mynen nakomelinge voer mynen testamentoeren ende erffgenamen ther eeren Onser lieve vrouwen
den karckmeisteren ende vogeden der karcke toe Meppel tot behoeff profyt ende orber der karcke voirscr.
dat myn steene pannen huuyss dat staet byder wedumme toe Meppell den egendoem van dat huuyss
voirscr. tot een ewich besit dat Ick laten tymmeren hebbe van myn proper eygen guet sonder hulpe ende
scade der karcke ende des karspels van Meppel Ende istsake dat de pastoer inder tyt dat huuyss voir
scr. begeert toe gebruken dat sall he doen myt wille ende consent der karckmeisteren voirscr. Ende de pastoer
sall dat huuyss voirscr. dan holden in dake ende rake en de glasvensteren in weerden buten scaden der
karken ende des karspels voirscr. Ende istsake dat des niet en ghescheet soe mogen de karckmeisteren
voirscr. hoeren vryen wille darmede doen na mynen doet onbespeert van ymant Ende tot onderhol
dinge des huuyses voirscr. soe hebbe Ick dair toe gegeven enen golden guldende des jaers de sall ghaen jairlix
uut myn guet Ende des gelikes soe hebbe Ick Everardus pastoer ende deken voirscr. de muren laten leggen
ende tymmeren de omme der wedummen hoff gelacht is uut myn eygen guet buten scaden der karken
ende des karspels alsoe dat Ick ende myne nakomellingen pastoren schuldich synt de muren toe holden
in weerden buten scaden der karken ende des karspels voirscr. alsoe dat de karke ende dat karspel van
Meppell dair nyet mede sullen beswaert wesen nu offte hyr maels geschiet in tegenwoirdicheyt
Evert van Cralen Roloff Holle Laurens Allertssoen ende meer gueder manne in een tuuychnisse der
wairheyt soe hebbe Ick pastoer ende deken voirscr. voir my ende mynen nakomelingen voer myne testa
mentoeren ende erffgenamen myn eygen segell an dessen breeff gehangen gegeven int jaer ons heren dusent
vyffhondert ende sesstyne op onser liever vrouwen dach assumptionis Marie.
x
| Archief | Drents Archief |
|---|---|
| Fonds | Arch. Meppel |
| Toegangsnummer | 115 |
| Inventarisnr. | 1000 |
| Jaar | 1516 |
| Datumcode | AssMar |