| Nummer:mep1113 | Datum: | Overlevering:Origineel | Vindplaats:Arch. Meppel, inv.nr. 1113 |
Ick Wolter van Woltinck inder tyet schulte toe Meppell bekenne ende betuge myt dessen openen besegelden
breve dat ick toe rechte geseten hebbe bynnen Meppell in enen gehegeden gerichte als ick myt rechte
doen solde myt mynen coirnoten nabescreven dair voer my qwam inden selven gerichte Jacob then Wal
le voirsichtich salicheyt synre zielen ende hefft gegeven myt enen vrien willen voer hem ende synen
erffgenamen Onser Liever Vrouwen memorie toe Meppell ende Sunte Jacobs altair toe Meppell tot vermerin
ge Goedes deenste tsamen een heren pont des jaers elck een halff pont voirscreven des jaers van
stonden an uuther hant over ende uuth Claes Luytgens huuys ende hoffstede dair ande zuuytsiet
Johan Snoeck naist gelandet is ende ande noertsiet Kunne Gravers streckende voer an de strate ach
ter an den sloet dair de pacht dach van wesen sall tot alle Sunte Micheel jairlix toe betalen
Ende sall wesen de yerste pacht naist de pacht de dair uyt ghaet voer dessen dach datum
desses breves ende naist karcken pacht ende buerpacht naburlyck ende buerlyck hyr van soe
hefft Jacob then Walle voirscreven inden selven gerichte voir hem ende synen erffgenamen stock leggynge
gedaen heren Evert Badinck als een gildemeester van Onsen Liever Vrouwen memorie van
dat halve heeren pont voirscreven ende Roleff Duninck als een gildemeister van Sunte Jacob vorscreven
dat ander halve heren pont voirscreven des jaers ende hoeren nakomelingen voer twee
erffbueren alse Johan Bindermaker ende Henrick Johanssoen alse lantrecht is inden lande van
Drenthe. Hyr hebben an ende over gewest alse coirnoten des gerichtes desse selve twee erffbu
ren Johan ende Henrick voirscreven ende meer gueder manne genoech. Sonder argelyst. In oir
konde der wairheyt dat dyt aldus gerichtelyke ghescheet is voer my ende coirnoeten voir
screven Soe hebbe ick Wolter van Woltinck schulte voirscreven myn segell hyr beneden an dessen
breeff gehanghen int jair ons heeren dusent vyffhondert ende thyn des dinxedaghen
nae sunte Lucien dach der hilliger joffer.
Zegel verloren.
breve dat ick toe rechte geseten hebbe bynnen Meppell in enen gehegeden gerichte als ick myt rechte
doen solde myt mynen coirnoten nabescreven dair voer my qwam inden selven gerichte Jacob then Wal
le voirsichtich salicheyt synre zielen ende hefft gegeven myt enen vrien willen voer hem ende synen
erffgenamen Onser Liever Vrouwen memorie toe Meppell ende Sunte Jacobs altair toe Meppell tot vermerin
ge Goedes deenste tsamen een heren pont des jaers elck een halff pont voirscreven des jaers van
stonden an uuther hant over ende uuth Claes Luytgens huuys ende hoffstede dair ande zuuytsiet
Johan Snoeck naist gelandet is ende ande noertsiet Kunne Gravers streckende voer an de strate ach
ter an den sloet dair de pacht dach van wesen sall tot alle Sunte Micheel jairlix toe betalen
Ende sall wesen de yerste pacht naist de pacht de dair uyt ghaet voer dessen dach datum
desses breves ende naist karcken pacht ende buerpacht naburlyck ende buerlyck hyr van soe
hefft Jacob then Walle voirscreven inden selven gerichte voir hem ende synen erffgenamen stock leggynge
gedaen heren Evert Badinck als een gildemeester van Onsen Liever Vrouwen memorie van
dat halve heeren pont voirscreven ende Roleff Duninck als een gildemeister van Sunte Jacob vorscreven
dat ander halve heren pont voirscreven des jaers ende hoeren nakomelingen voer twee
erffbueren alse Johan Bindermaker ende Henrick Johanssoen alse lantrecht is inden lande van
Drenthe. Hyr hebben an ende over gewest alse coirnoten des gerichtes desse selve twee erffbu
ren Johan ende Henrick voirscreven ende meer gueder manne genoech. Sonder argelyst. In oir
konde der wairheyt dat dyt aldus gerichtelyke ghescheet is voer my ende coirnoeten voir
screven Soe hebbe ick Wolter van Woltinck schulte voirscreven myn segell hyr beneden an dessen
breeff gehanghen int jair ons heeren dusent vyffhondert ende thyn des dinxedaghen
nae sunte Lucien dach der hilliger joffer.
Zegel verloren.
x
| Archief | Drents Archief |
|---|---|
| Fonds | Arch. Meppel |
| Toegangsnummer | 115 |
| Inventarisnr. | 1113 |
| Jaar | 1510 |
| Datumcode | MpLucie |