| Nummer:msc044 | Datum: | Overlevering:Origineel | Vindplaats:Arch. Menoldis- en Sywenconvent, inv.nr. 0024, reg. 044 |
Wy borgermestere ende Raed in Groningen betugen myt dessen openen breve dat voer ons is gekomen Coppyn
Huging bekennende voer em ende sine erffgenamen dat hier hevet upgedragen ende overgegheven den zusteren van
Vrowmenolde convente in onser Stad myt sinre zuster Grieten neghen goldenn rinssche gulden renthe voer
datum dess breves gemuntet offte payment dat daer guet voer is vry ende qujtt ewliken ende erffliken jaerlix
te boeren alze stad recht is uut sine hove ende erve dat Clawes korffmaker nu ter tyt inde huure hevet
geleghen up dien noerd essche daer syn Coppyns vors. erve naest by lycht up die oester eynde Ende Herman
ecroders erve andie zuudzyde ende salige Johannes Clantes erffgenamen erve andie norderzyd myt sodane
vorwerden dat wanneer Griete voers. afflyvich gheworden is So sullen die drie rinsscher gulden rente
weder komen ende erven up Coppyns vors. off te sine erffgenamen Ende die ander sess rinssche gulden rente
sullen blyven tot ewygen dagen inden vors. convente Hiir is togesproken dat Coppyn voers. off te sine
erffgenamen die voergen. sess rinssche gulden rente moghen aff ende quyt kopen wanneer em des genoghet
myt hundert rinssche gulden vier postulates gulden voer drie rinssche gulden te betalen elken postulatus
gulden gherekent voer vierendetwintich krumsterte sunder argelist Dat Orkonde wy myt onser stad zegell
Ghegeven inden jaer ons heren dusent vierhundert vierendevyfftich up sunte Urbanus dach Do Henric Baroldes,
Otto Clant, Henric Kater ende Otto ter Hanzow borgermestere waeren onser Stad. JB.
Huging bekennende voer em ende sine erffgenamen dat hier hevet upgedragen ende overgegheven den zusteren van
Vrowmenolde convente in onser Stad myt sinre zuster Grieten neghen goldenn rinssche gulden renthe voer
datum dess breves gemuntet offte payment dat daer guet voer is vry ende qujtt ewliken ende erffliken jaerlix
te boeren alze stad recht is uut sine hove ende erve dat Clawes korffmaker nu ter tyt inde huure hevet
geleghen up dien noerd essche daer syn Coppyns vors. erve naest by lycht up die oester eynde Ende Herman
ecroders erve andie zuudzyde ende salige Johannes Clantes erffgenamen erve andie norderzyd myt sodane
vorwerden dat wanneer Griete voers. afflyvich gheworden is So sullen die drie rinsscher gulden rente
weder komen ende erven up Coppyns vors. off te sine erffgenamen Ende die ander sess rinssche gulden rente
sullen blyven tot ewygen dagen inden vors. convente Hiir is togesproken dat Coppyn voers. off te sine
erffgenamen die voergen. sess rinssche gulden rente moghen aff ende quyt kopen wanneer em des genoghet
myt hundert rinssche gulden vier postulates gulden voer drie rinssche gulden te betalen elken postulatus
gulden gherekent voer vierendetwintich krumsterte sunder argelist Dat Orkonde wy myt onser stad zegell
Ghegeven inden jaer ons heren dusent vierhundert vierendevyfftich up sunte Urbanus dach Do Henric Baroldes,
Otto Clant, Henric Kater ende Otto ter Hanzow borgermestere waeren onser Stad. JB.
x
| Archief | Groninger Archieven |
|---|---|
| Fonds | Arch. Menoldis- en Sywenconvent |
| Toegangsnummer | 1256 |
| Inventarisnr. | 0024 |
| Regestnr. | 044 |
| Register Feith | 1454.006 |
| Jaar | 1454 |
| Datumcode | Urbani |