| Nummer:ogd0011 | Datum:24 april 1006 | Overlevering:Editie | Vindplaats:Oorkondenboek Groningen en Drenthe, nr. 11 |
Koning Hendrik II bevestigt de Utrechtse kerk in haar jachtrecht en de wildban in de gouw Drenthe.
In nomine sancte et individue Trinitatis. Heinricus, divina favente clementia rex. Noverit omnium fidelium nostrorum tam presentium quam et
futurorum industria, qualiter nos, interventui venerabilis Egilberti presulis obtemperantes, nec minus et voluntati Ansfridi, Trajectensis
ecclesie antistitis, accommodantes exhoc inantea presenti regie auctoritatis precepto interdicimus, ut nullus comitum aliorumve quorumcumque
hominum in pago, Thrente nominate, quod est in comitatu Baldrici, cervos, ursos aut apros, insuper et bestias, que Teutonice elo et scelo
appellantur, venari absque prelibate pastoris ecclesie permissu presumat. Volumus quoque firmiterque regalis edicto munificentie precipientes
jubemus, ut in eodem pago universisque finibus ejus adusque adjacentes ceteras regiones prefate Trajectensi ecclesie jus servetur forestense
utpote nobis in nostris. Et ut hec traditionis nostre concessio firmiorem obtineat vigorem, veriusque per succedentium curricula temporum ab
omnibus credatur inconvulsiusque in eternum observetur, hanc cartam inde conscriptam manu propria roborantes sigilli nostri impressione
insigniri jussimus. Signum domni Heinrici regis invictissimi. Bruno cancellarius, vice Willigisi archicapellani, recognovi. Data VIII Kalendas
Mai, anno Dominice incarnationis MVI, indictione III, anno vero domni Heinrici II regis IIII. Actum in Glineheim.
futurorum industria, qualiter nos, interventui venerabilis Egilberti presulis obtemperantes, nec minus et voluntati Ansfridi, Trajectensis
ecclesie antistitis, accommodantes exhoc inantea presenti regie auctoritatis precepto interdicimus, ut nullus comitum aliorumve quorumcumque
hominum in pago, Thrente nominate, quod est in comitatu Baldrici, cervos, ursos aut apros, insuper et bestias, que Teutonice elo et scelo
appellantur, venari absque prelibate pastoris ecclesie permissu presumat. Volumus quoque firmiterque regalis edicto munificentie precipientes
jubemus, ut in eodem pago universisque finibus ejus adusque adjacentes ceteras regiones prefate Trajectensi ecclesie jus servetur forestense
utpote nobis in nostris. Et ut hec traditionis nostre concessio firmiorem obtineat vigorem, veriusque per succedentium curricula temporum ab
omnibus credatur inconvulsiusque in eternum observetur, hanc cartam inde conscriptam manu propria roborantes sigilli nostri impressione
insigniri jussimus. Signum domni Heinrici regis invictissimi. Bruno cancellarius, vice Willigisi archicapellani, recognovi. Data VIII Kalendas
Mai, anno Dominice incarnationis MVI, indictione III, anno vero domni Heinrici II regis IIII. Actum in Glineheim.
x
| Fonds | Oorkondenboek Groningen en Drenthe |
|---|---|
| Nr | 11 |
| Olim | Naar Muller, Cartularium, blz. 72. Ook gedrukt bij Sloet, no. 131. |
| Jaar | 1006 |
| Datumcode | 8KalMai |