| Nummer:ogd0272 | Datum:1 aug. 1321 | Overlevering:Editie | Vindplaats:Oorkondenboek Groningen en Drenthe, nr. 272 |
De overheden der landschappen Hunsingo en Fivelgo en der stad Groningen sluiten een overeenkomst over een sluis in de Hunse.
Universis Christi fidelibus presentia visuris et audituris universi judices terrarum Hunsgonie et Fivelgonie et consules in Groninge salutem et
cognoscere veritatem. Ad singulorum noticiam cupimus pervenire, quod super aqueductu infrascripto, fundando in Amne, concordavimus in hunc
modum, quod illi quorum interest et interesse poterit, aqueductum construere possunt in Amne predicto ab austro vie pontis sancti Waldfridi et
non ultra versus aquilonem suis propriis laboribus et exspensis, adjecta semper conditione tali quod in tercio decursu aque descrescentis, qui
dharde ebbe vulgariter appellatur, fores ipsius aqueductus penitus concludentur, qui tercius decursus nobis Groniensibus et hominibus de
Threntawalda libere attinet atque cedit. Insuper adjectum est, quod si dictus Amnis occasione hujus aqueductus per alluvionem inciperet
deperire, nos . . oppidani in Groningen illud significare tenebimur cetui Hunsgonie et Fivelgonie et illis, quorum interest, videlicet qui
prefatum aqueductum construxerunt, infra festum beate Walburgis et festum sancti Johannis Baptiste, ut infra tres menses certo die una nobiscum
conveniant a tempore nostre significationis ad predictum aqueductum ad discernendum communiter, utrum prefatus Amnis sit verisimiliter
periturus. Si vero ipsum Amnem invenerimus periturum, fundatores ipsius aqueductus infra tres menses destruent aqueductum. Si vero nos
Fivelgones et Hunsgones minime veniremus infra terminum suprascriptum, nos, Gronienses ipsis fundatoribus aqueductus intimabimus, ut infra tres
menses proximos ipsum destruent aqueductum. Quod si facere rennuerint, extunc nobis Groniensibus ipsum aqueductum destruendi sine offensa et
contradictione aliqua libera sit facultas. In cujus rei testimonium sigilla nostra presentibus sunt appensa. Actum et datum anno Domini MCCC
vicesimo primo in die beati Petri soluti a vinculis.
cognoscere veritatem. Ad singulorum noticiam cupimus pervenire, quod super aqueductu infrascripto, fundando in Amne, concordavimus in hunc
modum, quod illi quorum interest et interesse poterit, aqueductum construere possunt in Amne predicto ab austro vie pontis sancti Waldfridi et
non ultra versus aquilonem suis propriis laboribus et exspensis, adjecta semper conditione tali quod in tercio decursu aque descrescentis, qui
dharde ebbe vulgariter appellatur, fores ipsius aqueductus penitus concludentur, qui tercius decursus nobis Groniensibus et hominibus de
Threntawalda libere attinet atque cedit. Insuper adjectum est, quod si dictus Amnis occasione hujus aqueductus per alluvionem inciperet
deperire, nos . . oppidani in Groningen illud significare tenebimur cetui Hunsgonie et Fivelgonie et illis, quorum interest, videlicet qui
prefatum aqueductum construxerunt, infra festum beate Walburgis et festum sancti Johannis Baptiste, ut infra tres menses certo die una nobiscum
conveniant a tempore nostre significationis ad predictum aqueductum ad discernendum communiter, utrum prefatus Amnis sit verisimiliter
periturus. Si vero ipsum Amnem invenerimus periturum, fundatores ipsius aqueductus infra tres menses destruent aqueductum. Si vero nos
Fivelgones et Hunsgones minime veniremus infra terminum suprascriptum, nos, Gronienses ipsis fundatoribus aqueductus intimabimus, ut infra tres
menses proximos ipsum destruent aqueductum. Quod si facere rennuerint, extunc nobis Groniensibus ipsum aqueductum destruendi sine offensa et
contradictione aliqua libera sit facultas. In cujus rei testimonium sigilla nostra presentibus sunt appensa. Actum et datum anno Domini MCCC
vicesimo primo in die beati Petri soluti a vinculis.
x
| Fonds | Oorkondenboek Groningen en Drenthe |
|---|---|
| Nr | 272 |
| Olim | Naar het afschrift in de bekrachtiging van 21 febr. 1323 (zie no. 273) in het rijksarchief te Groningen (Reg. 1321, no. 1). Ook gedrukt bij Driessen, blz. 94 en in Tegenw. Staat van Groningen, II, blz. 181. |
| Jaar | 1321 |
| Datumcode | VinPet |