Rodolphus, priester te Vollenhove, verklaart krachtens opdracht van Johannes, bisschop van Utrecht, als deken van Drenthe de inkomsten van de priester van de nieuw gestichte kerk te Koekange te hebben geregeld en vastgesteld.

Quum omnia habere in memoria potius est divinitatis quam humanitatis, quapropter ea in scriptis rediguntur, ne oblivioni tradantur, hinc est
quod nos Rodolphus, investitus ecclesie Vullenho, ad universorum noticiam deducimus per presentes, quod tempore, quo Drentie reximus decanatum,
concives cujusdam paludis in Cokangen in presentia reverendi in Christo patris ac domini, domini Johannis, Dei gracia Trajectensis ecclesie
episcopi, una nobiscum comparuerunt, petentes ut ipsis concivibus licentiam ecclesiam novam construendam in dicto loco Cokangen dare dignaretur
et allegantes, quod tempore hyemali cum funeribus ipsorum matricem ecclesiam in Blidensteden propter inundationem aquarum ac propter alia
diversa incommoda pericula ullatenus nequiverant visitare, unde idem dominus noster reverendus episcopus, motus pietate, precibus se
inclinaverat concivium predictorum ipsis licentiam tribuendo ecclesiam in dicto loco ad hoc apto et honesto construendam, nobis vero redditus
ipsius ecclesie construende commiserat statuendo ita, ut per ipsos redditus sacerdos ejusdem ecclesie se competenter poterat sustentari . Quare
habito consilio virorum discretorum, videlicet Egberti et Mensonis, fratrum de Echten, et aliorum plurimorum, necnon ex consensu concivium in
Cokangen predictorum, redditus ipsius ecclesie statuimus et ordinavimus in modum subsequentem ipsi presbytero ibidem pro tempore existenti
singulis annis persolvendos. Primo assignavimus et his presentibus assignamus dicte ecclesie pro dote dimidiam mansionem dictam Venehove ipsi
presbytero pro agriculture sue remanendo. Item habebit sacerdos de qualibet mansione dicta Oldehove, quarum sunt decem et novem cum dimidia,
dimidium modium siliginis et dimidium modium ordei mensure Groniensis, in festo Nativitatis Domini sibi persolvendo, et de aliis mansionibus,
que jam sunt vel deinceps pro tempore in dicta parrochia Cokangen fieri dinoscuntur, que Niehoven nuncupantur, habebit ipse sacerdos scapellinum
siliginis et ordei mensure prenarrate. Insuper in festivitatibus et cum funeribus necnon in aliis quibuscunque causis ipsi ecclesie a dictis
parrochianis statuimus faciendo, que in matrice ecclesie facere consueverunt. Preterea dicti parrochiani domum sacerdotis in ipsorum sumptibus
et respectu comparebunt ipsam quum in omnibus defectibus ulterius custodiendo, prout in terra Drentie consuetudinis fuerit atque moris. Item in
die beate Walburgis a qualibet domo in dicta parrochia existente unus denarius Brabantinus persolvi debeat presbytero ecclesiam officiantem
ratione custodie conservande et sic ipse plebanus in luminaribus, ostiis et vino et in eis, que ad officium custodie spectent, in omnibus ipse
ecclesie debeat providere. Adjectum est, quod advocati ejusdem ecclesie ipsi presbytero singulis annis in una libra cere ad lumen pascale
faciendum tenentur subvenire. In cujus rei testimonium sigillum nostrum presentibus duximus appendendo. Actum et datum anno Domini MCCC
tricesimo primo in die Bartholomei apostoli.

x

x

Fonds	Oorkondenboek Groningen en Drenthe
Nr	328
Olim	Naar een afschrift in het missaal, thans in het bezit der familie van Holthe tot Echten.
Jaar	1331
Datumcode	Bartho

x

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 328.