| Nummer:ogd0419 | Datum:21 maart 1352 | Overlevering:Editie | Vindplaats:Oorkondenboek Groningen en Drenthe, nr. 419 |
Reynolt, heer van Coevorden, en het land van Drenthe verklaren, dat Johan van Ruinen, Egbert van Peize met de inwoners van Peize, Roden en Roderwolde een verdrag met Groningen hebben gesloten.
Wy, Reynolt, here van Covorde ende van Borchlo, ende dat mene land van Drenthe, doen kundich al denghenen, de dezen openen brief sult zie(n) of
horen lezen, dat van dien saken, de ghewezen hebben tuschen Johanne van Rune, Ecberte van Peyse van sinen kinde, van den van Peyze, van Roden
ende van Roderwolde ende van al horen vrenden, bynnen landes ende buten landes, an de ene ziit, ende de stad van Groninghen an de anderen ziit,
ende van allen olden saken, de ghewezen hebben tuschen den lande van Drenthe ende der stad, so is ghedaen ende ghemaket ene alinghe zone ende
ene vaste ende ene stede zone ewiliken to holden in dezer manyer, dat jenich man in den lande, de to claghen hevet up enen borgher van
Groninghen, de sal bruken alsodanes rechtes, als in Groninghen een stadrecht wizet; ende hevet oech jenich borgher in Groninghen to claghen up
enen landman, de sal bruken alsodanes rechtes, als een landrecht wyzet in den lande van Drenthe, ende des en sal nemen den anderen weygheren.
Voerdmer, waer jenich man van buten onsen lande, de in onse land of dor onse land rede of queme, ende den borgheren van Groninghen in rove, in
brande, jof in vanghenscap schade dede, dat solde wy, here van Covorde ende van Borchlo, ende dat lant van Drenthe keren met onser macht, ende
van neghenerhander sake sal dat land van Drenthe ende de stad van Groninghen malc den anderen roef of brand of vanghenschap doen, mer elc man
sal bruken alsodanes rechtes, als hiirvor ghescreven staet. Van dezen vorsz. ponten sal wezen uetghesproken al arghelist ende nye vonde. In
orkunde ende vasticheyt van dezer zone, de stede ende vast to bliven, so hebben wy, Reynolt, here van Covorde ende van Borchlo, ende dat land
van Drenthe, Johan van Rune ende Ecberd van Peyze, onze seghele an dezen breef ghehanghen. Ghegheven int jaer ons Heren dusend drehonderd twe
ende viiftich des Woensdaghes na den Sonendaghe als men singhet Letare Jherusalem.
horen lezen, dat van dien saken, de ghewezen hebben tuschen Johanne van Rune, Ecberte van Peyse van sinen kinde, van den van Peyze, van Roden
ende van Roderwolde ende van al horen vrenden, bynnen landes ende buten landes, an de ene ziit, ende de stad van Groninghen an de anderen ziit,
ende van allen olden saken, de ghewezen hebben tuschen den lande van Drenthe ende der stad, so is ghedaen ende ghemaket ene alinghe zone ende
ene vaste ende ene stede zone ewiliken to holden in dezer manyer, dat jenich man in den lande, de to claghen hevet up enen borgher van
Groninghen, de sal bruken alsodanes rechtes, als in Groninghen een stadrecht wizet; ende hevet oech jenich borgher in Groninghen to claghen up
enen landman, de sal bruken alsodanes rechtes, als een landrecht wyzet in den lande van Drenthe, ende des en sal nemen den anderen weygheren.
Voerdmer, waer jenich man van buten onsen lande, de in onse land of dor onse land rede of queme, ende den borgheren van Groninghen in rove, in
brande, jof in vanghenscap schade dede, dat solde wy, here van Covorde ende van Borchlo, ende dat lant van Drenthe keren met onser macht, ende
van neghenerhander sake sal dat land van Drenthe ende de stad van Groninghen malc den anderen roef of brand of vanghenschap doen, mer elc man
sal bruken alsodanes rechtes, als hiirvor ghescreven staet. Van dezen vorsz. ponten sal wezen uetghesproken al arghelist ende nye vonde. In
orkunde ende vasticheyt van dezer zone, de stede ende vast to bliven, so hebben wy, Reynolt, here van Covorde ende van Borchlo, ende dat land
van Drenthe, Johan van Rune ende Ecberd van Peyze, onze seghele an dezen breef ghehanghen. Ghegheven int jaer ons Heren dusend drehonderd twe
ende viiftich des Woensdaghes na den Sonendaghe als men singhet Letare Jherusalem.
x
| Fonds | Oorkondenboek Groningen en Drenthe |
|---|---|
| Nr | 419 |
| Olim | Naar den vidimus van 25 april 1393 in het rijksarchief te Groningen (Reg. 1393, no. 4). Ook gedrukt bij Driessen, blz. 193; Buchelius ad Hedam, p. 255; Matth. ad Anon., p. 42. |
| Jaar | 1352 |
| Datumcode | EpLetare |