Hessel Mulert geeft wegens een ontvangen geldsom kwijting aan Roelf van Echten.

Alle dieghene, die desen brief zolen ziien oft horen lesen, doe ic voerstaen, Hessel
Mulert, dat ic hebbe ontfanghen ende ghebort van Roelve van Echten derdehalf
hondert Bruggesche scilde in afkortinghe van den ghelde, dat hy my schuldich was van den erfve tod Echten, dat hy tyeghen my heft ghekoft, van welcken derdehalf hondert scilden voers. ic ende myne erfghenamen em ende ziine burghen oft ziin erfghenamen erflike ewelike vriende quytscelden, ende ghelevert heft die voers. ghelt in myne hant witlike ende wal betaelt. In orcunde ende kentenisse deses brieves heb ic, Hessel voers., mynen zeghel hiiraen ghehangen toe enen rechten tughe der waerheit. Ghegheven int jaer ons Heren dusent driehundert seven ende tsestich des Maendaghes nae Sacramenti.

x

x

Fonds	Oorkondenboek Groningen en Drenthe
Nr	551
Olim	Naar het origineel op den huize Echten, hoog 9,5, breed 14 cm.
Jaar	1367
Datumcode	LpSacram

x

x

x

Commentaar	Aan het stuk hangt een fragment van het zegel.

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 551.