| Nummer:ogd0720 | Datum:4 juli 1383 | Overlevering:Editie | Vindplaats:Oorkondenboek Groningen en Drenthe, nr. 720 |
Florens, bisschop van Utrecht, verklaart te eisen òf de teruggave van de door hem verleende bevestigtngsbrief van de vrijheden van Groningen òf de toezending van een oorkonde van erkenning van zijn rechten door de stad, en bij gebreke van beide Lubbert Sicking aansprakelijk te houden.
Florens, bi der genaden Goeds bisscop tUtrecht, maken kont allen luden mit desen open brieve, dat wy in den jaer ons Heren, doe men screef
dusent driehondert ende tachtentich in der Paeschenweke, Lubberte Sicking, borgher in Groeningen, om beden willen Lubbertes vors. ene
confirmacye toe behoef der stat van Groeningen , sprekende van older vryheit, die onse voervaders plaghen der stat van Groeningen vors. toe
confirmieren, als ons Lubbert vors. anbrochte, weleke confirmacio van woerde toe woerde hierbeneden ghescreven staet. Ende Lubbert vors. lavede
ons bi eenre peene van thuenhondert olden schilden, dat ons die stat voers. solde wedergheven ene recognicio, biseghelt mit der stat seghel,
sprekende van alsoliken saken ende rechte als die stat vors. ons ende onsen voervaderen van oldes schuldich hevet gheweset toe holdene ende toe
doene ende noch is in alsoliken voghe ende manere, als ons unse lant van Drente in hoeren openen breve ene recognicio biseghelt heft, welike
recognicio van woerde toe woerde oec hierbeneden biscreven staet. Ende waert sake, dat die stat voers. ons die recognicio niet beseghelen en
wolde, soe lovede ons Lubbert vors. weder toe leveren onse confirmacio voers. bi alsodaner peene, alse voerscreven staet. Des soe vyelt nae
Paeschen in denselven jaer voers., dat Johannes Myle, der stat clerck van Groningen vors., quam bi ons toe Vollenhoe om dese voers. confirmacio
ende screef dieselve confirmacie van woerde toe woerde mit siins selves hant, die wy Lubberte gegeven hadden, ende leet se anderwerf segelen mit
schonren was ende voerde se mit hem toe Groeningen op Lubberts ghelove, went wy op die tiit van den voers. saken anders nyemant brieve doen en
wolden tot der stat behoef van Groningen noch ghegeven en hebben dan op Lubberts ghelove vors. Ende want ons Lubbert voers. niet ghelevert en
heft noch en kan van der stat van Groeningen alsodane recongnicio als voers. is ende ons onse lant van Drenthe ghegheven ende beseghelt heft,
soe heft hie ons onse confirmacie, die hy van ons mit siinre hant ontfing, wederghegheven, alsoe dat ons daerof wael ghenoghet. Mer die ander
confirmacie, die Johannes Mile naemaels screef ende beseghelen liet, die en heft ons Lubbert vors. noch niet ghelevert, ende die is noch in der
stat ghewalt van Groeningen, als ons ver waer is doen verstaen, ende die wille wi ons van Lubberte oec ghelevert hebben, want wi se op sine
gheloeven beseghelen leten. Hierom, opdat sich Lubbert vors. te bet verwolghen moeghe an die stat van Groeningen vors. den brief weder te
bringhen om ons den te leveren ende opdat hie in die peen voers. niet en valle, soe hebben wi hem dach ghegheven van data des briefs toe
Middewiinter toe naestcomende, dat hie ons hierentuschen noch levere onse confirmacio, die nae beseghelt waert, of ene recongnicio onder seghel
der stat van Groeningen, als voerg. is. Ende wi bidden den raet van Groeningen, dat se wedergheven Lubberte vors. onse confirmacio, die sie tot
hoere staet behoef up Lubberts ghelove vors. van ons vercreghen hebben. Ende waert sake dat Lubbert voers. ons niet een lavert, alse voers is,
soe mene wij van Lubberte voers. toe hebben alsolike peen van thweenhondert olden schilden als voers. is, beholdeliic ons daertoe ons rechtes op
die stat van Groeningen vors. dat se ons ontholden ende niet wedergheven en willen alsolike confirmacio alse wij hoer up Lubberts ghelove
ghesant hebben, ende oec dat se ons weygheren alsolike recongnicio toe gheven alse ons schuldich siin toe ghevene, ende als ons onse lant van
Drenthe ghegheven ende beseghelt heft. Tenor confirmacionis nostre, de qua supra fit mencio, talis est . . . Volgt nr. 677 . . . Tenor vero
recongnicionis, de qua eciam supra fit mensio, sequitur in hec verba . . . Volgt nr. 683 ... In orkunde des briefs beseghelt mit onsen seghel.
Ghegheven toe Vollenhoe int jaer ons Heren dusent dryehondert drye ende tachtentich op sente Martiins dach Translacio .
dusent driehondert ende tachtentich in der Paeschenweke, Lubberte Sicking, borgher in Groeningen, om beden willen Lubbertes vors. ene
confirmacye toe behoef der stat van Groeningen , sprekende van older vryheit, die onse voervaders plaghen der stat van Groeningen vors. toe
confirmieren, als ons Lubbert vors. anbrochte, weleke confirmacio van woerde toe woerde hierbeneden ghescreven staet. Ende Lubbert vors. lavede
ons bi eenre peene van thuenhondert olden schilden, dat ons die stat voers. solde wedergheven ene recognicio, biseghelt mit der stat seghel,
sprekende van alsoliken saken ende rechte als die stat vors. ons ende onsen voervaderen van oldes schuldich hevet gheweset toe holdene ende toe
doene ende noch is in alsoliken voghe ende manere, als ons unse lant van Drente in hoeren openen breve ene recognicio biseghelt heft, welike
recognicio van woerde toe woerde oec hierbeneden biscreven staet. Ende waert sake, dat die stat voers. ons die recognicio niet beseghelen en
wolde, soe lovede ons Lubbert vors. weder toe leveren onse confirmacio voers. bi alsodaner peene, alse voerscreven staet. Des soe vyelt nae
Paeschen in denselven jaer voers., dat Johannes Myle, der stat clerck van Groningen vors., quam bi ons toe Vollenhoe om dese voers. confirmacio
ende screef dieselve confirmacie van woerde toe woerde mit siins selves hant, die wy Lubberte gegeven hadden, ende leet se anderwerf segelen mit
schonren was ende voerde se mit hem toe Groeningen op Lubberts ghelove, went wy op die tiit van den voers. saken anders nyemant brieve doen en
wolden tot der stat behoef van Groningen noch ghegeven en hebben dan op Lubberts ghelove vors. Ende want ons Lubbert voers. niet ghelevert en
heft noch en kan van der stat van Groeningen alsodane recongnicio als voers. is ende ons onse lant van Drenthe ghegheven ende beseghelt heft,
soe heft hie ons onse confirmacie, die hy van ons mit siinre hant ontfing, wederghegheven, alsoe dat ons daerof wael ghenoghet. Mer die ander
confirmacie, die Johannes Mile naemaels screef ende beseghelen liet, die en heft ons Lubbert vors. noch niet ghelevert, ende die is noch in der
stat ghewalt van Groeningen, als ons ver waer is doen verstaen, ende die wille wi ons van Lubberte oec ghelevert hebben, want wi se op sine
gheloeven beseghelen leten. Hierom, opdat sich Lubbert vors. te bet verwolghen moeghe an die stat van Groeningen vors. den brief weder te
bringhen om ons den te leveren ende opdat hie in die peen voers. niet en valle, soe hebben wi hem dach ghegheven van data des briefs toe
Middewiinter toe naestcomende, dat hie ons hierentuschen noch levere onse confirmacio, die nae beseghelt waert, of ene recongnicio onder seghel
der stat van Groeningen, als voerg. is. Ende wi bidden den raet van Groeningen, dat se wedergheven Lubberte vors. onse confirmacio, die sie tot
hoere staet behoef up Lubberts ghelove vors. van ons vercreghen hebben. Ende waert sake dat Lubbert voers. ons niet een lavert, alse voers is,
soe mene wij van Lubberte voers. toe hebben alsolike peen van thweenhondert olden schilden als voers. is, beholdeliic ons daertoe ons rechtes op
die stat van Groeningen vors. dat se ons ontholden ende niet wedergheven en willen alsolike confirmacio alse wij hoer up Lubberts ghelove
ghesant hebben, ende oec dat se ons weygheren alsolike recongnicio toe gheven alse ons schuldich siin toe ghevene, ende als ons onse lant van
Drenthe ghegheven ende beseghelt heft. Tenor confirmacionis nostre, de qua supra fit mencio, talis est . . . Volgt nr. 677 . . . Tenor vero
recongnicionis, de qua eciam supra fit mensio, sequitur in hec verba . . . Volgt nr. 683 ... In orkunde des briefs beseghelt mit onsen seghel.
Ghegheven toe Vollenhoe int jaer ons Heren dusent dryehondert drye ende tachtentich op sente Martiins dach Translacio .
x
| Fonds | Oorkondenboek Groningen en Drenthe |
|---|---|
| Nr | 720 |
| Olim | Naar het origineel in het rijksarchief te Groningen (Reg. 1383, no. 1), hoog 49, breed 30 cm. Ook gedrukt bij Driessen, blz. 369. |
| Jaar | 1383 |
| Datumcode | TraMar |
x
| Commentaar | Aan het stuk hangt het ronde zegel van den Bisschop, gelijk aan dat van no. 677; randschrift : . . . ACIA EPISCOPI TRAIECTENSIS. |
|---|