| Nummer:ogd0830 | Datum:1 april 1392 | Overlevering:Editie | Vindplaats:Oorkondenboek Groningen en Drenthe, nr. 830 |
Namens Branda de Castelliono, pauselijk auditor, geeft Johannes de Nana als pauselijk notarius kennis, dat hij in het geschil van Henricus, zoon van Herman van Selwerd, en Yde, diens weduwe, met het kapittel van de Dom te Utrecht aan ieder van de partijen verbiedt iets ten nadele van de andere te doen.
Reverendo in Christo patri et domino, domino episcopo Trajectensi virisque vicariis et officialibus tam in spiritualibus quam in
temporalibus quibuscunque necnon universis et singulis officialibus, judicibus ordinariis, delegatis et subdelegatis, executoribus et
subexecutoribus, tam apostolicis quam ordinariis et eorum loca tenentibus, per civitatem et diocesim Trajectensem et aliis ubilibet constitutis,
ac eciam discretis et honestis mulieribus, Henrico, quondam Hermanni de Zelwaert laici nato laico, et Yde, ejusdem Hermanni relicte vidue,
Trajectensis diocesis omnibusque aliis et singulis, quos infrascriptum tangit negocium seu tangere poterit quomodolibet in futurum et eorum
cuilibet insolidum, Branda de Castelliono, utriusque juris doctor, prepositus ecclesie sancti Johannis de Orsano Mediolanensis diocesis, domini
nostri pape capellanus et ipsius sacri palatii apostolici causarum et cause presentibus infrascriptis ab eodem domino nostro papa auditor
specialiter deputatus, salutem in Domino et presentibus fidem indubiam adhibere. Noveritis, quod nuper sanctissimus in Christo pater, dominus
noster dominus Bonifacius, divina providentia papa nonus, quandam commissionis sive supplicationis cedulam nobis per quendam suum cursorem
presentari fecit, quam nos cum ea, qua decuit, reverentia recepimus sub hiis verbis: Beatissime pater, exponitur sanctitati vestre pro parte
devotorum ornatorum virorum decani et capituli ecclesie Trajectensis, quod cum olim ipsi Henricum, quondam Hermanni de Zelwaert laici natum
laicum, et Ydam, ejusdem Hermanni relictam viduam, Trajectensis diocesis, qui ipsos decanum et capitulum jurisdictione alta et bassa ac dominio
locorum de Groningen et de Zelwaert dicte diocesis necnon certis aliis rebus et bonis tunc expressis ad eosdem decanum et capitulum communiter
pertinentibus et eorum possessione contra justitiam spoliarunt, coram decano ecclesie beate Marie Hagensis dicte diocesis auctoritate litterarum
apostolicarum fecissent ad judicium evocari, dicti Henricus et Yda a quodam conficto gravamine tunc expresso, ipsis per prefatum decanum
ecclesie beate Marie, ut falso dicebant, illato, ad sedem apostolicam appellarunt, supplicatur igitur pro parte ipsorum exponentium, quatenus
causam appellacionis hujusmodi et negocii principalis alicui ex auditoribus causarum palatii apostolici audiendum et finem debito terminandum
cum potestate summorum etiam procedendi ac citandi dictum Henricum et Ydam extra Romanam curiam et ad partes, quocies opus fuerit, etiam si
super appellatione hujusmodi a sede apostolica forsan aliquod rescriptum emanaverit, committere dignemur, non obstante quod causa ipsa de sui
natura ad eandem curiam legitime devoluta et apud eam tractanda non sit, presertim cum ipsi decanus et capitulum non sperent super premissis in
partibus illis posse consequi justitie complementum cum ceteris, non obstantibus ecclesiis oportunis. In fine vero dicte commissionis sive
supplicationis cedule scripta erant de alterius manu et littera littere superiori ipsius commissionis cedule penitus et omnino dissimili hec
verba videlicet: de mandato domini nostri pape audiat magister Branda, citet ut petitur et justiciam faciat. Cujus quidem commissionis vigore
per nos citatione extra Romanam curiam et ad partes contra et adversus Henricum, quondam Hermanni de Zelwaert laici natum laicum, et Ydam,
ejusdem Hermanni relictam viduam Trajectensis diocesis, in prefata nobis facta commissionis cedula principaliter nominatos ad discreti viri
magistri Johannis Colentyer, predictorum dominorum decani et capituli ecclesie Trajectensis principalium in prescripta nobis facta commissione
principaliter nominatorum procuratoris, de cujus procurationis mandato nobis legitime constitit atque constat, coram nobis in judicio
constituti, instantiam sub forma debita et consueta, decreta et concessa. Subsequenter vero firmius per prefatum Johannem Colentier procuratorem
cum instantia debita requisiti, quatenus in causa et causis hujusmodi more solito vel omnibus et singulis supradictis et vestrum cuilibet ac
ceteris aliis conjuncte vel divisim inhiberemus sibique supra hoc litteras inhibitorias ad partes in forma solita et consueta decernere et
concedere dignaremur, nos igitur Branda de Castelliono, auditor prefatus, attendentes requisicionem hujusmodi fore justam et rationi consonam
volentesque in causa et causis hujusmodi equalitatem servare ut decet, vobis, reverendo in Christo patri domino episcopo Trajectensi vestrisque
in spiritualibus et temporalibus, vicariis et officialibus ceterisque omnibus et singulis judicibus, officialibus, delegatis et subdelegatis
ordinariis et extraordinariis quibuscunque per civitatem et diocesim Trajectensem et aliis ubilibet constitutis, ac vobis, Henrico et Yde
omnibusque aliis et singulis, quorum interest seu qui sua putaverint interesse, conjunctim vel divisim et cuilibet vestrum omnibusque aliis et
singulis supradictis duximus inhibendum et tenore presencium inhibemus citatione predicta per nos ut premittitur ad partes decreta, in eisdem
partibus prius executa, ne vos, reverende pater et domine episcope, vestrique vicarii et officiales, commissarii et alii supranominati
conjunctim vel divisim, ac vos, Henrice et Yda, singuleque persone antedicte etiam conjunctim et divisim per vos vel alium seu alios publice vel
occulte, directe vel indirecte in vilipendium jurisdictionis nostre seu litis pendentis, aut sedis apostolice contemptum, dictorumque dominorum
decani et capituli principalium prejudicium et detrimentum, aut ipsi domini decanus et capitulum principales viceversa in prejudicium vestri seu
alterius vestrum aliquod attemptare vel innovare presumatis, presumant aut presumat, quod si secus factum fuerit, id totum revocare et in statum
prestinum reducere curabimus justicia mediante. Que omnia et singula vobis omnibus et singulis supradictis intimamus, insinuamus et notificamus
et ad vestram et cujuslibet vestrum noticiam deducimus et deduci volumus per presentes. In quorum omnium et singulorum fidem et testimonium
presentes nostre inhibitionis litteras seu presens publicum instrumentum per magistrum Johannem, notarium publicum nostrumque et hujusmodi cause
coram nobis scribam infrascriptum subscribi et publicari mandavimus et nostri sigilli fecimus appensione muniri. Datum et actum Rome in hospicio
habitationis nostre sito in regione Aremile, sub anno a nativitate Domini millesimo trecentesimo nonagesimo secundo, indictione quartadecima die
vero Lune prima mensis Aprilis, pontificatus sanctissimi in Christo patris et domini nostri domini Bonifacii. divina providentia pape noni anno
tercio, presentibus ibidem discretis viris Johanne Spolet, clerico Maguntinensi, et Bartholomeo dicto Saciardo de Castelliono, Mediolanensis
diocesis laico, testibus ad premissa vocatis specialiter et rogatis. Ego, Johannes de Nana, clericus Mediolanensis diocesis, publicus apostolica
et imperiali auctoritate notarius venerabilis et circumspecti viri domini Brande de Castellionio auditoris prefati et hujusmodi cause coram eo
scriba, quia premissis omnibus presens interfui, causamque sic fieri vidi et audivi una cum prenominatis testibus, ideo de mandato prefati
domini Brande auditoris hoc presens publicum instrumentum per alium fideliter scriptum et me subscriptum exinde confeci, publicavi et in hanc
publicam formam redegi, signoque et nomine meis solitis et consuetis una cum ejusdem domini Brande auditoris sigilli appensione signavi,
rogatus specialiter et requisitus in fidem et testimonium omnium et singulorum premissorum.
temporalibus quibuscunque necnon universis et singulis officialibus, judicibus ordinariis, delegatis et subdelegatis, executoribus et
subexecutoribus, tam apostolicis quam ordinariis et eorum loca tenentibus, per civitatem et diocesim Trajectensem et aliis ubilibet constitutis,
ac eciam discretis et honestis mulieribus, Henrico, quondam Hermanni de Zelwaert laici nato laico, et Yde, ejusdem Hermanni relicte vidue,
Trajectensis diocesis omnibusque aliis et singulis, quos infrascriptum tangit negocium seu tangere poterit quomodolibet in futurum et eorum
cuilibet insolidum, Branda de Castelliono, utriusque juris doctor, prepositus ecclesie sancti Johannis de Orsano Mediolanensis diocesis, domini
nostri pape capellanus et ipsius sacri palatii apostolici causarum et cause presentibus infrascriptis ab eodem domino nostro papa auditor
specialiter deputatus, salutem in Domino et presentibus fidem indubiam adhibere. Noveritis, quod nuper sanctissimus in Christo pater, dominus
noster dominus Bonifacius, divina providentia papa nonus, quandam commissionis sive supplicationis cedulam nobis per quendam suum cursorem
presentari fecit, quam nos cum ea, qua decuit, reverentia recepimus sub hiis verbis: Beatissime pater, exponitur sanctitati vestre pro parte
devotorum ornatorum virorum decani et capituli ecclesie Trajectensis, quod cum olim ipsi Henricum, quondam Hermanni de Zelwaert laici natum
laicum, et Ydam, ejusdem Hermanni relictam viduam, Trajectensis diocesis, qui ipsos decanum et capitulum jurisdictione alta et bassa ac dominio
locorum de Groningen et de Zelwaert dicte diocesis necnon certis aliis rebus et bonis tunc expressis ad eosdem decanum et capitulum communiter
pertinentibus et eorum possessione contra justitiam spoliarunt, coram decano ecclesie beate Marie Hagensis dicte diocesis auctoritate litterarum
apostolicarum fecissent ad judicium evocari, dicti Henricus et Yda a quodam conficto gravamine tunc expresso, ipsis per prefatum decanum
ecclesie beate Marie, ut falso dicebant, illato, ad sedem apostolicam appellarunt, supplicatur igitur pro parte ipsorum exponentium, quatenus
causam appellacionis hujusmodi et negocii principalis alicui ex auditoribus causarum palatii apostolici audiendum et finem debito terminandum
cum potestate summorum etiam procedendi ac citandi dictum Henricum et Ydam extra Romanam curiam et ad partes, quocies opus fuerit, etiam si
super appellatione hujusmodi a sede apostolica forsan aliquod rescriptum emanaverit, committere dignemur, non obstante quod causa ipsa de sui
natura ad eandem curiam legitime devoluta et apud eam tractanda non sit, presertim cum ipsi decanus et capitulum non sperent super premissis in
partibus illis posse consequi justitie complementum cum ceteris, non obstantibus ecclesiis oportunis. In fine vero dicte commissionis sive
supplicationis cedule scripta erant de alterius manu et littera littere superiori ipsius commissionis cedule penitus et omnino dissimili hec
verba videlicet: de mandato domini nostri pape audiat magister Branda, citet ut petitur et justiciam faciat. Cujus quidem commissionis vigore
per nos citatione extra Romanam curiam et ad partes contra et adversus Henricum, quondam Hermanni de Zelwaert laici natum laicum, et Ydam,
ejusdem Hermanni relictam viduam Trajectensis diocesis, in prefata nobis facta commissionis cedula principaliter nominatos ad discreti viri
magistri Johannis Colentyer, predictorum dominorum decani et capituli ecclesie Trajectensis principalium in prescripta nobis facta commissione
principaliter nominatorum procuratoris, de cujus procurationis mandato nobis legitime constitit atque constat, coram nobis in judicio
constituti, instantiam sub forma debita et consueta, decreta et concessa. Subsequenter vero firmius per prefatum Johannem Colentier procuratorem
cum instantia debita requisiti, quatenus in causa et causis hujusmodi more solito vel omnibus et singulis supradictis et vestrum cuilibet ac
ceteris aliis conjuncte vel divisim inhiberemus sibique supra hoc litteras inhibitorias ad partes in forma solita et consueta decernere et
concedere dignaremur, nos igitur Branda de Castelliono, auditor prefatus, attendentes requisicionem hujusmodi fore justam et rationi consonam
volentesque in causa et causis hujusmodi equalitatem servare ut decet, vobis, reverendo in Christo patri domino episcopo Trajectensi vestrisque
in spiritualibus et temporalibus, vicariis et officialibus ceterisque omnibus et singulis judicibus, officialibus, delegatis et subdelegatis
ordinariis et extraordinariis quibuscunque per civitatem et diocesim Trajectensem et aliis ubilibet constitutis, ac vobis, Henrico et Yde
omnibusque aliis et singulis, quorum interest seu qui sua putaverint interesse, conjunctim vel divisim et cuilibet vestrum omnibusque aliis et
singulis supradictis duximus inhibendum et tenore presencium inhibemus citatione predicta per nos ut premittitur ad partes decreta, in eisdem
partibus prius executa, ne vos, reverende pater et domine episcope, vestrique vicarii et officiales, commissarii et alii supranominati
conjunctim vel divisim, ac vos, Henrice et Yda, singuleque persone antedicte etiam conjunctim et divisim per vos vel alium seu alios publice vel
occulte, directe vel indirecte in vilipendium jurisdictionis nostre seu litis pendentis, aut sedis apostolice contemptum, dictorumque dominorum
decani et capituli principalium prejudicium et detrimentum, aut ipsi domini decanus et capitulum principales viceversa in prejudicium vestri seu
alterius vestrum aliquod attemptare vel innovare presumatis, presumant aut presumat, quod si secus factum fuerit, id totum revocare et in statum
prestinum reducere curabimus justicia mediante. Que omnia et singula vobis omnibus et singulis supradictis intimamus, insinuamus et notificamus
et ad vestram et cujuslibet vestrum noticiam deducimus et deduci volumus per presentes. In quorum omnium et singulorum fidem et testimonium
presentes nostre inhibitionis litteras seu presens publicum instrumentum per magistrum Johannem, notarium publicum nostrumque et hujusmodi cause
coram nobis scribam infrascriptum subscribi et publicari mandavimus et nostri sigilli fecimus appensione muniri. Datum et actum Rome in hospicio
habitationis nostre sito in regione Aremile, sub anno a nativitate Domini millesimo trecentesimo nonagesimo secundo, indictione quartadecima die
vero Lune prima mensis Aprilis, pontificatus sanctissimi in Christo patris et domini nostri domini Bonifacii. divina providentia pape noni anno
tercio, presentibus ibidem discretis viris Johanne Spolet, clerico Maguntinensi, et Bartholomeo dicto Saciardo de Castelliono, Mediolanensis
diocesis laico, testibus ad premissa vocatis specialiter et rogatis. Ego, Johannes de Nana, clericus Mediolanensis diocesis, publicus apostolica
et imperiali auctoritate notarius venerabilis et circumspecti viri domini Brande de Castellionio auditoris prefati et hujusmodi cause coram eo
scriba, quia premissis omnibus presens interfui, causamque sic fieri vidi et audivi una cum prenominatis testibus, ideo de mandato prefati
domini Brande auditoris hoc presens publicum instrumentum per alium fideliter scriptum et me subscriptum exinde confeci, publicavi et in hanc
publicam formam redegi, signoque et nomine meis solitis et consuetis una cum ejusdem domini Brande auditoris sigilli appensione signavi,
rogatus specialiter et requisitus in fidem et testimonium omnium et singulorum premissorum.
x
| Fonds | Oorkondenboek Groningen en Drenthe |
|---|---|
| Nr | 830 |
| Olim | Naar een transsumpt d.d. 25 Mei 1392 (zie no. 832) in het rijksarchief te Utrecht (Charters van den Dom). |
| Jaar | 1392 |
| Datumcode | 0104 |