| Nummer:ogd0899 | Datum:10 aug. 1395 | Overlevering:Editie | Vindplaats:Oorkondenboek Groningen en Drenthe, nr. 899 |
Overheden en ingezetenen van Vredewold sluiten een verdrag met de stad Groningen.
Wy, greetman, rechters ende ghemene meente van Fredewolt, bekennen ende betughen met dezen openen breve, dat wy ghegheven hebben ende
gheven ene stede vaste zone den borghermesteren ende raede van Groninghe ende al denghenen, de bynnen Groninghe won-achtich ziin, ende horen
holpers
ende horen ondersaten vor ons ende vor al deghene, de in onsen lande wonachtich ziin, tot ewighen daghen to holden alse van der sake weghen, dat
zie onse landlude ghevanghen ende gheschattet hebben, um des wille dat zie de van Groninghen bevochten, do zie leghen vor Bouwen hues Poppema,
ende van al dat daervan gherezen is, also dat wy noch onse landlude noch negheen man van onser weghen de van Groninghen immermeer haten noch
veden noch anspreken en sullen van der vors. sake weghen. Ende sowat schade ons anghekomen is van dodele, van wondinghe of van guedschade, dat
sulle wy boten ende beteren bynnen schilde. Ende weert sake dat jenich man van onsen landluden deze vors. zone brake, de solde breken twehondert
olde Francsche scilde tovoren, ende wat hie misdoet, dat sal hie twischat boten ende beteren. Ende dat sulle wy, greetman ende rechters, den van
Groninghen uetrechten bijnnen dreen maenden na den daghe, dat de claghe vor ons ghekomen is, of wy sullen hem den handadighen overleveren, ende
nochtan so sal deze vors. zone stede ende vast bliven. Voerdmer so love wy, dat alle lude sullen velich varen to der stad ende van der stad van
Groninghe by daghe ende by nachte, to water ende to lande, met live ende met gude, by ener pene van hondert marken. Ende mijsdede hiirenboven
jemende, dat sulle wy berechten, als vors. is, of den handdadighen overleveren. Ende sowat broke van dezen vors. saken verschenen wort, de sal
wezen half tot ons rechter behoef ende half ter stad behoef. Ende Bouwe Poppema, Haye Hertes ende Haye Brues de moghen mede in dezer zone wezen
alsoveer als zie voldoen willen na landrechte denghenen, de met rechte up hem to claghen hebben ende anders nyet. Al arghelist uetghesproken. In
orkunde der waerheyt so hebbe wy, greetman, rechters ende mene meente vors., onses landes seghel an dezen breef ghehanghen. Ende um de merre
vestenesse so hebbe wy ghebeden her Ripperde, den abt van Adewart, ende her Henrike, den provest van Hummerse, dezen breef met ons to
beseghelen. Ende wy, her Ripperd ende her Henric provest vors., hebben onse seghele mede an dezen breef ghehanghen. Ghegheven int jaer ons Heren
dusent drehondert viif ende neghentich up sente Laurencius dach .
gheven ene stede vaste zone den borghermesteren ende raede van Groninghe ende al denghenen, de bynnen Groninghe won-achtich ziin, ende horen
holpers
ende horen ondersaten vor ons ende vor al deghene, de in onsen lande wonachtich ziin, tot ewighen daghen to holden alse van der sake weghen, dat
zie onse landlude ghevanghen ende gheschattet hebben, um des wille dat zie de van Groninghen bevochten, do zie leghen vor Bouwen hues Poppema,
ende van al dat daervan gherezen is, also dat wy noch onse landlude noch negheen man van onser weghen de van Groninghen immermeer haten noch
veden noch anspreken en sullen van der vors. sake weghen. Ende sowat schade ons anghekomen is van dodele, van wondinghe of van guedschade, dat
sulle wy boten ende beteren bynnen schilde. Ende weert sake dat jenich man van onsen landluden deze vors. zone brake, de solde breken twehondert
olde Francsche scilde tovoren, ende wat hie misdoet, dat sal hie twischat boten ende beteren. Ende dat sulle wy, greetman ende rechters, den van
Groninghen uetrechten bijnnen dreen maenden na den daghe, dat de claghe vor ons ghekomen is, of wy sullen hem den handadighen overleveren, ende
nochtan so sal deze vors. zone stede ende vast bliven. Voerdmer so love wy, dat alle lude sullen velich varen to der stad ende van der stad van
Groninghe by daghe ende by nachte, to water ende to lande, met live ende met gude, by ener pene van hondert marken. Ende mijsdede hiirenboven
jemende, dat sulle wy berechten, als vors. is, of den handdadighen overleveren. Ende sowat broke van dezen vors. saken verschenen wort, de sal
wezen half tot ons rechter behoef ende half ter stad behoef. Ende Bouwe Poppema, Haye Hertes ende Haye Brues de moghen mede in dezer zone wezen
alsoveer als zie voldoen willen na landrechte denghenen, de met rechte up hem to claghen hebben ende anders nyet. Al arghelist uetghesproken. In
orkunde der waerheyt so hebbe wy, greetman, rechters ende mene meente vors., onses landes seghel an dezen breef ghehanghen. Ende um de merre
vestenesse so hebbe wy ghebeden her Ripperde, den abt van Adewart, ende her Henrike, den provest van Hummerse, dezen breef met ons to
beseghelen. Ende wy, her Ripperd ende her Henric provest vors., hebben onse seghele mede an dezen breef ghehanghen. Ghegheven int jaer ons Heren
dusent drehondert viif ende neghentich up sente Laurencius dach .
x
| Fonds | Oorkondenboek Groningen en Drenthe |
|---|---|
| Nr | 899 |
| Olim | Naar het origineel in het rijksarchief te Groningen (Reg. 1395, no. 3), hoog 17, breed 33,5 cm. Ook gedrukt bij Driessen, blz. 473. |
| Jaar | 1395 |
| Datumcode | Lauren |