| Nummer:ogd0932 | Datum:3 juni 1396 | Overlevering:Editie | Vindplaats:Oorkondenboek Groningen en Drenthe, nr. 932 |
Adolf, graaf van Kleef, schrijft aan de Bisschop van Utrecht over zijn houding in diens twist met Reinold van Coevorden en zijn aanhangers.
An den eerwerdighen in Gode onsen lieven geminden heren ende neven, den bisscop van Utrecht. Lieve ende gheminde here ende neve, als ghi van ons
begheert uwe hulper up uwe vyande te werden, so was Rutgher van Darnic lesten selven mede in onsen rade, daer wi mit onsen wiisen vrunden
overquamen, dat wi senden solden na vrunden onses lieven broeders, des greven van der Marcke, onsen lieven neven van Heynsberghe ende van der
Lecke end onsen lieven vrunde dem heren van Voerst mit hoersselves lyven tot ons te comen als van en neesten Donresdage compt over achte daghen,
daer wi na ghesant hebben end meynen die mede in de hulpe te brengen. Ind ons end onsen vrunden duncket nut te wesen vor u ende oec vor ons, dat
wi dese onse vriende te voeren hiiromme spreken ind des eyndrechtich mit oen werden, want sie dat mede doen solden, des ghi ummer nyet voer arch
noch voer gheen vertrecken verstaen en willen, want dit Rutgher vors. mede kondich is ende wi oec ummer nyet gheerne en leten, wat wi wisten,
dat u lief ende guet were. God moete u, lieve ende geminde here ende neve, gesont bewaren. Gegeven toe Cleve des Zaterdages na des hilgen
Sacramentsdaghe. Adolph, greve van Cleve.
begheert uwe hulper up uwe vyande te werden, so was Rutgher van Darnic lesten selven mede in onsen rade, daer wi mit onsen wiisen vrunden
overquamen, dat wi senden solden na vrunden onses lieven broeders, des greven van der Marcke, onsen lieven neven van Heynsberghe ende van der
Lecke end onsen lieven vrunde dem heren van Voerst mit hoersselves lyven tot ons te comen als van en neesten Donresdage compt over achte daghen,
daer wi na ghesant hebben end meynen die mede in de hulpe te brengen. Ind ons end onsen vrunden duncket nut te wesen vor u ende oec vor ons, dat
wi dese onse vriende te voeren hiiromme spreken ind des eyndrechtich mit oen werden, want sie dat mede doen solden, des ghi ummer nyet voer arch
noch voer gheen vertrecken verstaen en willen, want dit Rutgher vors. mede kondich is ende wi oec ummer nyet gheerne en leten, wat wi wisten,
dat u lief ende guet were. God moete u, lieve ende geminde here ende neve, gesont bewaren. Gegeven toe Cleve des Zaterdages na des hilgen
Sacramentsdaghe. Adolph, greve van Cleve.
x
| Fonds | Oorkondenboek Groningen en Drenthe |
|---|---|
| Nr | 932 |
| Olim | Naar een afschrift in het register Inv. no. 1607, fol. 118vo (Inv. Bijl. blz. 218) in het gemeentearchief te Deventer. |
| Jaar | 1396 |
| Datumcode | SpSacram |