| Nummer:ogd0953 | Datum:11 mei 1397 | Overlevering:Editie | Vindplaats:Oorkondenboek Groningen en Drenthe, nr. 953 |
De Hertog van Gelre doet uitspraak in de geschillen tussen de Bisschop van Utrecht en Reynold van Coevorden met zijn aanhangers.
Dit sijn die punten, daer wij, hertoge van Gelre ende Gulych ende greve van Zutphen , een swoen opgeseghet hebben tusschen den eerweerdigen onsen lieven neven , bisscop van Utrecht, ende sijnen gestichte hulperen ende hulperehulperen aen die een zijde, ende onsen lieven neven, Reynolt van Covoerde, ende sijnen hulperen ende hulperehulperen , als mit namen Gijsbert van Bronchorst, here tot Borclo, heren Gysbert van Bronchorst, Vrederic van Bronchorst, heren Johan van Hoemoet, Derick van Wyssche ende hoeren hulperen ende hulperehulperen aen die ander zyde, roe
rende van Covoerden ende van Drenthe mit hoeren toebehoeren. In den yersten, dat alremallich hulpere ende hulperenhulpere ende alle dieghene, die van beyden zijden ontseget hebben omme der saken wille van Covoerden bezwoent soelen wesen op hoer leen ende gued , ende mit namen sal Reynolt van Covoerden bezwoent wesen , alsoe dat hi behalden sal alle sijne alde erfftale, soewaer die gelegen is, ende die sijn alderen gecoft hebben, die nyet en hoeren totter heerschap van Covoerden ende die mit sijnre moeder medegave gecoft is , dats te verstaen alle alsulck erve ende gued , als hiernae beschreven steet mit alle hoeren toebehoeren, dat is te weten: In den yersten sal Reynolt behalden alle die hoerighe lude, guede ende renten, die sy hiertoe beseten ende ondergehadt hebben in den kerspel tot Emnynchem, tot Esschebrugghe ende in Laerrewolde. Item sal Reynolt beholden dat gued tot Peyse, dat Reynolt van Covoerden mit sijns wijfs medegave coft tegen Johan Hondenbergh. Item sal Reynolt behalden dat gued tot Dalen. Item sal Reynolt behalden die twelf Groenynger mudde rogghen tsjaers , die her Johan van Covoerden cofte in den kerspelen van Hesselen ende van Swele. Item sal Reynolt behalden die twelf hoenre tsjaers , die her Johan voirscreven cofte tot Armen . Item sal Reynolt behalden die neghen vierdel boteren tsjaers, die die voirscreven her Johan cofte tot Echten. Item sal dieselve Reynolt behalden alsulc gued als hi liggende heeft in den kerspel van Hardenberghe. Item sal Reynolt behalden die teende tot Noirtsleten groff ende small , die Godeken van Hekeren waren. Item sal Reynolt behalden die hofstede, gelegen bi den Nyemoellendijke buten Covoerden, die her Johan van Covoerden tgegen Heynken Machgarijssoen cofte. Item sal Reynolt behalden die hofstede bi denselven Nyemoellendyck gelegen, die Derick van Rutenberge plach te hebben. Item sal Reynolt behalden die hofstede , daer Tyde then Oerde op woent , die her Johan van Covoerden voirscreven cofte. Item sal Reynolt voirscreven behalden die hofstede , daer Swene then Oerde op plach te woenen. Item sal Reynolt behalden die hofstede, gelegen tot Covoerden buten der Twynter poerte ende een coelhof, die Strobant heeft, ende een stuck lands, geheiten die Abbendynck. Item sal Reynolt behalden enen coelhof ende een stuck lands hoylands , gelegen tusschen deen tween. Item sal Reynolt behalden een hofstad, die heeft her Johan die Paep. Item sal Reynolt behalden een hofstad, die heeft Johan die schomeker. Item soelen Arnd van Gueterswyck mitten sijnen, die mit hem nederlaghen Herman van Schonenbeke, Beernd van Rede, Willem die Rode, Herman van Horstel, Robert van Tonenberch, Moerlijn ende anders alle gevangen, die van veden weghen onss lieven neven bisscops van Utrecht gevangen syn ende aen Gysberts hant van Borcloe staen, als men die beschreven gheven sal, quijt wesen, beholdelich dat sij redelike ende temelike oerveede doen soelen. Item soe soelen Gijsbert van Batenborch, Gerijt van den Zande, Reynken ende Derick van Beloe, Arnd van Zellaer, Evert van der Oye, Henrich van Beyle, Johan die Kyster ende anders dieghene, die onse lieve neve, die bisscop van Utrecht, heeft Gijsbert van Borclo afgevangen, quyt wesen. Ende dieghene, die op Rijnensteyn gevangen waren van Gijsberts gesellen van Borcloe, ende mit namen Gysbert van Batenborch, die soelen oervede doen , als redelich ende temelich is, onsen neven, den bisscop van Utrecht, ende sijnen gestichte, der stad van Utrecht, den heren van Abcoude, den heren van Vyanen ende den borchgreve van Montfoerde. Ende dieghene die onse lieve neve bisscop tot Utrecht, Gysbert van Borcloe affgevangen heeft, die op Rynensteyne nyet gevangen en worden, die soelen onsen lieven neven, bisscop van Utrecht, sijnen nacomelingen, bisscopen tot Utrecht, ende sijnen gestichte van Utrecht oervede doen, als redelich ende temelich is. Voert soelen Henric van Dodingwerde, Herman Knuyff, Johan Vierdach, Lambert van der Hoeven ende anders Gijsberts gesellen van Borcloe, die op die reyse voir Borclo gevangen worden, quyt wesen, beheltelich dat sij onsen lieven neven, bisscop van Utrecht, sijnen nacomelingen, bisscopen tot Utrecht, ende sijnen gestichte oervede doen soelen, als redelich ende temelich is. Voirt sal alle gelt van den gevangenen voirscreven, dat nyet betaelt, verwijst of verborcht en is, quijt wesen, item doden tgegen doden, roeff tgegen roeff, brandt tgegen brant quijt sijn. Item dat onse lieve neve, bisscop van Utrecht, sall Reynolt van Covoerden versekeren ende verwyssen twelfdusent alde schilde Vrancrijcsche of keysersche of gelijc payment daervoir, ende daertoe vyf jaer langh jaerlijx sesshondert alde schilde van hantgelt, maect tsamen vijftyen dusent alde schilde, die men hem betalen sal over vyff jare neestcomende na datum des briefs ende nyet eer, overmyds dat hi sijn beraet hebben sal op die vertichnisse te doen, ende bynnen den lesten jaer der vijf jaren voirscreven soe sal hi sijn beraet seggen ende uten een half jaer te voren, of hi dat gelt hebben will ende vertichnisse doen. Ende weert dat hi hem beryet die vertichnisse te doen ende dat gelt te nemen als voirscreven is, soe solde hi dat gelt boeren van dachdatum des briefs over vijff jaren ende doen vertichnisse, als hierna beschreven steet, dat is te weten dat Reynolt voirscreven vertyen sall voir hem ende voir alle sijne erffgenamen ende nacomelingen tot behueff onss lieven neven, bisscops van Utrecht, sijnre nacomelingen, bisscopen tUtrecht, ende des gestichts van Utrecht, tot ewighen daghen van den huys ende van der heerscap van Covoerden mit alle horen toebehoeren ende van alre aensprake ende toeseggen, die hi of die sijne alderen aen Covoerden of aen Drenthe gehadt hebben ende die hi of sijne nacomelinghe daeraen hebben moeghen, beheltelich hem, sijnre erffnisse ende guede voirscreven. Item dat Reynolt voirg. van deser vertichnisse ende swone voirscreven gheven sal sijne apenen besegelde brieve in gueder formen, die over hem ende mit hem besegelen soelen wij, hertoghe voirscreven, ende daerthoe tyen of twelf van sijnen hoechsten ende besten maegen. Ende wolde Reynolt voirscreven die vertichnisse nyet doen, soe en sal men hem des gelds voirscreven nyet gheven, ende soe en soelen die brieve van den gelde voirscreven gheen macht hebben , ende Reynolt voirscreven sal staen alsdan in alle sijnen rechten der heerscappen van Covoerden ende des lands van Drenthe, als hi stoent voir desen daghe alreneest, eer dese swoen voirscreven gespraken waert. Ende dat recht mach hi nae uytganghe der vijf jaren voirscreven vorderen, als hi beste mach, ende wolde hy dat mit vede vorderen, soe sal hi daeromme vyand werden ende ontseggen. Item dat Reynolts maeghe ende vriende bynnen desen vijff jaren voirscreven aen onsen lieven neven, bisscop van Utrecht, noch aen sijnen gestichte van Utrecht landen ende luden ende ondersaten, ende myt namen aen Covoerden noch aen dat landt van Drenthe omme der saken wille van Covoerden gheen arch keren en soelen, alle argelist uytgeseget. Voert seggen wij hertoge voirg., dat die voirg. gevangenen aen beyden sijden soelen dach hebben thent van nu ende van den neesten Sonnendaghe comende over viertyennacht, ende alsdan soe soelen dieghene aen der hant, dat die voirscreven gevangen staen, dieselve gevangenen quijt schelden ende hoer oervede van hem nemen als voirscreven is. Item op dieselve tijt sal men malck syn leen ende gued, daer male op bezwoent is als voirscreven steet, wederleveren ende oyc op dieselve tijt sal men overleveren tot Zutphen aen die borgermeystere, schepenen ende raed den brieff van verwyssinghe des gelds voirscreven, die aldaer in gewerde hant der burgermeystere, schepenen ende raed liggen sal, thent Reynolt voirscreven sijn beraet seghet op die vertichnisse voirscreven. Ende weert dat Reynolt die vertichnisse als voirscreven is dede soe sal men hem den brief van verwissinghe des gelds voirscreven gheven. Weert oyc dat Reynolt voirg. sich beryet ende des overqueem als oyc voirscreven is, dat hi die vertichnisse nyet doen en wolde, soe sal men den brieff van den voirscreven gelde wedergheven den steden Deventer, Campen ende Zwolle. Voirt soelen die oerveden wesen na der formen hierna beschreven, die onse lieve neve, die bisscop van Utrecht, hebben sall nae ynholt des seggens voirscreven: Ic N. doe kond allen luden mit desen apenen brieve ende bekenne, dat ic ghesekert ende geloeft hebbe in gueden trouwen ende hebbe voirt lyflich then heyligen gezwaren mit opgerychten vyngeren ende mit gestaefden eeden, dat ic nummermeer, alsoelanghe als ic leven, sal gedoen mit rade of mit dade heymelich of apenbaer tgegen den eerwerdigen in Gode vader ende heren, heren Frederich van Blanckenheym, bisscop tUtrecht, noch tgegen sijne nacomelinge, bisscope tUtrecht, noch tgegen syne gestichte van Utrecht, noch alle dieghene, die myn heere bisscop van Utrecht voirscreven ende sijne nacomelinge mit recht verandworden moeghen, ende bekennen, weert, dat God verhoede, dat ic daertgeghen dede, dat ic dan weer zekerloes, trouweloes ende meynedich. Alle argelist uytgeseget. In oerkonde des briefs besegelt mit, etc. Item aldus soelen die oervede wesen, alse die edel onse lieve neve van Borclo ende die andere hebben soelen nae ynholt des seggens voirscreven: Ic N. doe kond allen luden mit desen apenen brieve ende bekenne, dat ic gesekert ende gelaeft hebbe in gueden trouwen ende hebbe voirt lijflich then heiligen gezwaren mit opgherichten vyngheren ende mit gestaefden eden, dat ic nummermeer, alsolanghe als ich leven, sal gedoen mit rade of mit dade heymelich of apenbaer tegen N. heren , noch tgegen sijne erven ende nacomelingen noch tgegen horen landen, luden ende ondersaten noch tgegen alle denghenen, die hi of sijne erven mit rechte verandworden moegen, ende bekennen, weert, dat God verhoede, dat ic daertgegen dede, dat ic dan weer zekerloes, trouweloes ende meynedich. Alle argelist uytgeseget. In orkonde des briefs besegelt mit mijnen segel. Ende want wij , hertoge van Gelre ende van Gulich ende greve van Zutphen voirg., tusschen den voirg. partijen, die ons des aen beijden zijden mechtich gemaect hebben, een swoen geseget hebben in allen formen , manieren ende vurwarden als voirscreven is, ende wij daerby over ende aen gestaen hebben, dat beyde partye voirg. hebben daerop malcanderen een zwoen gegheven, soe hebben wij des te ghetughe onsen segel an desen brieff doen hanghen. Int jaer onss Heren dusent driehondert seven ende tnegentich des neesten Manendages na den Sonnendach Jubilate, dat is des viertiende dages in den Meye, op welken Manendach die voirscreven zwoen geseget waert op Veluwe, in onsen lande aen der Yssele tgegen Deventer, daer vele gueder lude over ende aen waren, Per dominum ducem, presentibus de consilio dominis Arnoldo de Homen, Hermanno de Randenraide, militibus, et Arendo de Boichope, reddituario.
rende van Covoerden ende van Drenthe mit hoeren toebehoeren. In den yersten, dat alremallich hulpere ende hulperenhulpere ende alle dieghene, die van beyden zijden ontseget hebben omme der saken wille van Covoerden bezwoent soelen wesen op hoer leen ende gued , ende mit namen sal Reynolt van Covoerden bezwoent wesen , alsoe dat hi behalden sal alle sijne alde erfftale, soewaer die gelegen is, ende die sijn alderen gecoft hebben, die nyet en hoeren totter heerschap van Covoerden ende die mit sijnre moeder medegave gecoft is , dats te verstaen alle alsulck erve ende gued , als hiernae beschreven steet mit alle hoeren toebehoeren, dat is te weten: In den yersten sal Reynolt behalden alle die hoerighe lude, guede ende renten, die sy hiertoe beseten ende ondergehadt hebben in den kerspel tot Emnynchem, tot Esschebrugghe ende in Laerrewolde. Item sal Reynolt beholden dat gued tot Peyse, dat Reynolt van Covoerden mit sijns wijfs medegave coft tegen Johan Hondenbergh. Item sal Reynolt behalden dat gued tot Dalen. Item sal Reynolt behalden die twelf Groenynger mudde rogghen tsjaers , die her Johan van Covoerden cofte in den kerspelen van Hesselen ende van Swele. Item sal Reynolt behalden die twelf hoenre tsjaers , die her Johan voirscreven cofte tot Armen . Item sal Reynolt behalden die neghen vierdel boteren tsjaers, die die voirscreven her Johan cofte tot Echten. Item sal dieselve Reynolt behalden alsulc gued als hi liggende heeft in den kerspel van Hardenberghe. Item sal Reynolt behalden die teende tot Noirtsleten groff ende small , die Godeken van Hekeren waren. Item sal Reynolt behalden die hofstede, gelegen bi den Nyemoellendijke buten Covoerden, die her Johan van Covoerden tgegen Heynken Machgarijssoen cofte. Item sal Reynolt behalden die hofstede bi denselven Nyemoellendyck gelegen, die Derick van Rutenberge plach te hebben. Item sal Reynolt behalden die hofstede , daer Tyde then Oerde op woent , die her Johan van Covoerden voirscreven cofte. Item sal Reynolt voirscreven behalden die hofstede , daer Swene then Oerde op plach te woenen. Item sal Reynolt behalden die hofstede, gelegen tot Covoerden buten der Twynter poerte ende een coelhof, die Strobant heeft, ende een stuck lands, geheiten die Abbendynck. Item sal Reynolt behalden enen coelhof ende een stuck lands hoylands , gelegen tusschen deen tween. Item sal Reynolt behalden een hofstad, die heeft her Johan die Paep. Item sal Reynolt behalden een hofstad, die heeft Johan die schomeker. Item soelen Arnd van Gueterswyck mitten sijnen, die mit hem nederlaghen Herman van Schonenbeke, Beernd van Rede, Willem die Rode, Herman van Horstel, Robert van Tonenberch, Moerlijn ende anders alle gevangen, die van veden weghen onss lieven neven bisscops van Utrecht gevangen syn ende aen Gysberts hant van Borcloe staen, als men die beschreven gheven sal, quijt wesen, beholdelich dat sij redelike ende temelike oerveede doen soelen. Item soe soelen Gijsbert van Batenborch, Gerijt van den Zande, Reynken ende Derick van Beloe, Arnd van Zellaer, Evert van der Oye, Henrich van Beyle, Johan die Kyster ende anders dieghene, die onse lieve neve, die bisscop van Utrecht, heeft Gijsbert van Borclo afgevangen, quyt wesen. Ende dieghene, die op Rijnensteyn gevangen waren van Gijsberts gesellen van Borcloe, ende mit namen Gysbert van Batenborch, die soelen oervede doen , als redelich ende temelich is, onsen neven, den bisscop van Utrecht, ende sijnen gestichte, der stad van Utrecht, den heren van Abcoude, den heren van Vyanen ende den borchgreve van Montfoerde. Ende dieghene die onse lieve neve bisscop tot Utrecht, Gysbert van Borcloe affgevangen heeft, die op Rynensteyne nyet gevangen en worden, die soelen onsen lieven neven, bisscop van Utrecht, sijnen nacomelingen, bisscopen tot Utrecht, ende sijnen gestichte van Utrecht oervede doen, als redelich ende temelich is. Voert soelen Henric van Dodingwerde, Herman Knuyff, Johan Vierdach, Lambert van der Hoeven ende anders Gijsberts gesellen van Borcloe, die op die reyse voir Borclo gevangen worden, quyt wesen, beheltelich dat sij onsen lieven neven, bisscop van Utrecht, sijnen nacomelingen, bisscopen tot Utrecht, ende sijnen gestichte oervede doen soelen, als redelich ende temelich is. Voirt sal alle gelt van den gevangenen voirscreven, dat nyet betaelt, verwijst of verborcht en is, quijt wesen, item doden tgegen doden, roeff tgegen roeff, brandt tgegen brant quijt sijn. Item dat onse lieve neve, bisscop van Utrecht, sall Reynolt van Covoerden versekeren ende verwyssen twelfdusent alde schilde Vrancrijcsche of keysersche of gelijc payment daervoir, ende daertoe vyf jaer langh jaerlijx sesshondert alde schilde van hantgelt, maect tsamen vijftyen dusent alde schilde, die men hem betalen sal over vyff jare neestcomende na datum des briefs ende nyet eer, overmyds dat hi sijn beraet hebben sal op die vertichnisse te doen, ende bynnen den lesten jaer der vijf jaren voirscreven soe sal hi sijn beraet seggen ende uten een half jaer te voren, of hi dat gelt hebben will ende vertichnisse doen. Ende weert dat hi hem beryet die vertichnisse te doen ende dat gelt te nemen als voirscreven is, soe solde hi dat gelt boeren van dachdatum des briefs over vijff jaren ende doen vertichnisse, als hierna beschreven steet, dat is te weten dat Reynolt voirscreven vertyen sall voir hem ende voir alle sijne erffgenamen ende nacomelingen tot behueff onss lieven neven, bisscops van Utrecht, sijnre nacomelingen, bisscopen tUtrecht, ende des gestichts van Utrecht, tot ewighen daghen van den huys ende van der heerscap van Covoerden mit alle horen toebehoeren ende van alre aensprake ende toeseggen, die hi of die sijne alderen aen Covoerden of aen Drenthe gehadt hebben ende die hi of sijne nacomelinghe daeraen hebben moeghen, beheltelich hem, sijnre erffnisse ende guede voirscreven. Item dat Reynolt voirg. van deser vertichnisse ende swone voirscreven gheven sal sijne apenen besegelde brieve in gueder formen, die over hem ende mit hem besegelen soelen wij, hertoghe voirscreven, ende daerthoe tyen of twelf van sijnen hoechsten ende besten maegen. Ende wolde Reynolt voirscreven die vertichnisse nyet doen, soe en sal men hem des gelds voirscreven nyet gheven, ende soe en soelen die brieve van den gelde voirscreven gheen macht hebben , ende Reynolt voirscreven sal staen alsdan in alle sijnen rechten der heerscappen van Covoerden ende des lands van Drenthe, als hi stoent voir desen daghe alreneest, eer dese swoen voirscreven gespraken waert. Ende dat recht mach hi nae uytganghe der vijf jaren voirscreven vorderen, als hi beste mach, ende wolde hy dat mit vede vorderen, soe sal hi daeromme vyand werden ende ontseggen. Item dat Reynolts maeghe ende vriende bynnen desen vijff jaren voirscreven aen onsen lieven neven, bisscop van Utrecht, noch aen sijnen gestichte van Utrecht landen ende luden ende ondersaten, ende myt namen aen Covoerden noch aen dat landt van Drenthe omme der saken wille van Covoerden gheen arch keren en soelen, alle argelist uytgeseget. Voert seggen wij hertoge voirg., dat die voirg. gevangenen aen beyden sijden soelen dach hebben thent van nu ende van den neesten Sonnendaghe comende over viertyennacht, ende alsdan soe soelen dieghene aen der hant, dat die voirscreven gevangen staen, dieselve gevangenen quijt schelden ende hoer oervede van hem nemen als voirscreven is. Item op dieselve tijt sal men malck syn leen ende gued, daer male op bezwoent is als voirscreven steet, wederleveren ende oyc op dieselve tijt sal men overleveren tot Zutphen aen die borgermeystere, schepenen ende raed den brieff van verwyssinghe des gelds voirscreven, die aldaer in gewerde hant der burgermeystere, schepenen ende raed liggen sal, thent Reynolt voirscreven sijn beraet seghet op die vertichnisse voirscreven. Ende weert dat Reynolt die vertichnisse als voirscreven is dede soe sal men hem den brief van verwissinghe des gelds voirscreven gheven. Weert oyc dat Reynolt voirg. sich beryet ende des overqueem als oyc voirscreven is, dat hi die vertichnisse nyet doen en wolde, soe sal men den brieff van den voirscreven gelde wedergheven den steden Deventer, Campen ende Zwolle. Voirt soelen die oerveden wesen na der formen hierna beschreven, die onse lieve neve, die bisscop van Utrecht, hebben sall nae ynholt des seggens voirscreven: Ic N. doe kond allen luden mit desen apenen brieve ende bekenne, dat ic ghesekert ende geloeft hebbe in gueden trouwen ende hebbe voirt lyflich then heyligen gezwaren mit opgerychten vyngeren ende mit gestaefden eeden, dat ic nummermeer, alsoelanghe als ic leven, sal gedoen mit rade of mit dade heymelich of apenbaer tgegen den eerwerdigen in Gode vader ende heren, heren Frederich van Blanckenheym, bisscop tUtrecht, noch tgegen sijne nacomelinge, bisscope tUtrecht, noch tgegen syne gestichte van Utrecht, noch alle dieghene, die myn heere bisscop van Utrecht voirscreven ende sijne nacomelinge mit recht verandworden moeghen, ende bekennen, weert, dat God verhoede, dat ic daertgeghen dede, dat ic dan weer zekerloes, trouweloes ende meynedich. Alle argelist uytgeseget. In oerkonde des briefs besegelt mit, etc. Item aldus soelen die oervede wesen, alse die edel onse lieve neve van Borclo ende die andere hebben soelen nae ynholt des seggens voirscreven: Ic N. doe kond allen luden mit desen apenen brieve ende bekenne, dat ic gesekert ende gelaeft hebbe in gueden trouwen ende hebbe voirt lijflich then heiligen gezwaren mit opgherichten vyngheren ende mit gestaefden eden, dat ic nummermeer, alsolanghe als ich leven, sal gedoen mit rade of mit dade heymelich of apenbaer tegen N. heren , noch tgegen sijne erven ende nacomelingen noch tgegen horen landen, luden ende ondersaten noch tgegen alle denghenen, die hi of sijne erven mit rechte verandworden moegen, ende bekennen, weert, dat God verhoede, dat ic daertgegen dede, dat ic dan weer zekerloes, trouweloes ende meynedich. Alle argelist uytgeseget. In orkonde des briefs besegelt mit mijnen segel. Ende want wij , hertoge van Gelre ende van Gulich ende greve van Zutphen voirg., tusschen den voirg. partijen, die ons des aen beijden zijden mechtich gemaect hebben, een swoen geseget hebben in allen formen , manieren ende vurwarden als voirscreven is, ende wij daerby over ende aen gestaen hebben, dat beyde partye voirg. hebben daerop malcanderen een zwoen gegheven, soe hebben wij des te ghetughe onsen segel an desen brieff doen hanghen. Int jaer onss Heren dusent driehondert seven ende tnegentich des neesten Manendages na den Sonnendach Jubilate, dat is des viertiende dages in den Meye, op welken Manendach die voirscreven zwoen geseget waert op Veluwe, in onsen lande aen der Yssele tgegen Deventer, daer vele gueder lude over ende aen waren, Per dominum ducem, presentibus de consilio dominis Arnoldo de Homen, Hermanno de Randenraide, militibus, et Arendo de Boichope, reddituario.
x
| Fonds | Oorkondenboek Groningen en Drenthe |
|---|---|
| Nr | 953 |
| Olim | Naar het origineel thans in het rijksarchief te Utrecht, afkomstig uit de Landskist te Deventer (Inv. van het gemeentearchief te Deventer no. 1475), hoog 36, breed 69 cm. Ook in afschrift in het gemeentearchief te Deventer in het register no. 1607, Inv. fol. 54 (Bijl. blz. 206) en in het Div. I Fred. de Blankenheim, fol. 33vo. Gedrukt bij Dumbar, Analecta, II, blz. 348; Kerkel. en Wereldl. Deventer, I, blz. 637; en gedeeltelijk bij v. Idsinga, Staatsrecht, II, blz. 18. |
| Jaar | 1397 |
| Datumcode | 1405 |