| Nummer:ogd0956 | Datum:25 mei 1397 | Overlevering:Editie | Vindplaats:Oorkondenboek Groningen en Drenthe, nr. 956 |
Willem, hertog van Gelre en Zutphen, geeft vrijgeleide aan allen, die het voor Reynold van Coevorden bestemde geld te Zutphen zullen brengen.
Wij , Willem van Gulich, by Gods genaden hertoge van Gelre ende van Gulich ende greve van Zutphen, doen kond allen luden ,
want wij tusschen den eerwerdigen in Goede vader ende heere onsen lieven neven, heren Frederich, bisscop tUtrecht, ende sinen ge
stichte an die een side, ende onsen lieven neven, Reynolde van Covoerden, ende sinen vrynden an die ander side ene zwoene gededingt ende
uytgeseget hebben van der veede ende orlage, die sij tegen malcanderen hebben gehadt, rurende van Covoerden ende van Drenthe,
daer onder anderen punten mede ynnebegrepen is van onsen lieven neven , dien bisscop van Utrecht, als dat hij verwissen ende
versekeren solde Reynolde van Covoerde ende sinen erfgenamen vijftiendusent olde schilde te betalen in den jaer onss
Heren dusent vierhondert ende twe upten viertienden dach in Meye, alsoverr als die voirs. Reynolt na inholt der zwoenen voirs.
vertichnisse dede van Covoerden ende van Drenthe mit horen toebehoren. Ende want die borgermeysteren, scepene ende rade der
drier hoeftstede van Zalland als Deventer, Campen ende Zwolle dairup voer die voirs. vijftiendusent olde scilde geloeft ende hoerre
stede brieve gegeven hebben als dat gelt te betalen in vrij ende seker behalt Reynolts van Covoerden voirs. of sijnre erfgenamen gebreke sijns
bijnnen onser stat van Zutphen. Ende dieselve onse stat van Zutphen in onsen lande ende buten des gestichts palen van Utrecht gelegen is, so
willen wij, dat onse lieve neve, die bisscop voirs., ende sine nacomelingen ende die borgermeystere, scepene ende rade sijnre drier stede van
Zalland voirs. ende alle dieghene, die van hoerre wegen omme dat voirs. gelt te betalen uytcomen, mit horen live ende alle den gelde
ende guede, dat sij mit hem brengen, aff ende an veilich soelen wesen, sonder argelist. Ende hebben daeromme gegeven ende geven mit
desen brieve onsen lieven neve, den bisscop voirs., of sinen nacomelingen , die den bisscop tUtrecht is, sinen voirg. steden ende alle
dengenen, die sij mit hem nemen of die daer dan comen soelen omme te doen die betalinge des gelds voirs. ende mitten voirs. saken te
volvaren, ene ganse vaste veilicheit ende geleide te wanderen ende te comen te water ende te lande uyt der stat van Deventer doer onse
lande ende bynnen onsen lande ende palen ende oec in onse stat van Zutphen ende weder van Zutphen tot Deventer voer ons ende voer
onse nacomelinge, voir onse amptlude, ondersaten, landen ende luden ende voer alle diegene, die omme onsen wille doen ende laten
willen, ende wij loeven hem vastliken voir ons ende onse nacomelinge, dat wij sij dan in der tijt veiligen ende
geleiden soelen in alre mate als voirs. is, ende besorgen sij dan daerynne trouweliken als wij beste konnen, sonder enigerhande
argelist. In orkonde onss segel, dat wij bij onser rechter wetenheit an desen brief hebben doen hangen. Gegeven tot Arnhem int jaer onss Heren
dusent dryehondert seven ende tnegentich des vijf ende twintichsten dages in Meye. Per dominum ducem, presentibus de consilio Elberto de Eyk et
Arnoldo de Barchoep.
want wij tusschen den eerwerdigen in Goede vader ende heere onsen lieven neven, heren Frederich, bisscop tUtrecht, ende sinen ge
stichte an die een side, ende onsen lieven neven, Reynolde van Covoerden, ende sinen vrynden an die ander side ene zwoene gededingt ende
uytgeseget hebben van der veede ende orlage, die sij tegen malcanderen hebben gehadt, rurende van Covoerden ende van Drenthe,
daer onder anderen punten mede ynnebegrepen is van onsen lieven neven , dien bisscop van Utrecht, als dat hij verwissen ende
versekeren solde Reynolde van Covoerde ende sinen erfgenamen vijftiendusent olde schilde te betalen in den jaer onss
Heren dusent vierhondert ende twe upten viertienden dach in Meye, alsoverr als die voirs. Reynolt na inholt der zwoenen voirs.
vertichnisse dede van Covoerden ende van Drenthe mit horen toebehoren. Ende want die borgermeysteren, scepene ende rade der
drier hoeftstede van Zalland als Deventer, Campen ende Zwolle dairup voer die voirs. vijftiendusent olde scilde geloeft ende hoerre
stede brieve gegeven hebben als dat gelt te betalen in vrij ende seker behalt Reynolts van Covoerden voirs. of sijnre erfgenamen gebreke sijns
bijnnen onser stat van Zutphen. Ende dieselve onse stat van Zutphen in onsen lande ende buten des gestichts palen van Utrecht gelegen is, so
willen wij, dat onse lieve neve, die bisscop voirs., ende sine nacomelingen ende die borgermeystere, scepene ende rade sijnre drier stede van
Zalland voirs. ende alle dieghene, die van hoerre wegen omme dat voirs. gelt te betalen uytcomen, mit horen live ende alle den gelde
ende guede, dat sij mit hem brengen, aff ende an veilich soelen wesen, sonder argelist. Ende hebben daeromme gegeven ende geven mit
desen brieve onsen lieven neve, den bisscop voirs., of sinen nacomelingen , die den bisscop tUtrecht is, sinen voirg. steden ende alle
dengenen, die sij mit hem nemen of die daer dan comen soelen omme te doen die betalinge des gelds voirs. ende mitten voirs. saken te
volvaren, ene ganse vaste veilicheit ende geleide te wanderen ende te comen te water ende te lande uyt der stat van Deventer doer onse
lande ende bynnen onsen lande ende palen ende oec in onse stat van Zutphen ende weder van Zutphen tot Deventer voer ons ende voer
onse nacomelinge, voir onse amptlude, ondersaten, landen ende luden ende voer alle diegene, die omme onsen wille doen ende laten
willen, ende wij loeven hem vastliken voir ons ende onse nacomelinge, dat wij sij dan in der tijt veiligen ende
geleiden soelen in alre mate als voirs. is, ende besorgen sij dan daerynne trouweliken als wij beste konnen, sonder enigerhande
argelist. In orkonde onss segel, dat wij bij onser rechter wetenheit an desen brief hebben doen hangen. Gegeven tot Arnhem int jaer onss Heren
dusent dryehondert seven ende tnegentich des vijf ende twintichsten dages in Meye. Per dominum ducem, presentibus de consilio Elberto de Eyk et
Arnoldo de Barchoep.
x
| Fonds | Oorkondenboek Groningen en Drenthe |
|---|---|
| Nr | 956 |
| Olim | Naar het origineel (A) in het gemeentearchief te Zwolle, hoog 20, breed 29,5 cm. Ook in een afschrift (B) uit de 15de eeuw in het Diversorium, fol. 194vo, in het gemeentearchief te Kampen (Reg. I, no. 323). |
| Jaar | 1397 |
| Datumcode | 2505 |