| Nummer:ogd1001 | Datum:11 sept. 398 | Overlevering:Editie | Vindplaats:Oorkondenboek Groningen en Drenthe, nr. 1001 |
Widzel Ockenzoon en Volmaer Allenzoon beloven hertog Albrecht van Beieren behulpzaam te zullen zijn in het bemachtigen van de stad Groningen.
Wij , Widzel heren Ockensoen ende Volmaer Allensoen, hoeftlinge aen gheenre side der Eemse in Oestvrieslant, doen cond allen luden, want die
hoechgeboren vorste, [onse] lieve genedige here, hertoge Aelbrecht van Beyeren, grave van Henegouwen, van Hollant, van Zeelant ende here van Vrieslant,
bi onser updrachte ende sijnre genaden ons verli[et he]eft ende verleent alrehande landen, heerlichede ende goeden, gelegen tusschen der Eemse ende der Jade in Oest[vri]eslant, soe hebben wij ende elx van ons geloeft ende geloven mit desen
brieve onsen lieven heer, hertoge Aelbrecht voirn., ende sinen n[acome]lingen onse beste te doen na alle onser wetentheit ende machte, dat dieselve onse lieve heere gehult ende ontfaen worde binnen der stede van Groeningen tot horen rechten heer, scout ende gerechte daerin te setten ende te ontsetten ende te hebben ende up te bueren alle foerfayten ende vervallen , dat him mit recht toebehoert Ende waer dat sake, dat die van Groeningen voers. onsen lieven heer daerin wederstandich ende overhorich waren, soe geloven wy onsen lieven heer voers. hulpich ende bistandich wesen in sinen oerloge tiegens derselver stat van Groeningen ende enen yegeliken, dies mit him of hun tiegens onsen lieven heere voers. begripen wilde, ende dier ende derselver stat vyant te worden mit onsen lieven heere, wanneer wy des van him vermaent sullen worden. In oerconde desen brieve besegelt mit onsen segelen [daer] aen gehangen. Ghescreven upten elfsten dach van der maent van Septembris int jaer ons Heeren MCCC achte ende tnegentich.
hoechgeboren vorste, [onse] lieve genedige here, hertoge Aelbrecht van Beyeren, grave van Henegouwen, van Hollant, van Zeelant ende here van Vrieslant,
bi onser updrachte ende sijnre genaden ons verli[et he]eft ende verleent alrehande landen, heerlichede ende goeden, gelegen tusschen der Eemse ende der Jade in Oest[vri]eslant, soe hebben wij ende elx van ons geloeft ende geloven mit desen
brieve onsen lieven heer, hertoge Aelbrecht voirn., ende sinen n[acome]lingen onse beste te doen na alle onser wetentheit ende machte, dat dieselve onse lieve heere gehult ende ontfaen worde binnen der stede van Groeningen tot horen rechten heer, scout ende gerechte daerin te setten ende te ontsetten ende te hebben ende up te bueren alle foerfayten ende vervallen , dat him mit recht toebehoert Ende waer dat sake, dat die van Groeningen voers. onsen lieven heer daerin wederstandich ende overhorich waren, soe geloven wy onsen lieven heer voers. hulpich ende bistandich wesen in sinen oerloge tiegens derselver stat van Groeningen ende enen yegeliken, dies mit him of hun tiegens onsen lieven heere voers. begripen wilde, ende dier ende derselver stat vyant te worden mit onsen lieven heere, wanneer wy des van him vermaent sullen worden. In oerconde desen brieve besegelt mit onsen segelen [daer] aen gehangen. Ghescreven upten elfsten dach van der maent van Septembris int jaer ons Heeren MCCC achte ende tnegentich.
x
| Fonds | Oorkondenboek Groningen en Drenthe |
|---|---|
| Nr | 1001 |
| Olim | Naar het origineel in het rijksarchief te 's Gravenhage, hoog 13, breed 29,3 cm. Ook een afschrift aldaar in een register getiteld Oostvrieslandt (A), fol. VIIvo en XVvo en in een register getiteld Oostvrieslant (B), fol. XVvo. Ook gedrukt bij Friedlaender, Ostfr. Urkb. II no. 1709, S. 667 (oub1709). |
| Jaar | 1398 |
| Datumcode | 1109 |