| Nummer:ogd1005 | Datum:11 sept. 1398 | Overlevering:Editie | Vindplaats:Oorkondenboek Groningen en Drenthe, nr. 1005 |
Hertog Albrecht van Beieren verleent vrijdom van tol in al zijn landen aan Widzel Ockenzoon, Volmaer Allenzoon, Ayleko Ferhildema en Reyner Eisinga, die aan zijn onderzaten door hun landen hetzelfde hebben beloofd.
Aelbrecht etc. doen cond allen luden, want onse ghetruwe lienmannen Widzel heren Ockenzoen, Volmaer Allenzoen, Ayleko Ferhildema ende Reyner
Eisinga ons upghedraghen ende quijtghescouden hebben den rechten eyghendom van sulken landen, herlicheden, sloten ende goeden, als sy nu ter
tijt hebben, houden ende besitten in Oestvrieslant over die Lauwerze totter Jaden toe, soe hebben wy voer ons ende voer onsen nacomelinghen
alsovele te gunsten ende te ghenaden ghedaen den voirnoemten Widzel, Volmaer, Ayleko ende Reyner, dat sy ende hoer nacomelinghe ende alle hoer
lude ende ondersate, wonende in sulken landen, als sy ons upghedraghen hebben, tot ewighen daghen tollenvry varen sullen mit horen scepen ende
goeden voerbi allen onse tollen in onsen landen voirscreven. Ende des hebben sy ons weder gheloeft, dat alle onse lude ende ondersate, gheseten
in onsen lande voirs., desgheliken tollenvry varen ende keren sullen mit horen scepen ende goeden in allen horen landen ende bedriven , die sy
nu ter tijt hebben of namels vercrighen sullen ende ons upghedraghen hebben, durende tot ewighen daghen als voirscreven is. In orcunde etc.
Gegeven in den Haghe upten elfsten dach in Septembri anno XCVIII.
Eisinga ons upghedraghen ende quijtghescouden hebben den rechten eyghendom van sulken landen, herlicheden, sloten ende goeden, als sy nu ter
tijt hebben, houden ende besitten in Oestvrieslant over die Lauwerze totter Jaden toe, soe hebben wy voer ons ende voer onsen nacomelinghen
alsovele te gunsten ende te ghenaden ghedaen den voirnoemten Widzel, Volmaer, Ayleko ende Reyner, dat sy ende hoer nacomelinghe ende alle hoer
lude ende ondersate, wonende in sulken landen, als sy ons upghedraghen hebben, tot ewighen daghen tollenvry varen sullen mit horen scepen ende
goeden voerbi allen onse tollen in onsen landen voirscreven. Ende des hebben sy ons weder gheloeft, dat alle onse lude ende ondersate, gheseten
in onsen lande voirs., desgheliken tollenvry varen ende keren sullen mit horen scepen ende goeden in allen horen landen ende bedriven , die sy
nu ter tijt hebben of namels vercrighen sullen ende ons upghedraghen hebben, durende tot ewighen daghen als voirscreven is. In orcunde etc.
Gegeven in den Haghe upten elfsten dach in Septembri anno XCVIII.
x
| Fonds | Oorkondenboek Groningen en Drenthe |
|---|---|
| Nr | 1005 |
| Olim | Naar een register getiteld Oostvrieslandt (A), fol. XIVvo, in het rijksarchief te 's Gravenhage. |
| Jaar | 1398 |
| Datumcode | 1109 |