| Nummer:ogd1073 | Datum:8 juni 1400 | Overlevering:Editie | Vindplaats:Oorkondenboek Groningen en Drenthe, nr. 1073 |
De overheden van Westergo en Wit-Oostergo sluiten een verdrag met de Hanzesteden Lübeck, Hamburg, Bremen en Groningen over zeeroof en strandrecht.
Wytlic zy al denghenen , de dessen breef zien eder horen lesen , dat wij , abten , prelaten , dekenen , greetmans ende ghemene rychters van
Westerghe ende Wytoesterghelanden , schullen ende willen nummermeer to eweghen tyden Vytalienbroederen eder anderen roveren, de den kop
man beschedighen eder beschedighen laten to lande eder to watere, husen eder heghen in unsen landen ofte ghebeden. Were dat id jemant dede, zo wylle wy ende schullen mit rade unde mit dade mit alle unser macht daerto helpen ende volghen to lande unde to watere, dat de vorscreven rovere verstoert werden. Oec schulle wy unde wyllen , dat alle coeplude scullen velych unde vry varen unde keren to lande unde to watere, by daghe unde by nachte, wanneer id hem bequeme is, up eren rechten tolnen, den ze oldinges pleghen to gheven. Weert dat ze jemant daerin hynderde eder hynderen wolde laten, zo scholde wy ende wyllen ze verbydden unde verdeghedingen mit al unser macht, mit ghantseu truwen. Oec weert, dat God verbieden mothe, dat jenich man schypbrokich worde in der zee bynnen landes eder buten in der zee, wat goede daeraf gheberghet worde van den inwoneren unser lande vors. eder van anderen luden, de daer toquemen of togheeesschet worden, dat scullen ze wedergheven ende nemen redelic arbeydesloen. Weert aver, dat de scyppe mit zinen scepeskynderen eder mit den coepluden zulven wes berghede, dat scolden ze beholden ende daer nicht afgheven unde dat voren, wanneer ende waer em dat bequeme is, zunder hyndernisse. Oec scullen alle de breve, de den menen Hensesteden eder eyner stad bezunderen anroert, by orer macht blyven ende unverbroken. Dit hebbe wy ghedeghedinget mit den eerliken luden, hoeftluden van der Henze utghesand, van Lubike heren Hemmynge van Ryntelen, heren Johanne Crispijn, van Hamborch her Alberte Screyge, her Johanne Nanne, van Bremen heren Lutger Wolders, van Groningen Zweder van Wynde, Alef Schelghe ende Albert Scelghe, de nu tor tijd to Emeden zint. Alle desse vors. stucke ende artikele ende een ytlijc byzunderen love wy in goden truwen stede, vast ende unghebroeken to holdene zunder jenigherhande hulpreede, alle arghelist utghenomen. Ende hebt des unser lande inghezeghele van Westerghe ende Wytoesterghe vorseyt wytlike ghehenget laten an dessen breef. Ghegheven tot Emeden na Godes boerd in viertiendenhundersten jaere des Dynxedaghes in den Pynxteren.
Westerghe ende Wytoesterghelanden , schullen ende willen nummermeer to eweghen tyden Vytalienbroederen eder anderen roveren, de den kop
man beschedighen eder beschedighen laten to lande eder to watere, husen eder heghen in unsen landen ofte ghebeden. Were dat id jemant dede, zo wylle wy ende schullen mit rade unde mit dade mit alle unser macht daerto helpen ende volghen to lande unde to watere, dat de vorscreven rovere verstoert werden. Oec schulle wy unde wyllen , dat alle coeplude scullen velych unde vry varen unde keren to lande unde to watere, by daghe unde by nachte, wanneer id hem bequeme is, up eren rechten tolnen, den ze oldinges pleghen to gheven. Weert dat ze jemant daerin hynderde eder hynderen wolde laten, zo scholde wy ende wyllen ze verbydden unde verdeghedingen mit al unser macht, mit ghantseu truwen. Oec weert, dat God verbieden mothe, dat jenich man schypbrokich worde in der zee bynnen landes eder buten in der zee, wat goede daeraf gheberghet worde van den inwoneren unser lande vors. eder van anderen luden, de daer toquemen of togheeesschet worden, dat scullen ze wedergheven ende nemen redelic arbeydesloen. Weert aver, dat de scyppe mit zinen scepeskynderen eder mit den coepluden zulven wes berghede, dat scolden ze beholden ende daer nicht afgheven unde dat voren, wanneer ende waer em dat bequeme is, zunder hyndernisse. Oec scullen alle de breve, de den menen Hensesteden eder eyner stad bezunderen anroert, by orer macht blyven ende unverbroken. Dit hebbe wy ghedeghedinget mit den eerliken luden, hoeftluden van der Henze utghesand, van Lubike heren Hemmynge van Ryntelen, heren Johanne Crispijn, van Hamborch her Alberte Screyge, her Johanne Nanne, van Bremen heren Lutger Wolders, van Groningen Zweder van Wynde, Alef Schelghe ende Albert Scelghe, de nu tor tijd to Emeden zint. Alle desse vors. stucke ende artikele ende een ytlijc byzunderen love wy in goden truwen stede, vast ende unghebroeken to holdene zunder jenigherhande hulpreede, alle arghelist utghenomen. Ende hebt des unser lande inghezeghele van Westerghe ende Wytoesterghe vorseyt wytlike ghehenget laten an dessen breef. Ghegheven tot Emeden na Godes boerd in viertiendenhundersten jaere des Dynxedaghes in den Pynxteren.
x
| Fonds | Oorkondenboek Groningen en Drenthe |
|---|---|
| Nr | 1073 |
| Olim | Naar het origineel in het Stadtarchiv te Hamburg, gemerkt Ff 2, hoog 19,2, breed 33,3 cm. Vermeld bij Friedlaender,, Ostfr. Urkb. I, no. 173 (oub173). |
| Jaar | 1400 |
| Datumcode | MpPentec |