| Nummer:ogd1189 | Datum:6 sept. 1404 | Overlevering:Editie | Vindplaats:Oorkondenboek Groningen en Drenthe, nr. 1189 |
Frederik van der Eze belooft zijn verplichtingen tegenover de drie steden Deventer, Kampen en Zwolle ter zake van de bewaring van het kasteel van Coevorden te zullen nakomen.
Allen luden, die desen brieff sullen sien oft hoeren leezen, doe ich te verstaen, Frederic van der Eze, ende bekenne voir my ende voir myne
erfgename, dat die eerwerdige
in Gaide vaider ende here, her Frederic van Blanckenhem, bi der genaden Gaits bisscop tUtrecht, mijn lieve genedige here, my sijn huys, borch
ende stat tot Covorden myt
allen hoeren toebehoeren guetlic up myne geloeve ende trouwe heeft undergedaen ende bevolen te verwaerren, dat ich van hem ontfangen ende
angenomen hebbe in alsulken schine als die brieff begripet, den ich hem dairup hebbe besegelt gegeven. Ende want die eersame wijse bescheiden
lude, scepene ende raide der drier haeftstede van Sallant als Deventer, Campen ende Swolle hoir guet-duncken ende volboert gedaen hebben tot der
bevelinge, die my geschiet is, soedat ich bij hoeren wille ende raide dair angekomen bin, soe hebbe ich nae den voirweerden, die van den huys,
borch ende stat tot Covorden gemaect sijn tusschen mynen genedigen heren van Utrecht ende den drien, steden vurs. ende nae inhalt der brieve,
die he hem dairup heeft gegeven van te verzekeren, dat dat huys, borch ende stat van den gestichte nyet untverret noch vervreemt en weerde,
gelaeft ende gezekert in gueden trouwen ende gezworen over den heyligen myt upgerichten vingeren ende myt gestaefden eede voir my ende voir myne
erfgename an hande der burgermeystere te behueff der drier stede vurg., alsdat ich die borch, dat huys ende stat tot Covorden myt allen hoeren
toebehoeren trouweliken sal haelden, hueden ende verwaerren tot behueff mijns genedigen heren ende sijns gestichts van Utrecht vurs. als een
guet castellayne ende amptman is schuldich te doin, sunder enich gelt dairup te lenen off upslach te maken, ten were by wille ende consent der
drier stede vurs. Ende weert dat mijn genedige here van Utrecht vurs. aflivich oft in een ander gesticht transferiert woirde by mijnre tijt,
dats te verstaen diewyle dat ich castelleyn ende amptman tot Covorden bin, dat Got verbieden moet, soe en sal ich noch myne erfgename dat huys,
borch ende stat tot Covorden vurs. in nyemants hant brengen dan by raide ende geheite der steden vurs. tot behueff des gestichts van Utrecht,
thent der tijt dat die bisscop, die dan queme nae mynen genedigen here, die nu is, den vurs. steden brieve gegeven ende besegelt hadde van allen
den punten ende in deselven formen als die brieve, die mijn genedigen here vurs. hem gegeven heeft, dairaff hebben begrepen. Oich synt
voirwerden, oft sake were dat mijn genedige here vurscreven my untsette ende enen anderen amptman ende castelleyn weder in myne stede setten
wolde, soe en sal ich nochtans dat vurscreven huys, borch ende stat tot Covorden nyet averleveren die amptman ende castelleyne, die nae my
queme, en hadde den steden vurs. yrst brieve gegeven ende besegelt in alle der maeten als dese brieff heeft begrepen. Ende wanneer dat geschiet
is, soe sal ich off myne erfgename gebreke mijns dien bisscop, nacomelinge mijns genedigen heren vurs., dat huys, die borch ende stat myt hoeren
toebehoeren commerloes overleveren toe behueff des gestichts dairmede voirt um te gaen als vurs. is, beholdelic mij, Frederick ende mijnen
erfgenamen sulke brieven als my die drie stede vurs. besegelt hebben van dusent aelden Francrixschen schilden, die ich an Sweders erfgenamen van
Rechteren, den Got genedich sij , verleecht ende betaelt hebbe, alsdat ich dier gebruken mach nae hoeren tenoir ende inholtnisse onverbroken
mijns eeds vurs. Voirt synt voirwerden, dat ich alletijt, diewijl ich castelleyn ende amptman tot Covorden ben, helpen sal nae alle mijnre macht
dat lant van Sallant beschudden voir roeff, voir brant ende voir alle geweltlike saken myt allen denghenen, die ich dairtoe bidden ende gebieden
kan; sunder enigerhande argelist. In oirkunde des briefs besegelt myt mynen segel. Gegeven int jaer unss Heren dusent vierhundert ende vier des
sesten dages in Septembri.
erfgename, dat die eerwerdige
in Gaide vaider ende here, her Frederic van Blanckenhem, bi der genaden Gaits bisscop tUtrecht, mijn lieve genedige here, my sijn huys, borch
ende stat tot Covorden myt
allen hoeren toebehoeren guetlic up myne geloeve ende trouwe heeft undergedaen ende bevolen te verwaerren, dat ich van hem ontfangen ende
angenomen hebbe in alsulken schine als die brieff begripet, den ich hem dairup hebbe besegelt gegeven. Ende want die eersame wijse bescheiden
lude, scepene ende raide der drier haeftstede van Sallant als Deventer, Campen ende Swolle hoir guet-duncken ende volboert gedaen hebben tot der
bevelinge, die my geschiet is, soedat ich bij hoeren wille ende raide dair angekomen bin, soe hebbe ich nae den voirweerden, die van den huys,
borch ende stat tot Covorden gemaect sijn tusschen mynen genedigen heren van Utrecht ende den drien, steden vurs. ende nae inhalt der brieve,
die he hem dairup heeft gegeven van te verzekeren, dat dat huys, borch ende stat van den gestichte nyet untverret noch vervreemt en weerde,
gelaeft ende gezekert in gueden trouwen ende gezworen over den heyligen myt upgerichten vingeren ende myt gestaefden eede voir my ende voir myne
erfgename an hande der burgermeystere te behueff der drier stede vurg., alsdat ich die borch, dat huys ende stat tot Covorden myt allen hoeren
toebehoeren trouweliken sal haelden, hueden ende verwaerren tot behueff mijns genedigen heren ende sijns gestichts van Utrecht vurs. als een
guet castellayne ende amptman is schuldich te doin, sunder enich gelt dairup te lenen off upslach te maken, ten were by wille ende consent der
drier stede vurs. Ende weert dat mijn genedige here van Utrecht vurs. aflivich oft in een ander gesticht transferiert woirde by mijnre tijt,
dats te verstaen diewyle dat ich castelleyn ende amptman tot Covorden bin, dat Got verbieden moet, soe en sal ich noch myne erfgename dat huys,
borch ende stat tot Covorden vurs. in nyemants hant brengen dan by raide ende geheite der steden vurs. tot behueff des gestichts van Utrecht,
thent der tijt dat die bisscop, die dan queme nae mynen genedigen here, die nu is, den vurs. steden brieve gegeven ende besegelt hadde van allen
den punten ende in deselven formen als die brieve, die mijn genedigen here vurs. hem gegeven heeft, dairaff hebben begrepen. Oich synt
voirwerden, oft sake were dat mijn genedige here vurscreven my untsette ende enen anderen amptman ende castelleyn weder in myne stede setten
wolde, soe en sal ich nochtans dat vurscreven huys, borch ende stat tot Covorden nyet averleveren die amptman ende castelleyne, die nae my
queme, en hadde den steden vurs. yrst brieve gegeven ende besegelt in alle der maeten als dese brieff heeft begrepen. Ende wanneer dat geschiet
is, soe sal ich off myne erfgename gebreke mijns dien bisscop, nacomelinge mijns genedigen heren vurs., dat huys, die borch ende stat myt hoeren
toebehoeren commerloes overleveren toe behueff des gestichts dairmede voirt um te gaen als vurs. is, beholdelic mij, Frederick ende mijnen
erfgenamen sulke brieven als my die drie stede vurs. besegelt hebben van dusent aelden Francrixschen schilden, die ich an Sweders erfgenamen van
Rechteren, den Got genedich sij , verleecht ende betaelt hebbe, alsdat ich dier gebruken mach nae hoeren tenoir ende inholtnisse onverbroken
mijns eeds vurs. Voirt synt voirwerden, dat ich alletijt, diewijl ich castelleyn ende amptman tot Covorden ben, helpen sal nae alle mijnre macht
dat lant van Sallant beschudden voir roeff, voir brant ende voir alle geweltlike saken myt allen denghenen, die ich dairtoe bidden ende gebieden
kan; sunder enigerhande argelist. In oirkunde des briefs besegelt myt mynen segel. Gegeven int jaer unss Heren dusent vierhundert ende vier des
sesten dages in Septembri.
x
| Fonds | Oorkondenboek Groningen en Drenthe |
|---|---|
| Nr | 1189 |
| Olim | Naar het origineel in het gemeentearchief te Kampen (Reg. I, no. 359), hoog 23,5, breed 38 cm. In het register no. 1607 van het gemeentearchief te Deventer, fol. 117, wordt deze brief alleen vermeld met opgave van de afwijkingen van no. 921 (ogd0921) d.d. 2 Februari 1396. |
| Jaar | 1404 |
| Datumcode | 0609 |
x
| Commentaar | Aan het stuk hangt een zegel in bruine was, vertonend in een ornamentrand een schild beladen met een kruis; randschrift: SIGLM VREDERICS VAN DE . ESE. |
|---|