| Nummer:osa088 | Datum: | Overlevering:Origineel | Vindplaats:Oude Statenarch., inv.nr. 0190, reg. 088 |
Wy etten des gemenen landes van Drenthe ende wy stellinge des gemenen landes Stellingwerf bekennen in desen breve dat wy bij rade ende guetdunken
des eersamen Wolter Stellinges droste toe Covorde ende des landes van Drenthe synt verdragen myt malkanderen omme nutticheit, eendrachticheit, oerberheit ende salicheit
des landes van Drenthe ende van Stellingwerf vermiddes zaken de ghescheen syn ende noch ghescheen mogen, daer de lande omme te zamende toe groten verdreete ende scaden
komen mogen. Omme dat toe verhueden soe hebben wy malkanderen gelovet alle dese naebescreven articulen ende punten te holden ende toe vollen been by eenre penen van dusent
oelde francrijkessche schilde. Int eerste dat nement en sal trecken uut den lande van Drenthe int lant van Stellingwerf oft uut den lande van Stellingwerf int land van
Drenthe omme scaden toe doen dat sy myt rove myt name myt brande, myt vangenisse oft myt enegerleye gewelde. Ende oft dat geschede deghene de dat deden de solden
hoer lijf gebroken hebben ende ses hoer naesten handen solden den scaden richten den se gedaen hadden. Ende men sal se vervolgen myt den gemenen clockenslage uut den enen
lande in dat ander. Ende in der vervolginge soe sal ellick geveleget wesen, soe lange alse de gemene meente weder toe huus komet den dach all gelijken of dat weer op een zweert
rocht of op een lutting in den lande van Drenthe. Ende des gelijkes sullen de Drenthe weder geveleget wesen in Stellingwerf als by der voerscr. penen. Ende in wat kersapelle die
clockenslach genge soe solde de schulte int lant van Drenthe ofte de stellinge in Stellingwerf myt den gemenen kerspele volgen elck de beste man van den huse. Ende we den clocken
slach nyet en volgede de sal gebroken hebben vijf Rynsche gulden dat derdendeel toe behoef ons heren van Utrecht ende de twe deel toe behoef des ghenen den de scade gescheen were.
Ende den broke sal men uutrichten gelyken anderen broken elck in synen lande. Ende ofte de schulte selven den clockenslach nyet volgen en wolde soe sal he dubbelden broke ghelden ende
allike wal sol men de clocke slaen ende volgen als voerscr. is. Ende weert zake dat se gevangen worden so sal men se richten myt den zweerde in den lande daer se gevangen worden ende
gheen huusvrede noch lantvrede en sal hem toe baten komen. Voert weert zake dat enych persoen inden lande van Drenthe oft uut den lande van Drenthe enen Vresen wondede de in
Stellingwerf woende ofte dat ene uut Stellingwerf enen uut den lande van Drenthe mysdede ofte doetslogen de solden malkanderen beteringe doen toe guetdunken oerre vrende an
beyden tzijden. Ende wert sake dat se de beteringe neet eens en konden werden soe muchte de ghene de de beteringe doen wolde de mysdaen hadde of de ghene de mysdaen were
de geerne beteringe hadde des blyven ende des beloven an den drosten ende an den etten des landes van Drenthe. Ende de dat beloven wolde de solde dat den drosten van Covorde ene
weke voer dat naeste lutting toe voren toe kennen geven ende begeren dat de partyen [an] beyden tzyden velich an ende van daer komen muchten myt des drosten gheleyde ende dat
sal de droste den partyen laten weten dat se geleydet weren op kost des ghenes de dat geloef dede. Ende dan ten naesten luttinge soe mach de ghene de in Stellingwerf woende ende
de soene begeerde myt hem brengen dree ofte vijer stellinge ende de solden de zoene uutspreken myt den drosten ende den etten ende wes de samentlyck voer ene zoene uutspreken dat sullen sy an beyden tzyden holden. Ende weert zake dat daer gene stellinge en quemen wes dan de droste ende de etten voer ene uutsprake deden dat solden sye
holden ende volgen. Ende we daer en boven dede de solde soe vele gebroken hebben of sy enen vrede gebroken hadden uut gesproken oft se malkanderen doetslogen in den lande
van Drenthe. Ende [de] gevangen worden de solde men richten nae uutwysinge des nyen lantbreves. Voert weert zake dat yemant toe clagen hadde omme schult uut den lande
van Drenthe in Stellingwerf oft uut Stellingwerf in den lande van Drenthe de schult mach he bekennen of he mach hem ontgaen self derde myt horen eden. Ende wes
schuldig gerekent wort, daer salmen voer anpanden of wilkoren dree weken. Ende nae den dreen weken mach men panden den derden pennyng boven de schult myt panden
de men vletten ende voren mach. Ende voert meer, weert zake dat yemant de mysdaders ghelijc boven inden breve gheroert ende voerscr. is husede of hovede de sal breken alsoe
vele als de hantdadege als voerscr. is. Voert weert sake dattet soe queme dat dese voerscr. overdracht den lande van Drenthe nyet langer en deende soe muchten de droste
van Covorde ende de etten de inder tijt dan weren den lande van Stellingwerf dat weder op scriven onder segele des landes van Drenthe ende des drosten indertijt.
Ende des gelyken mogen doen de gemene stellinge in Stellingwerf onder segele des landes van Stellingwerf. Ende weert zake dat desse voerscr. overdracht opge-
screven worde soe solden alle dese voerscr. punten ende overdrachten nochtant staende blyven een half jaer nae der opscrivinge in hoerre vollenkomender macht omme nemant
den anderen toe verklokene. Sonder argelist. In oerkont der waerheit soe hebben wy omme der meerre vestenisse willen des landes zegel van Drenthe ende des landes
zegel van Stellingwerf beneden an desen breef gehangen. Ende hebben voert ghebeden den eerbaren Wolter Stelling inder tyt droste toe Covorde etc. Ende want
dese voerscr. saken by synen rade ende guetdunken gescheen syn dessen breef myt ons toe besegelen. Ende ic Wolter Stelling voerscr. hebbe omme bede willen der etten ende
der stellinge voerscr. ende mede wantet by mynen guetdunken gescheen is soe heb ic myn zegel mede an desen breef ghehangen. Ghescreven ende gemaket toe Beylen
des dinxedagers nae Sancte Bonifacius dage in den jare ons Heren dusent vijerhondert ende een ende tsestich etc.
des eersamen Wolter Stellinges droste toe Covorde ende des landes van Drenthe synt verdragen myt malkanderen omme nutticheit, eendrachticheit, oerberheit ende salicheit
des landes van Drenthe ende van Stellingwerf vermiddes zaken de ghescheen syn ende noch ghescheen mogen, daer de lande omme te zamende toe groten verdreete ende scaden
komen mogen. Omme dat toe verhueden soe hebben wy malkanderen gelovet alle dese naebescreven articulen ende punten te holden ende toe vollen been by eenre penen van dusent
oelde francrijkessche schilde. Int eerste dat nement en sal trecken uut den lande van Drenthe int lant van Stellingwerf oft uut den lande van Stellingwerf int land van
Drenthe omme scaden toe doen dat sy myt rove myt name myt brande, myt vangenisse oft myt enegerleye gewelde. Ende oft dat geschede deghene de dat deden de solden
hoer lijf gebroken hebben ende ses hoer naesten handen solden den scaden richten den se gedaen hadden. Ende men sal se vervolgen myt den gemenen clockenslage uut den enen
lande in dat ander. Ende in der vervolginge soe sal ellick geveleget wesen, soe lange alse de gemene meente weder toe huus komet den dach all gelijken of dat weer op een zweert
rocht of op een lutting in den lande van Drenthe. Ende des gelijkes sullen de Drenthe weder geveleget wesen in Stellingwerf als by der voerscr. penen. Ende in wat kersapelle die
clockenslach genge soe solde de schulte int lant van Drenthe ofte de stellinge in Stellingwerf myt den gemenen kerspele volgen elck de beste man van den huse. Ende we den clocken
slach nyet en volgede de sal gebroken hebben vijf Rynsche gulden dat derdendeel toe behoef ons heren van Utrecht ende de twe deel toe behoef des ghenen den de scade gescheen were.
Ende den broke sal men uutrichten gelyken anderen broken elck in synen lande. Ende ofte de schulte selven den clockenslach nyet volgen en wolde soe sal he dubbelden broke ghelden ende
allike wal sol men de clocke slaen ende volgen als voerscr. is. Ende weert zake dat se gevangen worden so sal men se richten myt den zweerde in den lande daer se gevangen worden ende
gheen huusvrede noch lantvrede en sal hem toe baten komen. Voert weert zake dat enych persoen inden lande van Drenthe oft uut den lande van Drenthe enen Vresen wondede de in
Stellingwerf woende ofte dat ene uut Stellingwerf enen uut den lande van Drenthe mysdede ofte doetslogen de solden malkanderen beteringe doen toe guetdunken oerre vrende an
beyden tzijden. Ende wert sake dat se de beteringe neet eens en konden werden soe muchte de ghene de de beteringe doen wolde de mysdaen hadde of de ghene de mysdaen were
de geerne beteringe hadde des blyven ende des beloven an den drosten ende an den etten des landes van Drenthe. Ende de dat beloven wolde de solde dat den drosten van Covorde ene
weke voer dat naeste lutting toe voren toe kennen geven ende begeren dat de partyen [an] beyden tzyden velich an ende van daer komen muchten myt des drosten gheleyde ende dat
sal de droste den partyen laten weten dat se geleydet weren op kost des ghenes de dat geloef dede. Ende dan ten naesten luttinge soe mach de ghene de in Stellingwerf woende ende
de soene begeerde myt hem brengen dree ofte vijer stellinge ende de solden de zoene uutspreken myt den drosten ende den etten ende wes de samentlyck voer ene zoene uutspreken dat sullen sy an beyden tzyden holden. Ende weert zake dat daer gene stellinge en quemen wes dan de droste ende de etten voer ene uutsprake deden dat solden sye
holden ende volgen. Ende we daer en boven dede de solde soe vele gebroken hebben of sy enen vrede gebroken hadden uut gesproken oft se malkanderen doetslogen in den lande
van Drenthe. Ende [de] gevangen worden de solde men richten nae uutwysinge des nyen lantbreves. Voert weert zake dat yemant toe clagen hadde omme schult uut den lande
van Drenthe in Stellingwerf oft uut Stellingwerf in den lande van Drenthe de schult mach he bekennen of he mach hem ontgaen self derde myt horen eden. Ende wes
schuldig gerekent wort, daer salmen voer anpanden of wilkoren dree weken. Ende nae den dreen weken mach men panden den derden pennyng boven de schult myt panden
de men vletten ende voren mach. Ende voert meer, weert zake dat yemant de mysdaders ghelijc boven inden breve gheroert ende voerscr. is husede of hovede de sal breken alsoe
vele als de hantdadege als voerscr. is. Voert weert sake dattet soe queme dat dese voerscr. overdracht den lande van Drenthe nyet langer en deende soe muchten de droste
van Covorde ende de etten de inder tijt dan weren den lande van Stellingwerf dat weder op scriven onder segele des landes van Drenthe ende des drosten indertijt.
Ende des gelyken mogen doen de gemene stellinge in Stellingwerf onder segele des landes van Stellingwerf. Ende weert zake dat desse voerscr. overdracht opge-
screven worde soe solden alle dese voerscr. punten ende overdrachten nochtant staende blyven een half jaer nae der opscrivinge in hoerre vollenkomender macht omme nemant
den anderen toe verklokene. Sonder argelist. In oerkont der waerheit soe hebben wy omme der meerre vestenisse willen des landes zegel van Drenthe ende des landes
zegel van Stellingwerf beneden an desen breef gehangen. Ende hebben voert ghebeden den eerbaren Wolter Stelling inder tyt droste toe Covorde etc. Ende want
dese voerscr. saken by synen rade ende guetdunken gescheen syn dessen breef myt ons toe besegelen. Ende ic Wolter Stelling voerscr. hebbe omme bede willen der etten ende
der stellinge voerscr. ende mede wantet by mynen guetdunken gescheen is soe heb ic myn zegel mede an desen breef ghehangen. Ghescreven ende gemaket toe Beylen
des dinxedagers nae Sancte Bonifacius dage in den jare ons Heren dusent vijerhondert ende een ende tsestich etc.
x
| Archief | Drents Archief |
|---|---|
| Fonds | Oude Statenarch. |
| Toegangsnummer | 1 |
| Inventarisnr. | 0190 |
| Regestnr. | 088 |
| Jaar | 1461 |
| Datumcode | MpBonifa |